Աշոտ Ռուխկյան

Վիքիպեդիայում կան հոդվածներ Ռուխկյան ազգանունով այլ մարդկանց մասին։

Աշոտ Արամի Ռուխկյան (մարտի 4, 1903(1903-03-04), Ալեքսանդրապոլ, Երևանի նահանգ, Ռուսական կայսրություն - հունիսի 24, 1993(1993-06-24), Երևան, Հայաստան), հայ խորհրդային անասնաբույծ-սելեկցիոներ։ Գյուղատնտեսական գիտությունների դոկտոր, պրոֆեսոր։ ՀԽՍՀ գիտության վաստակավոր գործիչ (1961)։

Աշոտ Ռուխկյան
Ծնվել է	մարտի 4, 1903(1903-03-04) Ալեքսանդրապոլ, Երևանի նահանգ, Ռուսական կայսրություն
Մահացել է	հունիսի 24, 1993(1993-06-24) (90 տարեկան) Երևան, Հայաստան
Մասնագիտություն	անասնաբույծ, ընտրասերիչ և դասախոս
Հաստատություն(ներ)	Երևանի անասնաբուծական-անասնաբուժական ինստիտուտ և Անասնաբուծության և անասնաբուժության գիտական կենտրոն
Գործունեության ոլորտ	գենետիկա և Արհեստական ընտրություն
Անդամակցություն	Լենինի անվան ՀամԳԳԱ
Ալմա մատեր	Վրաստանի տեխնիկական համալսարան (1925)
Կոչում	member of the Russian Academy of Agricultural Sciences? և պրոֆեսոր
Գիտական աստիճան	գյուղատնտեսական գիտությունների դոկտոր (1942)
Պարգևներ	և
Կուսակցություն	ԽՄԿԿ
Երեխա(ներ)	Մարգարիտա Ռուխկյան

Երաժշտագետ Մարգարիտա Ռուխկյանի հայրը։

Կենսագրություն

Ծնվել է 1903 թվականին Ալեքսանդրապոլում։ Գյուղատնտեսական գիտությունների դոկտոր (1942), պրոֆեսոր (1942), ՀԽՍՀ գիտնական, վաստակավոր գործիչ (1961), Վ. Լենինի անվան ՀամԳԳԱ ակադեմիկոս (1972)։ ԽՄԿԿ անդամ 1948 թվականից։ Ավարտել է Թիֆլիսի պոլիտեխնիկական ինստիտուտի ագրոնոմիական ֆակուլտետը (1925)։ 1930 թվականից աշխատել է Անդրֆեդերացիայի անվան անասնաբուժության Աշոտ Ռուխկյան (հետագայում՝ Երևանի անասնաբուծական-անասնաբուժական) ինստիտուտում, որպես ոչխարաբուծության (1931-1935), գյուղատնտեսական կենդանիների գենետիկայի և բուծման (1935-1959), գյուղատնտեսական կենդանիների բուծման և տոհմային գործի (1959 թվականից) ամբիոնների վարիչ։ Եղել է նաև ՀԽՍՀ ԳԱ անասնապահության (ՀԽՍՀ անասնապահության և կերարտադրության) ինստիտուտի տնօրեն (1943-1952)։ 1967-1977 թվականներին եղել է գենետիկների և սելեկցիոներների հայկական ընկերության նախագահ։

Գիտական աշխատանքները վերաբերում են ոչխարաբուծության որակական բարելավմանը և տոհմային գործին։ Նրա ղեկավարությամբ ստեղծվել են Արագածյան ոչխարի ցեղախումբը և բալբասի ներցեղային տիպը, որը տարածված է Հայաստանի լեռնային շրջաններում։

Պարգևներ

• Աշխատանքային կարմիր դրոշի շքանշան
• «Պատվո նշան» շքանշան, 1944
• ՀԽՍՀ գիտությունների վաստակավոր գործիչ, 1961
• ՀամԳԳԱ ակադեմիկոս, 1972
• Լենինի շքանշան, 1971
• ՌԽՖՍՀ Մ. Իվանովի անվան ոսկե մեդալ, 1986

Աշոտ Ռուխկյանի հուշտախտակը հուշատախտակը Երևանի Նալբանդյան 47 հասցեում

Ծանոթագրություններ

Վիքիդարանն ունի նյութեր, որոնք վերաբերում են «Աշոտ Ռուխկյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 15)։