Ալի Բաբաջան
Ալի Բաբաջան (թուրքերեն՝ Ali Babacan; ծնվ ապրիլի 4, 1967 թվական, Անկարա, Թուրքիա), թուրք քաղաքական և հասարակական գործիչ։
| Ալի Բաբաջան | |
| |
| Կուսակցություն՝ | Արդարության և զարգացման կուսակցություն և Ժողովրդավարություն և առաջընթաց կուսակցություն |
|---|---|
| Կրթություն՝ | Մերձավոր Արևելքի տեխնիկական համալսարանի ճարտարագիտության ֆակուլտետ, Քելլոգի անվան մենեջմենքի դպրոց, Միջինարևելյան տեխնիկական համալսարան և Անկարայի TED-քոլեջ |
| Մասնագիտություն՝ | քաղաքական գործիչ, դիվանագետ, ճարտարագետ և միջազգային ֆորումի մասնակից |
| Ծննդյան օր | ապրիլի 4, 1967[1][2] (56 տարեկան) |
| Ծննդավայր | Անկարա, Թուրքիա |
| Քաղաքացիություն |  Թուրքիա
|
| Ամուսին | Ulku Zeynep Babacan? |
| Ինքնագիր | 
|
| Պարգևներ | |
Կենսագրություն խմբագրել
1985 թվականին ավարտել է Անկարայի քոլեջը[3]։ 1989 թվականին ստացել է բակալավրի աստիճան Անկարայի Մերձավոր Արևելքի տեխնիկական համալսարանում[3]։ Այնուհետև կրթությունը շարունակել է ԱՄՆ-ում։ 1992 թվականին Բաբաջանը ստացել է գործարար կառավարման մագիստրոսի կոչում Կելոգի անվան մենեջմենթի դպրոցում[3]։
Երկու տարի աշխատել է Չիկագոյում «QRM, Inc» ընկերությունում, որը զբաղվում է ամերիկյան բանկերին ֆինանսական խորհրդատվության տրամադրմամբ[3]։ 1994 թվականին Բաբաջանը վերադարձել է Թուրքիա և նշանակվել Անկարայի քաղաքապետի խորհրդականի պաշտոնում։ 1994- 2002 թվականներին զբաղեցրել է տեքստիլով զբաղվող ընկերության ղեկավարի պաշտոն, որը պատկանում էր նրա ընտանիքին։
2002 թվականի նոյեմբերի 3-ին ընտրվել է թուրքական մեջլիսի անդամ` Անկարայից։ 2002 թվականի նոյեմբերի 18-ին նշանակվել է Թուրքիայի էկոնոմիկայի նախարար[4]։
Եղել է մի շարք միջազգային հանդիպումների մասնակից, այդ թվում ներկա է եղել Դավոսում տեղի ունեցող Միջազգային տնտեսական ֆորումին և Բիլդերբերգյան ակումբի աշխատանքներին։
2007 թվականի օգոստոսի 29-ից մինչ 2009 թվականի մայիսի 1-ը զբաղեցրել է Թուրքիայի արտաքին գործերի նախարարի պաշտոնը։
Բազմիցս քննադատվել է կրոնական գործիչ Ֆեթուլլահ Գյուլենի հետ կապեր ունենալու համար[5]։
Անձնական կյանք խմբագրել
Ամուսնացած է, ունի երեք երեխա[6]։
Ծանոթագրություններ խմբագրել
- ↑ Munzinger Personen (գերմ.)
- ↑ Davos 2014 Participant List
- ↑ 3,0 3,1 3,2 3,3 «Başbakan ve bakanların özgeçmişleri» (Turkish)։ Ntvmsnbc.com.։ սեպտեմբերի 3, 2007։ Վերցված է հունվարի 13, 2011
- ↑ «58. Hükümet’in profili» (Turkish)։ Ntvmsnbc.com։ նոյեմբերի 18, 2002։ Վերցված է հունվարի 13, 2011
- ↑ Deputy PM Babacan summons economy team in September amid questions over his future(անգլ.)
- ↑ Türkiye Büyük Millet Meclisi