Ալեքսանդր Օլենիչ-Գնենենկո
Ալեքսանդր Պավլովիչ Օլենիչ-Գնենենկո (ռուս.՝ Александр Павлович Оленич-Гнененко, օգոստոսի 30, 1893[1], Կեգիչյովկա, Poltava Okruha, ԽՍՀՄ - մարտի 13, 1963[1], Դոնի Ռոստով, ՌԽՖՍՀ, ԽՍՀՄ), ռուս գրող, թարգմանիչ, հասարակական գործիչ։
Ալեքսանդր Օլենիչ-Գնենենկո | |
|---|---|
 | |
| Ծնվել է | օգոստոսի 30, 1893[1] |
| Ծննդավայր | Կեգիչյովկա, Poltava Okruha, ԽՍՀՄ |
| Վախճանվել է | մարտի 13, 1963[1] (69 տարեկան) |
| Վախճանի վայր | Դոնի Ռոստով, ՌԽՖՍՀ, ԽՍՀՄ |
| Մասնագիտություն | թարգմանիչ և բանաստեղծ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Խարկովի ազգային համալսարան |
| Աշխատավայր | Խարկովի ազգային համալսարան |
| Պարգևներ |   և  |
Կենսագրություն խմբագրել
Ծնվել է Պոլտավայի նահանգի Կեգիչովկա գյուղում, գրականության հանդեպ բուռն հակում ունեցող ընտանիքում. հայրը զբաղվում էր լրագրությամբ, «Միխայիլ Բրոդյագա» կեղծանվամբ լույս էր ընծայել բանաստեղծությունների ժողովածու, քեռին գրում էր ռուսերեն և ուկրաիներեն։
20-րդ դարի սկզբին Ալեքսանդրը հոր հետ տեղափոխվել է Սիբիր։ Ավարտել է Օմսկի գիմնազիան (1912)[2]։
Էքստեռնով հանձնել է Խարկովի համալսարանի քննությունները, հեղափոխության և քաղաքացիական պատերազմի տարիներին միացել է բոլշևիկներին, անդամագրվել կոմկուսին։
Նույն տարիներին նա հայտնվել է Արևմտյան Սիբիրում։ 1920 թվականին դարձել է համընդհանուր աշխատապարհակի Օմսկի նահանգային հանձնաժողովի անդամ։ 1921 թվականին Օմսկի նահանգում եղել է գործերի կառավարիչ։ Այստեղ նա ապրել է մինչև 1931 թվականը, որից հետո տեղափոխվել է Դոնի Ռոստով։ Հայրենական մեծ պատերազմի մասնակից։
Ստեղծագործություն խմբագրել
Ալեքսանդր Օլենիչ-Գնենենկոն գրել է բանաստեղծություններ, հրատարակել բանաստեղծական ժողովածուներ (քաղաքացիական և բնապատկերային քնարերգություն, մանկական պոեզիա), սակայն ամենամեծ ճանաչումը ստացել է որպես թարգմանիչ։ Լուիս Քերոլի «Ալիսը հրաշքների աշխարհում» գրքի նրա թարգմանությունը, որը լույս է տեսել 1940 թվականին, վերահրատարակվել է չորս անգամ։ Կա կարծիք, որ Սամուիլ Մարշակի ուշ թարգմանությունների մի մասը հիմնված էր Օլենիչ-Գնենենկոյի աշխատանքների վրա կամ նույնիսկ խմբագրված գրագողություն էր[3]։ Բացի այդ, Ալեքսանդր Օլենիչ-Գնենենկոն թարգմանել է Էդգար Ալան Պոյին, ուկրաինացի բանաստեղծներին (այդ թվում՝ Տարաս Շևչենկոյին)։ Կյանքի վերջում նա գրել է հուշագրություններ։
Պարգևներ խմբագրել
- Աշխատանքային կարմիր դրոշի շքանշան (1953)
- «1941-1945 թվականների Հայրենական մեծ պատերազմում Գերմանիայի նկատմամբ տարած հաղթանակի համար» մեդալ[4]
- «1941-1945 թվականների Հայրենական մեծ պատերազմում փառապանծ աշխատանքի համար» մեդալ[5]
Ծանոթագրություններ խմբագրել
- ↑ 1,0 1,1 1,2 1,3 1,4 ПроДетЛит (ռուս.) — 2019.
- ↑ «Александр Павлович Оленич-Гнененко». Արխիվացված է օրիգինալից 2017 թ․ մարտի 9-ին. Վերցված է 2019 թ․ սեպտեմբերի 10-ին.
- ↑ Александр Оленич-Гнененко
- ↑ Руманова, էջ 92—93
- ↑ Руманова, էջ 93
Գրականություն խմբագրել
- Оленич-Гнененко А. П. Душевое потребление населения города Западной Сибири сравнительно с данными по городу Саратову. Омск. 1916
- Оленич-Гнененко Александр Павлович. Материалы к словарю «Русские писатели Сибири XX века». Н. Н. Яновский. Новосибирск. 1997
- Энциклопедия Омской области. Том 2. Омск. 2010
- Писатели Советского Дона: Био-библиогр. справочник. Вып. 1 и 2 / [Сост.: Д. И. Руманова, Д. К. Жак и др.]. — Ростов н/Д: Тип. изд-ва «Молот», 1948. — С. 72—74. — 112 с. — (Рост. гос. науч. б-ка им. К. Маркса). — 2500 экз.
- Руманова Д. И. Писатели Советского Дона: Био-библиогр. справочник / [Под ред. Л. П. Громова]. — Ростов н/Д, 1958. — С. 91—96. — 160 с. — (Рост. гос. науч. б-ка им. К. Маркса).
- Писатели Дона: Биобиблиогр. сб / [Сост. Г. Г. Тягленко]. — Ростов н/Д: Кн. изд-во, 1976. — С. 179—183. — 288 с. — 10 000 экз.
- Писатели Дона: Биобиблиогр. указ / [О. И. Кузина и др.]. — изд. 2-е, испр. и доп. — Ростов н/Д: Кн. изд-во, 1986. — С. 244—248. — 416 с. — 20 000 экз.