Ալեքսանդր Դաշկևիչ
Ալեքսանդր Դաշկևիչ (ռուս.՝ Александр Диомидович Дашкевич, մարտի 1, 1912, Մոգիլյովյան նահանգ, Ռուսական կայսրություն - հունիսի 15, 1984, Լենինգրադ, ՌԽՖՍՀ, ԽՍՀՄ), խորհրդային գեղանկարիչ, բեմանկարիչ և ռեստավրատոր, Լենինգրադի նկարիչների միության անդամ[1]։
Ալեքսանդր Դաշկևիչ | |
---|---|
Ծնվել է | մարտի 1, 1912 |
Ծննդավայր | Մոգիլյովյան նահանգ, Ռուսական կայսրություն |
Մահացել է | հունիսի 15, 1984 (72 տարեկան) |
Մահվան վայր | Լենինգրադ, ՌԽՖՍՀ, ԽՍՀՄ |
Քաղաքացիություն | Ռուսական կայսրություն, ՌԽՖՍՀ և ԽՍՀՄ |
Կրթություն | Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ |
Մասնագիտություն | նկարիչ |
Պարգևներ և մրցանակներ | |
Անդամություն | ԽՍՀՄ նկարիչների միություն |
Կենսագրություն խմբագրել
Ալեքսանդր Դաշկևիչը ծնվել է 1912 թվականի մարտի 1-ին Մոգիլյով նահանգի Օրշա գավառի Կրապիվնո գյուղում` գյուղացու ընտանիքում։ 1927-1930 թվականներին սովորել է Վիտեբսկի գեղարվեստական ուսումնարանում, իսկ 1934-1940 թվականներին սովորել է Ռուսաստանի գեղարվեստի ակադեմիային կից Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում։ Սովորել է Սերգեյ Պրիսելկովի, Սեմյոն Աբուգովի, Ալֆրեդ Էբերլինգի, Միխայիլ Ֆեդորովի և Իսահակ Բրոդսկու մոտ։ 1940 թվականին ավարտել է ինստիտուտը` Իսահակ Բրոդսկու արվեստանոցում` որակավորված գեղանկարչի կոչումով։ Դիպլոմային աշխատանքը եղել է «Դեկաբրիստների ապստամբությունը» նկարը[2]։
Ինստիտուտն ավարտելուց հետո 1940-1947 թվականներին աշխատել է որպես գլխավոր նկարիչ Կամչատսկի շրջանային թատրոնում, Պետրոպավլովսկ Կամչատսկում, Նիկոլայևյան շրջանային դրամատիկական թատրոնում` Նիկոլայևում Ամուրի վրա, ղեկավարել է խորհրդային նկարիչների միության Խաբարովյան կառավարումը` այդ տարիների ընթացքում Հեռավոր Արևելքի թատրոններում ձևավորելով ավելի քան 25 ներկայացում։ Լենինգրադ վերադառնալուց հետո դասավանդել է Լենինգրադյան գեղարվեստա-մանկավարժական ուսումնարանում։
1940 թվականից մասնակցել է ցուցահանդեսների։ 1949 թվականից դարձել է Լենինգրադի նկարիչների միության անդամ։ Նկարել է դիմանկարներ, թեմատիկ կոմպոզիցիաներ և բնանկարներ։ 1965-1970 թվականներին աշխատել է ռեստավրատորների կոլեկտիվում` Պուշկինում Եկատերինբուրգի պալատի մոնումենտալ գեղանկարչության վերականգման վրա։ Ալեքսանդր Դաշկևիչի ստեղծագործություններից են` «Գյուղում, հացի հետևից»[3] (1957 թվական), «Բայկալի ափին»[4] (1959 թվական), «Ընտանիքը լողափին»[5] (1960 թվական), «Հեռավոր շինարարության կամավորները»[6] (1961 թվական), «Գիշերային սերմացանից հետո»[7], «Շինհրապարակում», «Բայկալի վրա»[8] (բոլորը` 1964 թվական), «Նոտակալի մոտ»[9] (1975 թվական) և այլ նկարներ։
Մահացել է 1984 թվականի հունիսի 15-ին Լենինգրադում` 73 տարեկան հասակում։
Ալեքսանդր Դաշկևիչի ստեղծագործությունները պահվում են Ռուսաստանի և արտասահմանյան երկրների թանգարաններում և մասնավոր հավաքածուներում։
Տես նաև խմբագրել
Ծանոթագրություններ խմբագրել
- ↑ Справочник членов Ленинградской организации Союза художников РСФСР. Л., Художник РСФСР, 1980. С.34.
- ↑ Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. СПб, Первоцвет, 2007. С.52.
- ↑ 1917 — 1957. Выставка произведений ленинградских художников. Каталог. Л., Ленинградский художник, 1958. С.13.
- ↑ Осенняя выставка произведений ленинградских художников 1962 года. Каталог. Л., Художник РСФСР, 1962. С.11.
- ↑ Выставка произведений ленинградских художников 1960 года. Каталог. Л., Художник РСФСР, 1961. С.15.
- ↑ Выставка произведений ленинградских художников 1961 года. Каталог. Л., Художник РСФСР, 1964. С.16.
- ↑ Ленинград. Зональная выставка. Л., Художник РСФСР, 1965. С.18.
- ↑ Каталог весенней выставки произведений ленинградских художников 1965 года. Л., Художник РСФСР, 1970. С.13.
- ↑ Наш современник. Зональная выставка произведений ленинградских художников 1975 года. Каталог. Л., Художник РСФСР, 1980. С.14.