Ալեքսանդր Ալլեգրով
Ալեքսանդր Գրիգորի Ալլեգրով (իսկական ազգանունը՝ Սարկիսով, ռուս.՝ Александр Аллегров, ապրիլի 15, 1915, Արմավիր, Կուբանի մարզ, Ռուսական կայսրություն - մայիսի 24, 1994, Մոսկվա, Ռուսաստան), օպերետի և կրկեսի խորհրդային դերասան։ Ադրբեջանական ԽՍՀ և ՌԽՖՍՀ (1959) վաստակավոր արտիստ։ Երգչուհի Իրինա Ալլեգրովայի հայրը։
Ալեքսանդր Ալլեգրով | |
---|---|
Ծնվել է | ապրիլի 15, 1915 |
Ծննդավայր | Արմավիր, Կուբանի մարզ, Ռուսական կայսրություն |
Մահացել է | մայիսի 24, 1994 (79 տարեկան) |
Մահվան վայր | Մոսկվա, Ռուսաստան |
Գերեզման | Հայկական գերեզմանատուն |
Քաղաքացիություն | Ռուսական կայսրություն, Խորհրդային Ռուսաստան, ԽՍՀՄ և Ռուսաստան |
Մասնագիտություն | դերասան և կրկեսի դերասան |
Ամուսին(ներ) | Serafima Sosnovskaya? |
Երեխա(ներ) | Իրինա Ալլեգրովա |
Պարգևներ և մրցանակներ | |
Կենսագրություն խմբագրել
Ալեքսանդր Ալլեգրովը ծնվել է 1915 թվականի ապրիլի 15-ին Արմավիրում (Ռուսաստանի Դաշնություն, Կրասնոդարի երկրամաս), որոշ տվյալներով՝ Շուշիում (հաստատել է դուստրը՝ Իրինա Ալլեգրովան՝ հարցազրույցներում)։ Հայրը եղել է հաշվապահ-աուդիտոր, մայրը՝ տնային տնտեսուհի։ Ալեքսանդրը եղել է ընտանիքի իններորդ երեխան։ Տասներկու տարեկան հասակում փախել է տանից, աշխատել շրջիկ կրկեսում, բայց նրան գտել ու տուն են վերադարձրել։ Տանից վերջնականապես հեռացել է տասնյոթ տարեկան հասակում։
Մասնագիտական գործունեությունն սկսել է Բաքվի օպերետային թատրոնում։ 1943 թվականին առաջին անգամ նկարահանվել է կինոյում[1]։ 1946 թվականին տեղափոխվել է Դոնի Ռոստով, աշխատել երաժշտական կոմեդիայի թատրոնում, որտեղ էլ հանդիպել է ապագա կնոջը՝ Սերաֆիմա Սոսնովսկայային։ 1961 թվականին թողել է թատրոնը, ընտանիքի հետ տեղափոխվել և աշխատանքի անցել Բաքվի երաժշտական կոմեդիայի թատրոնում։ 1976 թվականին, թողնելով Բաքվի թատրոնը, ընտանիքի հետ տեղափոխվել է Մոսկվա[2][3]։
Մահ խմբագրել
Մահացել է 1994 թվականի մայիսի 24-ին Մոսկվայում։ Թաղված է Մոսկվայի հայկական գերեզմանատանը։
Պարգևներ խմբագրել
- ՌԽՖՍՀ վաստակավոր արտիստ, 1959
- Ադրբեջանական ԽՍՀ վաստակավոր արտիստ
Ֆիլմեր խմբագրել
- «Սուզանավ T-9»՝ Վասիա Բենկո, նավաստի, 1943
- «Ես կպարեմ»՝ պարուսույց, 1962
- «Մարդն ու շղթաները» (կարճամետրաժ), դրվագներում, 1964
Ծանոթագրություններ խմբագրել
- ↑ Аллегров Александр Григорьевич
- ↑ «Аллегров Александр Григорьевич - артист театра музкомедии — OurBaku». www.ourbaku.com (ռուսերեն). Վերցված է 2017-02-08-ին.
{{cite web}}
:|first=
has generic name (օգնություն);|first=
missing|last=
(օգնություն) - ↑ «Ալեքսանդր Ալլեգրով». Արխիվացված է օրիգինալից 2021 թ․ հունիսի 23-ին. Վերցված է 2021 թ․ ապրիլի 8-ին.
Արտաքին հղումներ խմբագրել
Արտաքին պատկերներ | |
---|---|
Ալլեգրովը կնոջ և դստեր՝ Իրինայի հետ |