Ազիզյանները
«Ազիզյանները», սիթքոմ, որը պատմում է Ազիզյանների միջին վիճակագրական ընտանիքի մասին։ Այն արտադրվել է Կարգին Ստուդիա–ի կողմից 2016–2019 թվականներին։ Առաջին անգամ հեռարձակվել է «Արմենիա Պրեմիում» հեռուստաալիքով 2016 թվականի հոկտեմբերի 31–ին, հետագայում ՝ «Արմենիա ԹՎ»–ով[1]։
Ազիզյանները | |
|---|---|
 | |
| Ժանր | սիթքոմ |
| Երկիր | Հայաստան |
| Հիմք | «Married... with Children» ամերիկյան սիթքոմ |
| Լեզու | հայերեն |
| Ռեժիսոր | Արման Մարության |
| Գլխավոր դերերում | Հայկ Մարության, Անի Լուպե, Բորիս Բաղդասարով, Մարի Պետրոսյան, Ստեփան Հովհաննիսյան, Իշխան Ղարիբյան, Սաթենիկ Հազարյան, Սուրեն Առուստամյան |
| Պրոդյուսեր | Հայկ Մարության, Արման Մարության |
| Սցենարիստ | Ռոբերտ Մարտիրոսյան, Վան Գրիգորյան |
| Օպերատոր | Մկրտիչ Բարոյան (բեմադրիչ օպերատոր) Հովհաննես Գրիգորյան, Սահակ Մանվելյան |
| Երաժշտություն | Apricota |
| Բեմադրող նկարիչ | Հասմիկ Աղայան |
| Մոնտաժ | Արտակ Մատենցյան |
| Նկարահանման վայր | Երևան |
| Եթերաշրջանների քանակ | 7 |
| Սերիաների քանակ | 36 |
| Էկրաններին է | 2016 թ․ հոկտեմբերի 31-ից 2019 թ․ դեկտեմբերի 31-ը |
| Հեռուստաալիք | Արմենիա ՀԸ |
| Ընկերություն | Կարգին Ստուդիա |
| Պատկերի ձևաչափ | 16:9, Full HD (1080p) |
| Հաջորդ | Բլբուլյանները |
| Կարգավիճակ | ավարտված |
| Պաշտոնական կայքէջ | |
Պատմություն խմբագրել
Նախատիպը հանդիսանում է ամերիկյան «Married... with Children» սիթքոմը, որի հիման վրա էլ ձևավորվել է նախագիծը։ Այն չի կրկնօրինակում օրիգինալը․ սցենարը, կերպարները, դեպքերն ու իրադարձությունները գրվել են զրոյից։
Սիթքոմը ներկայացնում է կարծրատիպային և իրական կերպարների մասին պատմություն, որպեսզի նկարագրի հայկական կենցաղը։
Սյուժե խմբագրել
Սիթքոմը պատմում է Ազիզյանների ընտանիքի մասին, որտեղ ընտանիքի հայր Գառնիկ Ազիզյանը հանդիսանում է միակ աշխատողը։ Նա ամեն օր հոգնած վիճակում գալիս է տուն և տեսնում է իր ընտանիքի կռիվները, վեճերը, և ընդհանուր առօրյան։ Գառնիկի կինը ՝ Ռուզաննան, լինելով տնային տնտեսուհի տանը ոչինչ չի անում, և իր օրը անցկացնում է սերիալներ դիտելով։ Նրանց ընտանիքի ավագ որդին ՝ Ազատը, միշտ փորձում է ինչ–որ մասնագիտություն ձեռք բերել, փորձելով բոլորը, նրա զույգ քույրը ՝ Մարին զբաղվում է Ինստագրամում բլոգգերությամբ, իսկ կրտսեր որդի Լևոնը սովորում է դպրոցում, պարբերաբար ծաղրելով ավագ եղբորը։ Պարբերաբար իրենց այցելում են նոր հարևաններ Ալիկը և Իրինան, որոնցից Ալիկը տնփեսայի կարգավիճակով ապրում է Իրինայի հետ միասին և հաճախ գտնվում է իր ավտոտնակում, իսկ Իրինան իրենց ընտանիքի գլխավոր որոշումներ կայացնողն է։
Կերպարներ խմբագրել
| Անուն | Մարմնավորող | Նկարագրություն | Եթերաշրջաններ |
|---|---|---|---|
| Գառնիկ Ազիզյան | Հայկ Մարության | Ընտանիքի հայր, աշխատում է հագուստի խանութում որպես վաճառող։
Դյուրագրգիռ է, առանձնապես չի սիրում իր ընտանիքը անընդհատ վեճերի և կոնֆլիկտների պատճառով |
1 – 4 |
| Ռուզաննա Ազիզյան | Անի Լուպե | Գառնիկի կինը, տնային տնտեսուհի։
Հիմնականում իր օրը անցկացնում է հեռուստացույցով սերիալներ դիտելիս։ |
1 – 7 |
| Ազատ Ազիզյան | Բորիս Բաղդասարով | Ընտանիքի ավագ զավակը։
Նրան 4–րդ դասարանից հեռացրել են դպրոցից, և այդ ժամանակվանից նա ոչ մի տեղ չի սովորում։ Ամեն օր նոր մասնագիտություն է որոնում, որով նա կարող է հետագայում աշխատել։ |
1 – 7 |
| Մարի Ազիզյան | Մարի Պետրոսյան | Ընտանիքի ավագ դուստրը, Ազատի զույգ քույրը։
Վարում է ինստագրամյան բլոգ, հետաքրքրվում նորաձևությամբ։ |
1 – 7 |
| Լևոն Ազիզյան | Ստեփան Հովհաննիսյան | Կրտսեր զավակը։
Սովորում է դպրոցում, կրթված է, օգտվելով առիթից ծաղրում է իր ավագ եղբորը։ |
1 – 7 |
| Ալիկ Ռշտունի | Իշխան Ղարիբյան | Ազիզյանների նոր հարևանը։
Հիմնականում անցկացնում է օրը իր ավտոտնակում, հաճախ այցելում է Ազիզյանների տուն։ |
1 – 7 |
| Իրինա Ռշտունի | Սաթենիկ Հազարյան | Ազիզյանների նոր հարևանը, Ալիկի կինը։
Իրենց տան գլխավոր որոշումներ կայացնողն է։ Այցելում է Ազիզյանների տուն, և այդքան էլ չի սիրում Գառնիկին։ |
1 – 7 |
| Էմիլ | Սուրեն Առուստամյան | Գառնիկի աշխատակիցն է։
Ունի համակրանք աղջիկների հանդեպ և հաջողությունների է հասնում այդ առումով։ Չի կորցնում առիթը կատակելու Գառնիկի մասին։ |
1 – 7 |
Տրիվիա խմբագրել
Ազիզյանների տունը խմբագրել
Բլբուլյանները խմբագրել
Ազիզյանների ավարտից հետո, 2021 թվականին Արմենիա ՀԸ–ով դուրս եկավ «Բլբուլյանները» սիթքոմը, որի առաջին սերիայում Ռուզաննան տեղափոխվում է Գառնիկի մոտ ՝ Դոնի Ռոստով քաղաք, որտեղ տեղափոխվել են նաև իր ընտանիքի մյուս անդամները, որտեղ նաև տեղափովում է իրենց հարևան Ալիկը[2]։ Բլբուլյան Բուլիկը գնում է բնակարանը, և նշում իր գնումը, ինչի ընթացքում նա հանկարծամահ է լինում, թողնելով տունը որպես ժառանգություն իր երեխաներից մեկին։ Նրա երկու երեխաների ընտանիքները գալիս են բնակվելու այդ տանը և իրադարձությունները արդեն սկսում են պտտվել արդեն իրենց շուրջ։
«Բոլոլա» խմբագրել
2023 թ․ սեպտեմբերից Արմենիա հեռուստաընկերությամբ եթեր դուրս եկավ «Բոլոլա» սիթքոմը։ Նրա տաղավարը հանդիսանում է Ազիզյանների բնակարանը, որտեղ մասսամբ վերանորոգում են իրականացրել — փոխել որոշակի գույներ, հիմնականում։ Առանձնապես ոչ մի վերագրում օրիգինալին այլևս չի մնացել։
Ծանոթագրություններ խմբագրել
- ↑ ««Ժամը» լրատվական». YouTube. Արմենիա հեռուստաընկերություն. 2016 թ․ հոկտեմբերի 26.
- ↑ «Բլբուլյանները, Սերիա 1». YouTube. Պանարմենիան Մեդիա Գրուպ. 2021 թ․ հոկտեմբերի 11.