Ադոնիս Սամարաս (հուն․՝ Αντώνης Σαμαράς, մայիսի 23, 1951(1951-05-23)[1][2][3][…], Աթենք, Հունաստան), հույն քաղաքական գործիչ, 2012 թվականից Հունաստանի վարչապետն, միևնույն ժամանակ՝ «Նոր ժողովրդավարության» կուսակցության (ՆԺԿ) առաջնորդ։

Ադոնիս Սամարաս
Αντώνης Σαμαράς
Դիմանկար
Ծնվել էմայիսի 23, 1951(1951-05-23)[1][2][3][…] (72 տարեկան)
ԾննդավայրԱթենք, Հունաստան
Քաղաքացիություն Հունաստան
Մայրենի լեզուհունարեն
ԿրոնՀունական ուղղափառ եկեղեցի
ԿրթությունՀարվարդի բիզնես դպրոց (1976), Ամհերստի քոլեջ (1974) և Աթենքի քոլեջ (1970)
Մասնագիտությունքաղաքական գործիչ, տնտեսագետ և դիվանագետ
Ծնողներհայր՝ Կոնստանտինոս Սամարաս, մայր՝ Լենա Զաննաս
Զբաղեցրած պաշտոններՀունաստանի վարչապետ, Հունաստանի խորհրդարանի անդամ, Հունաստանի արտաքին գործերի նախարար, Հունաստանի ֆինանսների նախարար, Minister of Culture of Greece?, Ընդդմիմության առաջնորդ, Հունաստանի արտաքին գործերի նախարար, Ընդդմիմության առաջնորդ և Եվրոպական պարլամենտի պատգամավոր
ԿուսակցությունՆոր ժողովրդավարություն
Ստորագրություն
Изображение автографа
 Antonis Samaras Վիքիպահեստում

Կենսագրություն խմբագրել

Ծնվել է Աթենքում, սովորել է իր մորական պապի հոր և նրա աներոջ հիմնած դպրոցում։ 1976 թվականին տնտեսագետի որակավորում է ստացել Հարվարդի համալսարանում։

Ընտանիք խմբագրել

Ադոնիս Սամարասի հայրը եղել է սրտաբանության պրոֆեսոր, մայրը՝ գրող Պենելոպե Դելտայի թոռնուհին։ Եղբայրը ճարտարապետ է։ Հորեղբայրը՝ Գեորգ Սամարասը 1950-ական և 60-ական թվականներին երկար ժամանակ եղել է խորհրդարանի անդամ։
Ամուսնացած է, ունի երկու զավակ՝ դուստր և որդի։

Քաղաքական գործունություն խմբագրել

Հունաստանի խորհրդարանի անդամ է դարձել 1977 թվականից, այնուհետև զբաղեցրել է նախարարի պաշտոններ՝ 1989 թվականից՝ ֆինանսների, իսկ 1990-1993 թվականներին Կոնստանտինոս Միցոտակիսի ՆԺԿ կառավարության կազմում՝ արտաքին գործերի։

1992 թվականին նախարարի պաշտոնից ազատվելուց հետո հիմնել է իր «Քաղաքական գարուն» կուսակցությունը, որն ուներ ՆԺԿ-ից դեպի աջ կողմնորոշված դիրք։ 1993 թվականին խորհրդարանական ընտրություններում կուսակցությունը ստացավ ձայների 4,9 %-ը․ ձեռք բերելով խորհրդարանի տասը տեղերը։ 1994 թվականի եվրախորհրդարանի ընտրություններում ունեցավ 8,7 % արդյունք և ստացավ երկու տեղ։

Քաղաքական գարունը չմասնակցեց 2000 թվականի օրենսդրական ընտրություններին և Սամարասը քաղաքական աջակցություն ցուցաբերեց ՆԺԿ-ին։ 2004 թվականի ընտրություններից առաջ լուծարելով իր կուսակցությունը, միացավ ՆԺԿ-ին և ընտրվեց եվրախորհրդարանի անդամ։

2007 թվականին ընտրվեց Հունաստանի խորհրդարանի անդամ, իսկ 2009 թվականին նշանակվեց մշակույթի նախարար։

«Նոր ժողովրդավարության» նախագահ խմբագրել

2009 թվականի արտահերթ խորհրդարանական ընտրություններում կրած պարտությունից հետո ՆԺԿ-ի նախագահ Կոստաս Կարամանլիսը հրաժարվեց կուսակցության նախագահի դիրքից, նոյեմբերի 29-ին Սամարասն ընտրողների ձայների 50,18 % արդյունքով դարձավ կուսակցության նախագահ։

Siemens ընկերության հետ կապված կոռուպցիոն սկանդալների շարքից հետո Սամարասը հայտարարեց «Նոր ժողովրդավարության» դրա հետ կապ ունեցած կուսակցականներից մաքրելու մասին[4]։

Վարչապետ խմբագրել

2012 թվականի արտահերթ ընտրություններից հետո հունիսի 20-ին նշանակվել է Հունաստանի վարչապետ[5]։

Ծանոթագրություններ խմբագրել

  1. 1,0 1,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
  2. 2,0 2,1 Roglo — 1997. — ed. size: 9000000
  3. 3,0 3,1 Munzinger Personen (գերմ.)
  4. «Արխիվացված պատճենը». Արխիվացված է օրիգինալից 2012 թ․ մարտի 11-ին. Վերցված է 2014 թ․ դեկտեմբերի 27-ին.
  5. «Greek deputy quits ruling coalition party». Reuters. 2012 թ․ նոյեմբերի 8. Արխիվացված է օրիգինալից 2015 թ․ փետրվարի 11-ին. Վերցված է 2014 թ․ դեկտեմբերի 27-ին.