Beretta

Beretta
Տեսակ	առևտրային կազմակերպություն
Հիմնադրված է	1526
Հիմնադիր	Բարտոլոմեո Բերետտա
Վայր	Բրեշիա, Լոմբարդիա, Իտալիա
Երկիր	Իտալիա
Տնօրեն	Franco Gussalli Beretta?
Արդյունաբերություն	ռազմական արտադրություն
Մայր ընկերություն	Beretta Holding?
Կայք	beretta.com/en/(անգլ.)
	Fabbrica d'Armi Pietro Beretta S.p.A. Վիքիպահեստում

Beretta (Բերետտա, իտալ.՝ Beretta, ամբողջական անվանումը իտալ.՝ Fabbrica d'Armi Pietro Beretta Gardone), զենք արտադրող իտալական ընկերություններից մեկը։ Նրա արտադրանքը ներառված է բազմաթիվ երկրների ոստիկանության և զինված ուժերի սպառազինության մեջ, լայնորեն կիրառվում է ինքնապաշտպանության մեջ քաղաքացիական անձանց կողմից։

Պատմություն խմբագրել

Բերետտան աշխարհի հնագույն ընկերություններից է^[1]։ Նա 500 տարի շարունակ պատկանում է մեկ ընտանիքին։ Ընկերությունը հիմնադրվել է 1526 թվականին, երբ Գարդոնե Վալ Տրոմպիայից (իտալ.՝ Gardone Val Trompia) զինագործ Բարտոլոմեո Բերետտան (իտալ.՝ Bartolomeo Beretta) վենետիկյան զինանոցից 296 դուկատ է ստացել պատրույգավոր հրացանի 185 փողերի համար^[2]։ Այդ գործարքի հաշիվը պահպանվել է ընկերության արխիվում։

1918 թվականին Beretta Model 1918-ը իտալական բանակում դարձել է առաջին ատրճանակ-գնդացիրը։ Բերետտան իտալական բանակի համար արտադրում էր հրացաններ և ատրճանակներ մինչև 1943 թվականն, երբ Իտալիան անձնատուր է եղել։ Սակայն Իտալիայի հյուսիսային մասը գտնվում էր Գերմանիայի վերահսկողության տակ, որը գրավել է Բերետտան և արտադրում զենք ընդհուպ մինչև 1945 թվականի Գերմանիայի կապիտուլյացիան։ Այդ ժամանակ զենքի արտաքին մշակումն ավելի վատն էր, քան առաջ կամ պատերազմի կեսերին, սակայն զենքի աշխատանքը մնում էր գերազանց։

1938 թվականին Ճապոնիան իտալական երեք ընկերությունների՝ այդ թվում նաև Բերետտայի հետ պայմանագիր է կնքել հրացանների մատակարարման համար։ Արտադրվել է 60 000-120 000 հրացան, որոնք մատակարարվում էին մինչ 1942 թվականը։

Երկրորդ համաշխարհային պատերազմից հետո Բերետտան զբաղվում էր Ամերիկայից Իտալիա ներմուծվող ամերիկյան M1 (անգլ.՝ M1 Garand rifle) հրացանների վերանորոգմամբ։ Բերետտան մոդիֆիկացրել է M1 հրացանը Beretta BM-59 հրացանի, որը նման էր M14 հրացանի, սակայն մասնագետները կարծում են, որ BM-59 հրացանն ավելի անվրեպ էր կրակում։

Այժմեականություն խմբագրել

Ներկա դրությամբ ընկերությունը պատկանում է Ուգո Գասալի Բերետտային (իտալ.՝ Ugo Gussalli Beretta)՝ Բարտոլոմեոյի ուղղակի հետնորդին։ Նա ղեկավարում է ընկերությունն իր երկու որդիների՝ Ֆրանկոյի և Պյետրոյի հետ։

Բերետտան հայտնի է զենքի արտադրության իր լայն ընդգրկումով՝ հրացաններով, ակոսավոր հրացաններով, ատրճանակ-գնդացրերով և ատրճանակներով։ Beretta Holding գլխավոր ընկերությունը նույնպես հանդիսանում է Beretta USA, Benelli, Franchi, SAKO, Stoeger, Tikka, Uberti ընկերությունների սեփականատերը, ինչպես նաև նրան է պատկանում Browning ընկերության 20 %-ը։ Բերետտայի արտադրանքը հայտնի է իր որակով, ամրությամբ և վստահելիությամբ։

1985 թվականին Բերետտան հաղթել է ԱՄՆ բանակի համար նախատեսված M9 ատրճանակների արտադրության մրցույթում՝ ստանալով պայմանագիր 500 000 ատրճանակի համար։ Ըստ պայմանագրի այդ ատրճանակները պետք է արտադրվեին ԱՄՆ-ում^[3]^[4]։

Բերետտա ընկերության կողմից արտադրված զենքեր խմբագրել

Ատրճանակներ խմբագրել



Beretta 92FS ատրճանակ		Beretta 70		Beretta M1935

Փոքր ատրճանակներ խմբագրել

Հրացաններ խմբագրել

Beretta 38

Հրացաններ և կարճափող հրացաններ խմբագրել

Ատրճանակ-գնդացրեր խմբագրել

Beretta Model 1918
Beretta Model 38/42
Beretta Model 3 — հետպատերազմյան 38/42 մոդիֆիկացիա
Beretta Model 12

Գնդացրեր խմբագրել

FN Minimi, արտադրվում է Fabrique Nationale de Herstal լիցենզիայով իտալական բանակի համար։

Օդաճնշական ատրճանակներ խմբագրել

Պտտագլորներ խմբագրել

Ավտոմատ հրացաններ խմբագրել

Ծանոթագրություններ խմբագրել

↑ Grant, Tina (2001 թ․ հունիսի 8). International directory of company histories. Detroit, Mich: St. James Press. ISBN 9781558624443 – via FundingUniverse.
↑ Alderson, Keanon (2011 թ․ դեկտեմբերի 20). «ADVICE: Longevity teaches family business lessons». The Press Enterprise. Riverside, CA. Վերցված է 2015 թ․ օգոստոսի 27-ին. «Learn from a company that weathered bubonic plague, political intrigue, assassination attempts and World War II to become a premier manufacturer in its industry segment»
↑ «U.S. Army Acquires Additional Beretta M9 9mm Pistols». Shooting Illustrated. NRA. 2014 թ․ հուլիսի 29. Վերցված է 2015 թ․ օգոստոսի 29-ին. «To date, Beretta has delivered over 600,000 M9 pistols, with 18,000 already scheduled for delivery under the new 5 year contract.»
↑ «Italian designed, American made, Iraq deployed». American Machinist. Penton. 2005 թ․ դեկտեմբերի 13. Վերցված է 2005 թ․ օգոստոսի 27-ին. «Its pistols have been used in every major U.S. military engagement since the late 1980s, including both Iraq campaigns, in Bosnia, Panama and Afghanistan.»

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Beretta» հոդվածին։

[Grant-1] Grant, Tina (2001 թ․ հունիսի 8). International directory of company histories. Detroit, Mich: St. James Press. ISBN 9781558624443 – via FundingUniverse.

[Alderson-2] Alderson, Keanon (2011 թ․ դեկտեմբերի 20). «ADVICE: Longevity teaches family business lessons». The Press Enterprise. Riverside, CA. Վերցված է 2015 թ․ օգոստոսի 27-ին. «Learn from a company that weathered bubonic plague, political intrigue, assassination attempts and World War II to become a premier manufacturer in its industry segment»

[SI-Jul-14-3] «U.S. Army Acquires Additional Beretta M9 9mm Pistols». Shooting Illustrated. NRA. 2014 թ․ հուլիսի 29. Վերցված է 2015 թ․ օգոստոսի 29-ին. «To date, Beretta has delivered over 600,000 M9 pistols, with 18,000 already scheduled for delivery under the new 5 year contract.»

[Machinist-4] «Italian designed, American made, Iraq deployed». American Machinist. Penton. 2005 թ․ դեկտեմբերի 13. Վերցված է 2005 թ․ օգոստոսի 27-ին. «Its pistols have been used in every major U.S. military engagement since the late 1980s, including both Iraq campaigns, in Bosnia, Panama and Afghanistan.»

[1]

[2]

[3]

[4]