Bei Ru
Պարույր Փանոսյան[1][2] (ավելի հայտնի Bei Ru բեմական անունով, դեկտեմբերի 12, 1980, Լոս Անջելես, Կալիֆոռնիա, ԱՄՆ), ամերիկահայ երաժշտական պրոդյուսեր և կոմպոզիտոր, որը հայտնի է իր մերձավորարևելյան ռիթմերի միախառնմամբ հարվածային գործիքների, էլեկտրոնային հնչյունների և կենդանի գործիքների հետ[3]։
| Bei Ru | |
|---|---|
| Ծնվել է | դեկտեմբերի 12, 1980 (43 տարեկան) |
| Ծննդավայր | Լոս Անջելես, Կալիֆոռնիա, ԱՄՆ |
| Քաղաքացիություն |  ԱՄՆ |
| Մասնագիտություն | երաժշտական պրոդյուսեր և կոմպոզիտոր |
| Կայք | beirumusic.com |
Պարույրն առավել հայտնի է իր «Little Armenia (L.A.)» ալբոմով, որը ստեղծվել է գրեթե բացառապես հայկական երաժշտական նմուշների միջոցով։ Նրա երկրորդ ալբոմը՝ Saturday Night at The Magic Lamp, միավորում է էլեկտրոնիկան, մերձավորարևելյան ազդեցությունները, կենդանի գործիքավորումը, ֆանկը և հիփ հոփը[4]։ Գրել է երեք երգ «Աղջիկը երեկոյան միայնակ վերադառնում է տուն» ֆիլմի համար, որը իրանական վամպիրային վեսթերն է պրոդյուսավորված Էլայջե Վուդի կողմից և տարածված Vice ամսագրի միջոցով, ինչպես նաև «Ես ծիծաղում եմ պատասխանի փոխարեն» ֆիլմի համար, որտեղ գլխավոր դերում հանդես է գալիս Սառա Սիլվերմանը[5][6]։
Կենսագրություն խմբագրել
Փանոսյանը ծնվել է 1980 թվականի դեկտեմբերի 12-ին[7], լիբանանահայ գաղթականների ընտանիքում, Կալիֆոռնիայի նահանգի Լոս Անջելես քաղաքում։ Նրա ծնողները Լիբանանում ապրել են Բեյրութից ոչ հեռու գտնվող Անջար քաղաքում։ 1970-ականների կեսերին նրանք տեղափոխվել են Միացյալ Նահանգներ և սովորել Կալիֆոռնիայի համալսարանում, սակայն ավարտելուց հետո Լիբանանում քաղաքացիական պատերազմ է սկսվել և նրանք ստիպված են եղել մնալ ԱՄՆ-ում։ Պարույրի հայրը Լոս Անջելեսի հայ համայնքի ակտիվ անդամներից է եղել, մասնակցել է բոլոր խոշոր իրադարձություններին, դժվար պահերին օգնություն է հավաքել Հայաստանի համար, բերել Երևան։ Պարույրը մեծացել է Սան Ֆերնանդոյի հովտում իր ավագ քրոջ և կրտսեր եղբոր հետ, որտեղ կարճ ժամանակով հաճախել է հայկական ամենօրյա դպրոց[8], մասնակցել հայկական մշակութային միջոցառումներին և հաճախակի ճանապարհորդել իր պատմական հայրենիքում՝ Լիբանանում, ինչը կարևոր դեր է խաղացել նրա ձայնի զարգացման գործում[9]։ Պարույրը սովորել է Վուդլենդ Հիլզի Թաֆթ քաղաքի դպրոցում, հաճախ է վկայակոչում հայտնի էստրադային երգիչներին և կոմպոզիտորներին, որոնց հայերեն ձայնագրությունները ունկնդրել է մանուկ հասակում, ինչպիսիք են Հարութ Փամբուկչյանը, Ադիս Հարմանդյանը, Կոնստանտին Օրբելյանը, ինչն էլ մեծ ազդեցություն է ունեցել նրա երաժշտական ընդունակությունների ձևավորման վրա[2]։ Մանկական տարիները մեծապես ազդել են նրա՝ որպես երաժիշտ զարգացման վրա, քանի որ նա տասը տարի սովորել է դասական դաշնամուր նվագել։ Ավարտել է Նորթրիջի Կալիֆորնիայի համալսարանը հոգեբանություն մասնագիտությամբ[10]։ Վաղ պատանեկության տարիներին Փանոսյանը սկսում է հետաքրքրվել հիփ հոփով և որոշում է զբաղվել դիջեյությամբ[1]։ Տասնհինգ տարեկանում նա գումար է հավաքում քիմմաքրման աշխատանքներ կատարելով և գնում է երաժշտական սարքավորումների իր առաջին հավաքածուն, չնայած մի քանի տարի առաջ ծնողները նրան Casio սինթեզատոր էին նվիրել[11][12]։
2017 թվականի հունվարին հրավերով այցելել է Երևանի Թումո ստեղծարար տեխնոլոգիաների կենտրոն, որտեղ հայ երեխաներին և երիտասարդներին սովորեցրել է երաժշտություն ստեղծել[13]։
Կարիերա խմբագրել
2008 թվականին Պարույրը մուտք է գործել Լոս Անջելեսի հիփ հոփ բեմահարթակ՝ իր «Beirut Gangster» ալբոմով, որտեղ նա ռեմիքս է արել ամերիկյան հայտնի ռեփեր Jay-Z «American Gangster» ալբոմը՝ մերձավորարևելյան ազդեցություններով և հիփ հոփ բիթերով, ինչը խթանել է նրա մասին առաջին անգամ գրել The Source երաժշտական ամսագրում։ Իր դեբյուտային ալբոմի համար Պարույրը փոխառել է Հայաստանի մշակութային արժեքներին առնչվող երաժշտություն, ինչպիսիք են՝ «Տէր ողորմեա»-ն («Տեր, ողորմիր») Կոմիտասի Սուրբ Պատարագից և Արամ Խաչատրյանի «Գայանե»-ից, ինչպես նաև 60-ականների և 70-ականների ֆանկ, սոուլ և ջազ կատարողներից՝ երբեմն օրինակներ նվագելով կենդանի բասով, հարվածային գործիքներով, կիթառներով և նույնիսկ օգտագործելով եղջերափող։ Երբեմն հայերի մասին 1970-ականների անգլալեզու ֆիլմերից երկխոսությունների հատվածներ են ընդգրկվում նրա երգերում։ Պարույրը հատուկ ալբոմի համար Հայաստանում և Լիբանանում փնտրել է երաժշտության հայկական ձայնագրություններ վինիլի և ձայներիզների վրա[8]։
Իր դեբյուտային ալբոմի թողարկումով նա ստեղծել է իր սեփական «Musa Ler Music» լեյբլը։
2011 թվականին Պարույրը ձայնագրել է ալբոմ, որը թողարկվել է «Little Armenia (L.A.)» անունով։
2015 թվականին ձայնագրել է իր երրորդ ստուդիական ալբոմը՝ Saturday Night at The Magic Lamp, որը միավորում է էլեկտրոնիկան, մերձավորարևելյան ազդեցությունները, կենդանի գործիքները, ֆանկը և հիփ հոփը։ Նա հրավիրել է կիթառահար, բասիստ, մի քանի ստեղնաշարահար և ուդ նվագողների՝ իր երգերի համար կենդանի ձայն ստեղծելու համար։ Էլեկտրական ուդը, որը նվագում էր լոսանջելեսցի երաժիշտ Անդրանիկ Կզիրիյանը, որոշիչ էր եղել ալբոմի որոշ թրեքների հնչեղության համար։ Նույն տարում նա բեմ է բարձրացել Lincoln Heights երեկույթի Low End Theory-ում իր նոր ստեղծագործությամբ։ Դրանից հետո մեկնել է Քուվեյթ Red Bull Music Academy երաժշտական միջոցառմանը մասնակցելու համար, ինչպես նաև Լիբանան և Հորդանան[14]։
2016 թվականի հոկտեմբերի 7-ին Bei Ru-ն թողարկել է իր չորրորդ ալբոմը՝ «L.A. Zooo» ֆանկ ներդաշնակ մեղեդիների տարրերով փսիխոդելիկ ջազ նմուշներով։ Այդ ձայնագրության մեջ նա ունկնդրին ուղարկում է ճանապարհորդություն դեպի մի այլ քաղաք, որտեղ կենդանիներն ու մարդիկ ապրում են կողք կողքի՝ համաձայն բնության օրենքների։ Պարույրը ստեղծել է իր երաժշտությունը երրորդ լեզվով՝ օգտագործելով այն առանց որևէ բառ ասելու պատմություն պատմելու համար[12]։
Սկավառակագրություն խմբագրել
Ալբոմներ խմբագրել
- Beirut Gangster (2008)
- Little Armenia (L.A.) (2011)
- Saturday Night at The Magic Lamp (2015)
- L.A. Zooo (2016)
- Pomegranate Juice (2020)
- Custom Made Life (2020)
Տեսանկարահանում խմբագրել
- Sweet Temptress (2015)
- Say Goodbye (2015)
- Tigers On Tujunga (2017)
- Tortoisehead (2017)
- Anahid (2020)
- How To Let Go Of Bad Vibes (2020)
- Look At You feat. Zackey Force Funk (2021)
Ծանոթագրություններ խմբագրել
- ↑ 1,0 1,1 Ohanesian, Liz. «Dj Bei Ru Mines the Neglected Grooves of his Heritage for Beats Gold». LA Weekly. LA Weekly. Արխիվացված օրիգինալից 2016 թ․ փետրվարի 4-ին. Վերցված է 2016 թ․ հունվարի 26-ին.
- ↑ 2,0 2,1 Bekhrad. «The Sound of Pomegranates». REORIENT - Middle Eastern Arts and Culture Magazine (անգլերեն). Արխիվացված է օրիգինալից 2016 թ․ փետրվարի 2-ին. Վերցված է 2016 թ․ հունվարի 29-ին.
- ↑ «About: Bei Ru». Bei Ru Music. Արխիվացված է օրիգինալից 2016 թ․ հունվարի 23-ին. Վերցված է 2019 թ․ մայիսի 26-ին.
- ↑ = Oud Future: Producer Bei Ru Remixes Armenian Vinyl Archives|url = http://www.kcet.org/arts/artbound/counties/los-angeles/bei-ru-saturday-night-at-the-magic-lamp.html|website = KCET|access-date = 2016-01-29|language = en-US|first = Liz|last = Ohanesian
- ↑ Ito, Robert (2014 թ․ նոյեմբերի 12). «Ana Lily Amirpour's World: 'A Girl Walks Home Alone at Night'». The New York Times. Արխիվացված է օրիգինալից 2015 թ․ նոյեմբերի 7-ին. Վերցված է 2016 թ․ հունվարի 29-ին.
- ↑ Amirpour, Ana Lily (2015 թ․ ապրիլի 20), A Girl Walks Home Alone at Night, Վերցված է 2016 թ․ հունվարի 29-ին «Источник». Արխիվացված օրիգինալից 2016 թ․ հունվարի 13. Վերցված է 2019 թ․ մայիսի 26-ին.
{{cite web}}: CS1 սպաս․ unfit URL (link) - ↑ UpClosed. «About Bei Ru | Biography | Record producer, Composer | UpClosed» (անգլերեն). upclosed.com. Արխիվացված օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
- ↑ 8,0 8,1 Liz Ohanesian (2011 թ․ հունվարի 27). «Dj Bei Ru Mines the Neglected Grooves of his Heritage for Beats Gold». L.A. Weekly. Արխիվացված օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
- ↑ Ohanesian, Liz. «Dj Bei Ru Mines the Neglected Grooves of his Heritage for Beats Gold». L.A. Weekly. Արխիվացված օրիգինալից 2016 թ․ փետրվարի 4-ին. Վերցված է 2016 թ․ հունվարի 29-ին.
- ↑ Layne Weiss (2016 թ․ հոկտեմբերի 7). «Armenian Producer Bei Ru Mixes Arabian Synths With Hip-Hop Beats (and Tigers)». L.A. Weekly. Արխիվացված օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
- ↑ «State of the Arts – Bei-Ru». Armenian Youth Federation - Western Region. Արխիվացված օրիգինալից 2016 թ․ փետրվարի 2-ին. Վերցված է 2016 թ․ հունվարի 29-ին.
- ↑ 12,0 12,1 «The LA Zookeeper: An Interview & Mix with Producer Bei Ru» (անգլերեն). Passion of the Weiss. 2016 թ․ սեպտեմբերի 23. Արխիվացված օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
- ↑ «КРАСИВАЯ МУЗЫКА ДЛЯ МОЛОДЕЖИ». golosarmenii.am. Արխիվացված օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
- ↑ Liz Ohanesian (2015 թ․ փետրվարի 5). «Oud Future: Producer Bei Ru Remixes Armenian Vinyl Archives» (անգլերեն). KCET. Արխիվացված օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.