Back Chat
«Back Chat», բրիտանական Քուին ռոք խմբի երգը «Hot Space» ալբոմից։ Խոսքերի հեղինակը Ջոն Դիքոնն է։ Երգը թողարկվել է որպես սինգլ «Staying Power» երգի հետ միասին «Բ» կողմում։ Այն UK Singles Chart չարթում հասել է 40-րդ հորիզոնական, Հարավային Աֆրիկայի չարթերում 18-րդ[1], իսկ Իռլանիդայի չարթերում 19-րդ։
| «Back Chat» | ||||
|---|---|---|---|---|
| Քուինի սինգլը | ||||
| «Hot Space» ալբոմից | ||||
| Թողարկված | Օգոստոսի 9, 1982 | |||
| Ֆորմատ | 7” 12” | |||
| Ձայնագրված | 1981/1982 | |||
| Ժանր | ֆանկ ռոք սոուլ հարդ ռոք | |||
| Երգահան | Ջոն Դիքոն | |||
| Տևողություն | 4:31 (ալբոմային տարբերակ) 4:10 (սինգլ) 6:58 (12 դյույմանոց ձայնապնակ) | |||
| Լեյբլ | EMI Records Elektra Records | |||
| Պրոդյուսեր | Քուին Մակ Ռեյնոլդս | |||
| Քուինի սինգլների ժամանակագրություն | ||||
 «Back Chat» | ||||
Երգ
խմբագրելՀամեմատած ալբոմի այլ երգերի հետ` այս երգում զգացվում է աֆրոամերիկյան երաժշտության ազդեցությունը։ Ի սկզբանե երգը հենց այդպես էլ մտածված էր, սակայն խումբը որոշեց, որ երգում պետք է կիթառային սոլո լինի։ Երգի համերգային տարբերակն ավելի էր հեռանում կոմպոզիցիայի պարային ավանդույթներից։ Համերգների ժամանակ երգը կատարվում էր ավելի արագ տեմպով և երկար կիթառային պարտիայով։
Ստուդիական ձայնագրության ժամանակ Դիքոնը նվագում է սինթեզատոր, էլեկտրակիթառ և բաս կիթառ, Բրայան Մեյը՝ կիթառային սոլոն, Ռոջեր Թեյլորը՝ հարվածային գործիքները, իսկ Ֆրեդի Մերկուրին երգում էր վոկալային մասը։
Երգն ունի երեք տարբերակ՝ առաջինը՝ ալբոմային, երկրորդը՝ սինգլ՝ կարճատև նախերգանքով և կոդայով, երրորդ՝ երկարատև՝ ձայնագրված որպես 12 դյույմանոց սինգլ։
Տեսահոլովակ
խմբագրելԵրաժշտական տեսահոլովակը նկարահանել է ռեժիսոր Բրայան Գրանտը։ Նկարահանումները տեղի են ունեցել 1982 թվականի հուլիսին։ Տեսահոլովակի համար օգտագործվել է սինգլային տարբերակը։
Տեսահոլովակը նկարահանվել է երգի սովորական կատարման տեսքով։ Տեսահոլովակի դեկորացիան արվել է «տեխնո» ոճով։ Տեսահոլովակի սկզբում Մերկուրին հայտնվում է վերելակում և, ամբողջ տեսահոլովակի ընթացքում, նա միայն երգում, շարժվում և պարում է երգի ներքո։ Մեյը նվագում է ոչ թե իր՝ Red Special կիթառով, այլ Fender Telecaster-ով։
Այս տեսահոլովակի կադրերը օգտագործվել են «Radio Ga Ga» և «The Show Must Go On» երգերի տեսահոլովակներում։
Ձայնագրման մասնակիցներ
խմբագրել- Ֆրեդի Մերկուրի՝ գլխավոր և բեք վոկալ
- Բրայան Մեյ՝ կիթառային սոլո
- Ջոն Դիքոն՝ բաս կիթառ, ռիթմ կիթառ, սինթեզատոր, ռիթմ սարք
- Ռոջեր Թեյլոր՝ էլեկտրոնային հարվածային գործիքներ
Ծանոթագրություններ
խմբագրել- ↑ «South African Rock Lists Website - SA Charts 1965 - 1989 Acts (Q)». www.rock.co.za. Վերցված է 2019 թ․ դեկտեմբերի 3-ին.