Ֆրիդրիխ Լյուդվիգ Շրյոդեր
Ֆրիդրիխ Լյուդվիգ Շրյոդեր (գերմ.՝ Friedrich Ludwig Schröder, նոյեմբերի 3, 1744[1][2][3][…], Շվերին, Մեկլենբուրգ Շվերին[4] - սեպտեմբերի 3, 1816[1][2][3], Rellingen, Պինեբերգ, Շլեզվիգ-Հոլշտայն, Գերմանիա[4]), գերմանացի դերասան, ռեժիսոր, մանկավարժ և թատերական գործիչ։ Գերմանական թատրոնում Լուսավորության դարաշրջանի խոշորագույն ներկայացուցիչ։
 գերմ.՝ Friedrich Ludwig Schröder | |
|---|---|
.jpg) | |
| Ծնվել է | նոյեմբերի 3, 1744[1][2][3][…] |
| Ծննդավայր | Շվերին, Մեկլենբուրգ Շվերին[4] |
| Մահացել է | սեպտեմբերի 3, 1816[1][2][3] (71 տարեկան) |
| Մահվան վայր | Rellingen, Պինեբերգ, Շլեզվիգ-Հոլշտայն, Գերմանիա[4] |
| Գերեզման | Օլսդորֆի գերեզմանատուն |
| Կրթություն | Collegium Fridericianum? |
| Քաղաքացիություն |  Մեկլենբուրգ Շվերին |
| Մասնագիտություն | դրամատուրգ և թատրոնի դերասան |
| Ծնողներ | մայր՝ Sophie Charlotte Ackermann? |
| Երեխա(ներ) | Carl Friedrich Heiberg? |
| Անդամություն | իլյումինատներ |
Գործունեություն
խմբագրել1756-1759 թվականներին հանդես է եկել Մ․ Ստյուարտի կրկեսային, ֆարսային դերասան Յո․ Ֆ․ Կուրցի, 1759-1769 թվականներին՝ Կ․ Աքքերմանի թատերախմբերում։ Մասնակցել է Համբուրգի Ազգային թատրոնի ստեղծմանը, 1771-1780 թվականներին, 1785-1798 թվականներին և 1811-1812 թվականներին գլխավորել է համբուրգյան թատերախմբերը։ 1781-1785 թվականներին աշխատել է «Բուրգթեատր»-ում (Վիեննա)։ Շրյոդերը խաղացել է կատակերգական դերեր, եղել է իմպրովիզացիայի վարպետ, ստեղծել և բեմադրել է բալետներ (շուրջ 70)։ Գերմանացի դերասաններից առաջինն է խաղացել Տրուֆալդինոյի (Գոլդոնիի «Երկու տիրոջ ծառա») դերը, գերմանական բեմում բեմադրել (իր թարգմանությամբ) Շեքսպիրի ողբերգությունները («Համլետ», «Լիր արքա» «Օթելլո», «Մակբեթ» և այլն), խաղացել գլխավոր դերերը։ Խաղացել է նաև Շիլլերի դրամաներում։ Շրյոդերը թատրոնում հաստատել է ազգային խաղացանկ, բեմարվեստի ռեալիստական սկզբունքներ, քարոզել կատարման բնական, հոգեբանորեն պատճառաբանված շարժուձևեր։ Դերասանական արվեստում ներդաշնակ զուգակցել է զգացմունքայնությունը և արտաքին նկարագրի մանրազնին մշակված ճշգրտությունը։
Ծանոթագրություններ
խմբագրել- ↑ 1,0 1,1 1,2 1,3 1,4 Encyclopædia Britannica
- ↑ 2,0 2,1 2,2 2,3 2,4 Բրոքհաուզի հանրագիտարան (գերմ.)
- ↑ 3,0 3,1 3,2 3,3 3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 4,0 4,1 4,2 4,3 4,4 4,5 Шрёдер Фридрих Людвиг // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 588)։ 
|
 | Վիքիպահեստն ունի նյութեր, որոնք վերաբերում են «Ֆրիդրիխ Լյուդվիգ Շրյոդեր» հոդվածին։ |