Ֆերդինանդ Մկրտչյան

Ֆերդինանդ Անուշավանի Մկրտչյան (հուլիսի 12, 1947(1947-07-12), Բարալեթ, Ախալքալաքի շրջան, Սամցխե-Ջավախեթի մարզ, Վրացական ԽՍՀ, ԽՍՀՄ), բարդ տեղեկատվական համակարգերի բնագավառի հայ գիտնական։ Ֆիզմաթ գիտությունների դոկտոր (1988), պրոֆեսոր (1996): ՀՀ ԳԱԱ արտասահմանյան անդամ (2014)։

Ֆերդինանդ Մկրտչյան
Ծնվել է	հուլիսի 12, 1947(1947-07-12) (76 տարեկան) Բարալեթ, Ախալքալաքի շրջան, Սամցխե-Ջավախեթի մարզ, Վրացական ԽՍՀ, ԽՍՀՄ
Մասնագիտություն	գիտնական
Հաստատություն(ներ)	ՌԳԱ Ռադիոտեխնիկայի և էլեկտրոնիկայի ինստիտուտ և Ռուսաստանի բնական գիտությունների ակադեմիա
Անդամակցություն	ՀՀ ԳԱԱ
Ալմա մատեր	ՀԱՊՀ (1969)
Գիտական աստիճան	ֆիզիկամաթեմատիկական գիտությունների դոկտոր (1988) և պրոֆեսոր (1996)

Կենսագրություն

Ֆերդինանդ Մկրտչյանը ծնվել է 1947 թվականին Վրաստանի Ախալքալաքի շրջանի Բարալեթ գյուղում։ 1969 թվականին ավարտել է Երևանի պոլիտեխնիկական ինստիտուտը։ 1973-1991 թվականներին աշխատել է Ռուսաստանի գիտությունների ակադեմիայի Ռադիոտեխնիկայի և էլեկտրոնիկայի ինստիտուտում, 1991-1997 թվականներին՝ Ռուսաստանի գիտությունների ակադեմիայի Էկոտեղեկագիտության ինստիտուտի փոխտնօրեն, 1997 թվականից՝ տնօրեն։ 1994 թվականից ՌԴ բնական ԳԱ թղթակից անդամ։

Աշխատանքները վերաբերում են երկրի մակերևույթի վրա կատարվող երևույթների հայտնաբերման խնդիրներում տեղեկատվական մեթոդների, հեռակառավարման և հպումային փորձարարական հետազոտությունների տվյալների վիճակագրության մշակման ալգորիթմային և ծրագրային ապահովման հարցերին։ Զարգացրել է ԷՀՄ-ների վիճակագրական լուծումներ ընդունելու ուսուցման տեսությունը, ապացուցել խանգարումակայունության դեպքում հարատևության սահմանային օրենքը։

Պարգևներ

• ՌԴ ԳԱ Կապիցայի արծաթե մեդալ, 1995
• Պետրոս I-ի արծաթե մեդալ, 1996
• Վեռնադսկու արծաթե մեդալ, 2001

Երկեր

• Оптимальное различение сигналов и проблемы мониторинга. Москва, 1982.
• Методы обработки данных радиофизического исследования окружающей среды. Москва, 1987 (համահեղինակ)