Քրտինք
Քրտինք, քրտնագեղձերից արտազատվող անգույն, թեթևակի օպալեսցենցող հեղուկ։ Մարդու քրտինքը պարունակում է 98-99% ջուր, մոտ 0,1% միզանյութ, միզաթթու, կրեատինին, սերին, ճարպեր, ցնդող ճարպաթթուներ, խոլեստերին, ալկալիական մետաղների աղեր (գլխավորապես NaCl-ի՝ մոտ 0,3%), ֆոսֆատներ, սուլֆատներ, եթերածծմբական և արոմատիկ զույգ օքսիթթուներ։ Մաշկի վրա քրտինքին միշտ խառնված է լինում ճարպագեղձերի արտազատուկը։ Կախված արտաքին միջավայրի ջերմաստիճանից, մկանային աշխատանքի ինտենսիվությունից և խմած ջրի քանակից մարդն արտազատում է օրական 0,5-10 լ քրտինք։ Օրգանիզմի ախտաբանական վիճակներում քրտինքը կարող է պարունակել լեղապիգմենտներ, ցիստին, գլյուկոզ, էրիթրոցիտներ։
![](http://upload.wikimedia.org/wikipedia/commons/thumb/d/d4/Janet_Jackson_-_Royal_Albert_Hall_%285908056963%29.jpg/220px-Janet_Jackson_-_Royal_Albert_Hall_%285908056963%29.jpg)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ ![]() |
![]() | Վիքիպահեստն ունի նյութեր, որոնք վերաբերում են «Քրտինք» հոդվածին։ |