Քրիստոֆեր Ջոզեֆ Ուոքեր

Քրիստոֆեր Յոզեֆ Ուոքեր (անգլ.՝ Christopher Joseph Walker, հուլիսի 10, 1942(1942-07-10) - ապրիլի 18, 2017(2017-04-18)), անգլիացի պատմաբան։

Քրիստոֆեր Ջոզեֆ Ուոքեր անգլ.՝ Christopher J. Walker
Ծնվել է	հուլիսի 10, 1942(1942-07-10)
Մահացել է	ապրիլի 18, 2017(2017-04-18) (74 տարեկան)
Քաղաքացիություն	Միացյալ Թագավորություն
Մասնագիտություն	պատմաբան
Հաստատություն(ներ)	Սոթբիս
Ալմա մատեր	Lancing College? և Բրեյսնոուզ քոլեջ
Տիրապետում է լեզուներին	անգլերեն
Ստորագրություն

Կենսագրություն

Կրթությունն ստացել է Լենսինգ և Բրեյզհաուզ քոլեջներում։ 1971 թվականից զբաղվում է հայ ժողովրդի նոր և նորագույն պատմությամբ։ Եղել է Արևմտյան Հայաստանում, այցելել Վան, Դիարբեքիր, Ուրֆա, Այնթապ, Կարս, Անի, Բեյրութ, Դամասկոս, Հալեպ, 1971 թվականին՝ առաջին անգամ Երևան։ 1976 թվականին, Դ. Լանգի հետ, հրատարակել է («Փոքրամասնությունների իրավունքների խումբ» կազմակերպության հովանավորությամբ) «Հայերը» գրքույկը։ 1980 թվականին լույս է տեսել Ուոքըրի «Հայաստան, ազգի վերապրումը» աշխատությունը՝ նվիրված հայ ժողովրդի պատմությանը, մասնավորապես՝ հայկական հարցում եվրոպական տերությունների քաղաքականությանը, հայերի ցեղասպանության խնդիրներին, Հայաստանի Հայնրապետության (1918-1920), խորհրդային Հայաստանի, հայ սփյուռքի պատմությանը։ Գրքի երկրորդ հրատարակության (1989) մեջ լուսաբանվել է նաև Լեռնային Ղարաբաղի պատմությունը, խնդրի առկա վիճակը։ 1989 թվականի նոյեմբերին ելույթ է ունեցել Օքսֆորդի համալսարանում՝ «Հայաստանը 90-ական թվականներին. հեռանկարներ և վտանգներ» զեկուցումով, որտեղ վերլուծել է Հայաստանի քաղաքական իրադրությունը, նրա զարգացման հեռանկարները, հայերի ցեղասպանության հիմնախնդիրը ժամանակակից փուլում։

Երկեր

• The Armenians, by David Marshall Lang, Christopher J. Walker, London։ Minority Rights Group, MRG Report No. 32, fifth edition, 1987
• Oliver Baldwin : A Life of Dissent, ISBN 978-1-900850-86-5, 2003
• Armenia and Karabagh, ISBN 978-1-873194-00-3, 1991
• Armenia : The Survival of a Nation Արխիվացված 2007-06-15 Wayback Machine, ISBN 978-0-312-04944-7, 1980; ISBN 978-0-312-04230-1, 1990
• Visions of Ararat (writings on Armenia), ISBN 978-1-85043-888-5, 2005
• "At History's Crossroad: The making of the Armenian nation," (The Armenians։ From Kings and Priests to Merchants and Commissars) (Book review) Weekly Standard Nov 27, 2006.
• Friends or Foes? The Islamic East and the West, History Today, March 2007, Volume։ 57, Issue։ 3, Page 50-57

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։