Քոնոր Մեյնարդ

Քոնոր Մեյնարդ
Բնօրինակ անուն	անգլ.՝ Conor Maynard
Ծնվել է	նոյեմբերի 21, 1992 (31 տարեկան); Բրայթոն, Բրայթոն և Հոուֆ, Արևելյան Սասիքս, Միացյալ Թագավորություն
Երկիր	Միացյալ Թագավորություն
Ժանրեր	փոփ
Մասնագիտություն	հեղինակ-կատարող, բանաստեղծ, գրող, յություբեր և հեռուստատեսային պրոդյուսեր
Գործիքներ	վոկալ
Լեյբլ	Parlophone
Կրթություն	Cardinal Newman Catholic School?
Կայք	conor-maynard.com
	Conor Maynard Վիքիպահեստում

Քոնոր Փոլ Մեյնարդ (անգլ.՝ Conor Paul Maynard, նոյեմբերի 21, 1992(1992-11-21)^[1], Բրայթոն, Բրայթոն և Հոուֆ, Արևելյան Սասիքս, Միացյալ Թագավորություն^[2]), բրիտանացի երգիչ և երգերի հեղինակ։

Կենսագրություն խմբագրել

2009-2013 թվականներ խմբագրել

Քոնոր Մեյնարդը հայտնի դարձավ իբրև քավրների կատարող, որն իր ՅուԹյուբյան էջում տեղադրում էր դրանք։ «Beautiful Monster» երգի քավրի շնորհիվ նա գրավեց այդ երգի հեղինակ-կատարողի՝ Նի Յոյի ուշադրությունը, որը շուտով դարձավ նրա գործընկերը^[3]։ Նրա շնորհիվ Քոնորին հաջողվեց պայմանագիր կնքել «Parlophone» երաժշտական լեյբլի հետ և սկսեց աշխատել իր դեբյուտային ստուդիական ալբոմի վրա, որն այնուհետև ստացավ «Contrast» անվանումը։

2011 թվականի նոյեմբերին Քոնորը Մայքլ Կիվանուկայի և Լանա Դել Ռեյի հետ միասին առաջադրվեց «MTV» հեռուստաալիքի «Brand New for 2012» մրցանակի համար, որտեղ 2012 թվականի հունվարի վերջին նրան հաջողվեց հաղթել հեռուստադիտողի ձայների 48%-ով^[4]։ Նույն թվականի մարտին թողարկվեց Քոնորի առաջին տեսահոլովակը՝ «Can't Say No» դեբյուտային սինգլի հիման վրա^[5]։ Երաժշտական քննադատները ստեղծագործությունը դրական գնահատեցին՝ անվանելով այն «խաղային և զվարճալի, որն ուղղորդում է դեպի այլ ուղղություն»^[6]։ Շատերը նույնիսկ սկսեցին Քոնորին համեմատել իր երիտասարդ կոլեգայի՝ Ջասթին Բիբերի հետ, սակայն ինչպես ավելի ուշ հայտնեց ինքը՝ Քոնորը, կարիք չկա իրեն համեմատել Բիբերի հետ, նույնիսկ եթե իրենք երկուսն էլ հայտնի են դարձել յություբի շնորհիվ^[7]։

Պաշտոնական թողարկումից հետո՝ առաջին շաբաթվա ընթացքում, «Can't Say No» սինգլը վաճառվեց մոտ 75 հազար օրինակով, ինչը օգնեց թրեքին բրիտանական սինգլների պաշտոնական հիթ-շքերթում մեկնարկել երկրորդ հորիզոնականից^[8]։ Սինգլը նաև հաջողություն ունեցավ Իռլանդիայում և Շոտլանդիայում։ Այսպիսի հաջողություն գրանցելուց հետո երգչին սկսեցին հրավիրել տարբեր միջոցառումների և համերգների։ Նա առաջին անգամ հանդես եկավ բրիտանական հայտնի «Capital FM» ռադիոկայանի ամենամյա ամառային պարահանդեսում՝ 80 հազար հանդիսատեսի առջև^[9]։

2012 թվականի հուլիսին՝ դեբյուտային ստուդիական ալբոմի թողարկումից մեկ շաբաթ առաջ, ի աջակցություն դրա՝ թողարկվեց երկրորդ սինգլը՝ «Vegas Girl»-ը, որը նույնպես հաջողություն ունեցավ։ Այն ընդգրկվեց բրիտանական սինգլների հիթ-շքերթի առաջին տասնյակի մեջ՝ հասնելով չորրորդ հորիզոնականին։ Նույն տարվա հուլիսի 30-ին կայացավ երգչի երկար սպասված «Contrast» դեբյուտային ստուդիական ալբոմի թողարկումը։ Այն ներառում էր նախկինում թողարկված «Can't Say No» և «Vegas Girl» սինգլները, ինչպես նաև զուգերգեր Ռիտա Օրայի, Նի Յոյի և Ֆարել Վիլյամսի հետ։ Ձայնասկավառակը մեծ պահանջարկ ուներ Մեծ Բրիտանիայում, որտեղ գլխավորում էր բրիտանական ալբոմների պաշտոնական հիթ-շքերթը և նույնիսկ ստացավ «արծաթե» հավաստագիր^[10]^[11]։

Սեպտեմբերին ներկայացվեց «Turn Around» երգի տեսահոլովակը ամերիկացի երգիչ Նի Յոյի մասնակցությամբ։ Հոկտեմբերին երգը թողարկվեց որպես «Contrast» ալբոմի երրորդ սինգլ։ Ավելի ուշ թողարկվեց նաև չորրորդ սինգլը՝ «Animal»-ը՝ ի աջակցություն ձայնասկավառակի։ Սինգլային տարբերակի համար ստեղծագործությունը վերաձայնագրվեց ռեփեր Ուայլիի հետ զուգերգով։ «Contrast» ալբոմի առաջխաղացումից հետո Քոնորը հրատարակեց իր առաջին գիրքը՝ «Take Off» վերնագրով։ Գրքում երգիչը նկարագրել է իր փառքի ճանապարհը, վերելքներն ու վայրէջքները։ Գիրքը վաճառքի է հանվել 2013 թվականի հոկտեմբերին ինչպես ֆիզիկական, այնպես էլ թվային կրիչներով^[12]։

2014-առ այսօր խմբագրել

Ներկայումս երգիչը թողարկման է պատրաստում իր երկրորդ ստուդիական ալբոմը։ Ինչպես նա խոստանում է, ալբոմը տարբերվելու է դեբյուտայինից և ունենալու է նոր հնչողություն։ Այդ ալբոմի աջակցության համար արդեն իսկ թողարկվել է «R U Crazy» խորագրային սինգլը, որը գրվել է բրիտանացի երաժիշտ Լաբրինթի հետ համահեղինակությամբ։ Սինգլը կարողացել է ընդգրկվել բրիտանական սինգլների հիթ-շքերթի լավագույն հնգյակում՝ հասնելով չորրորդ հորիզոնականին։ 2015 թվականի մարտի սկզբին Քոնորը ներկայացրեց երկրորդ սինգլը՝ «Talking About»-ը՝ ի աջակցություն ապագա ալբոմի, ինչպես նաև դրա տեսահոլովակը։

Սկավառակագրություն խմբագրել

Ստուդիական ալբոմներ

«Contrast» (2012)

Սինգլներ

«Can't Say No» (2012)
«Vegas Girl» (2012)
«Turn Around» (Նի Յոյի հետ, 2012)
«Animal» (Ուայլիի հետ, 2013)
«R U Crazy» (2013)
«Talking About» (2015)

Տեսագրություն խմբագրել

«Can't Say No» (ռեժիսոր՝ Ռոհան Բլեր-Մանգատ, 2012)
«Vegas Girl» (ռեժիսոր՝ Թրեվիս Կոպաչ, 2012)
«Turn Around» (ռեժիսոր՝ Քոլին Թիլլի, 2012)
«Animal» (ռեժիսոր՝ Թիմ Մատիա, 2012)
«R U Crazy» (ռեժիսոր՝ Մաթիլդա Ֆին և Լոուրենս Բլեյք, 2013)
«Talking About» (2015)

Մրցանակներ և անվանակարգեր խմբագրել

Տարի	Մրցանակ	Առաջադրված աշխատանք	Կատեգորիա	Արդյունք
2012	BBC Radio 1 Teen Awards	«Contrast»	«Մեծ Բրիտանիայի լավագույն ալբոմ»	Առաջադրված
	MOBO Awards	Քոնոր Մեյնարդ	«Լավագույն դեբյուտ»	Առաջադրված
	MTV Europe Music Awards	Քոնոր Մեյնարդ	«Մեծ Բրիտանիայի լավագույն արտիստ»	Առաջադրված
2013	Popdust Awards	Քոնոր Մեյնարդ	«Տարվա փոփ-աստղ»	Առաջադրված
2013	Nickelodeon UK Kids' Choice Awards	Քոնոր Մեյնարդ	«Բրիտանական լավագույն կատարող»	Առաջադրված

Ծանոթագրություններ խմբագրել

↑ ^1,0 ^1,1 ČSFD (չեխերեն) — 2001.
↑ ^2,0 ^2,1 ^2,2 Deutsche Nationalbibliothek Record #1024386740 // Gemeinsame Normdatei (գերմ.) — 2012—2016.
↑ The Student Magazine - Interview Conor Maynard
↑ «Conor Maynard Voted Brand New For 2012 Winner!». Արխիվացված է օրիգինալից 2012 թ․ հունիսի 29-ին. Վերցված է 2018 թ․ նոյեմբերի 28-ին.
↑ Conor Maynard - Can't Say No (Music Video)
↑ «Conor Maynard: 'Can't Say No' - Single review». Digital Spy. Վերցված է 17.1.14-ին.
↑ «Conor Maynard: 'I'm not like Justin Bieber'». Digital Spy. Արխիվացված է օրիգինալից 2013 թ․ նոյեմբերի 9-ին. Վերցված է 17.1.14-ին.
↑ Chart Archive > Week Ending: April 28, 2012
↑ «Conor Maynard Live At The Summertime Ball 2012». Capital FM. Վերցված է 17.1.14-ին.
↑ «Top 40 Official Albums Chart UK Archive». Official Charts Company. Վերցված է 17.1.14-ին.
↑ «Conor Maynard - Certified Awards». BPI. Արխիվացված է օրիգինալից 2017 թ․ օգոստոսի 1-ին. Վերցված է 17.1.14-ին.
↑ «Conor Maynard to release new book 'Take Off' in October». Digital Spy. Վերցված է 17.1.14-ին.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Քոնոր Մեյնարդ» հոդվածին։

[_cb33a8534c65fcc0-1] 1,0 ^1,1 ČSFD (չեխերեն) — 2001.

[_4552792ea321e6b3-2] 2,0 ^2,1 ^2,2 Deutsche Nationalbibliothek Record #1024386740 // Gemeinsame Normdatei (գերմ.) — 2012—2016.

[3] The Student Magazine - Interview Conor Maynard

[4] «Conor Maynard Voted Brand New For 2012 Winner!». Արխիվացված է օրիգինալից 2012 թ․ հունիսի 29-ին. Վերցված է 2018 թ․ նոյեմբերի 28-ին.

[5] Conor Maynard - Can't Say No (Music Video)

[6] «Conor Maynard: 'Can't Say No' - Single review». Digital Spy. Վերցված է 17.1.14-ին.

[7] «Conor Maynard: 'I'm not like Justin Bieber'». Digital Spy. Արխիվացված է օրիգինալից 2013 թ․ նոյեմբերի 9-ին. Վերցված է 17.1.14-ին.

[8] Chart Archive > Week Ending: April 28, 2012

[9] «Conor Maynard Live At The Summertime Ball 2012». Capital FM. Վերցված է 17.1.14-ին.

[10] «Top 40 Official Albums Chart UK Archive». Official Charts Company. Վերցված է 17.1.14-ին.

[11] «Conor Maynard - Certified Awards». BPI. Արխիվացված է օրիգինալից 2017 թ․ օգոստոսի 1-ին. Վերցված է 17.1.14-ին.

[12] «Conor Maynard to release new book 'Take Off' in October». Digital Spy. Վերցված է 17.1.14-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]