Ռուզան Քյուրքչյան

Ռուզան Գուրգենի Քյուրքչյան (օրիորդական ազգանունը` Մալխասյան, մարտի 11, 1930(1930-03-11), Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ - դեկտեմբերի 6, 2002(2002-12-06), Երևան, Հայաստան), հայ քանդակագործ։ ԽՍՀՄ նկարիչների միության անդամ։

Ռուզան Քյուրքչյան
Ռուզան Քյուրքչյանը «Վերածնունդ» քանդակի մոտ
Ծնվել է	մարտի 11, 1930(1930-03-11)
Ծննդավայր	Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ
Մահացել է	դեկտեմբերի 6, 2002(2002-12-06) (72 տարեկան)
Վախճանի վայրը	Երևան, Հայաստան
Կրթություն	Երևանի պետական գեղարվեստա-թատերական ինստիտուտ
Ստեղծագործություն(ներ)	Կոմիտասի անվան զբոսայգու պանթեոն, Երիտասարդական և Հուշարձան Երկրորդ աշխարհամարտում զոհված բժշկական ինստիտուտցիներին
Մասնագիտություն	քանդակագործ
Ամուսին	Ստեփան Քյուրքչյան
Անդամություն	ԽՍՀՄ նկարիչների միություն
Ruzan Kyurkchyan Վիքիպահեստում

ՀԽՍՀ վաստակավոր ճարտարապետ Ստեփան Քյուրքչյանի կինը։

Կենսագրություն

1955 թվականին ավարտել է Երևանի գեղարվեստա-թատերական ինստիտուտը։ Սկզբնական շրջանում աշխատել է հաստոցային քանդակագործության բնագավառում։ 1960-ականներից Ռուզան Քյուրքչյանի գործերում ի հայտ են եկել քանդակագործության և ճարտարապետության տարրերի համադրումներ։

Ստեղծագործություններ

• Կոմիտասի անվան զբոսայգու պանթեոնի գլխավոր հուշապատը, 1965 թվական, տուֆ
• «Արևելք»
• «Հասմիկ»
• «Գևորգ Բաշինջաղյան»
• «Կոմունար»
• «20 թիվ»
• «Կարբիդագործը»
• «Առատություն»
• «Դաշինք»
• «Ընտանիք», 1968 թվական, բրոնզ
• «Գարուն», 1968 թվական, բրոնզ
• «Վերածնունդ», 1972 թվական, բրոնզ
• «Վարպետ Օհանը», 1972 թվական, դիմաքանդակ, Հայաստանի ազգային պատկերասրահ, բրոնզ
• «Կոմիտաս», դիմաքանդակ, բրոնզ
• «1988», կոմպոզիցիա, 1988 թվական, բրոնզ

Մեջբերումներ Ռուզան Քյուրքչյանի մասին

Ռուզանի գործը կրում է մեծ Ատտիկայի ոգին։ Նա իսկական արձանագործ է, մեր հայ իրականության մեջ այն բացառիկներից, որ զգում է ֆորման իր կոսմիկական ամբողջության մեջ» - Երվանդ Քոչար

«Եթե Քյուրքչյանի մյուս գործերը լավն են, այս մեկը կատարյալ է։ Նստած կնոջ միջոցով պատկերված Հայաստանը հառնում է կյանքով, հաստատակամությամբ, նաև կորովով»։ - Վահե Պողոսյան

Հիշատակ

2023 թվականին, Երևան քաղաքի ավագանու որոշմամբ, Երևանի Նորք-Մարաշ վարչական շրջանի Նորքի 15-րդ փողոցն անվանակոչվել է Ստեփան Քյուրքչյանի ու քանդակագործ Ռուզան Քյուրքչյանի անունով։

Պատկերասրահ

• 
  «Վերածնունդ»
• 
  «Երիտասարդություն» 1981, Երիտասարդական մետրոյի կայարանի պատի բրոնզե քանդակը
• 
  Թորոս Թորամանյանին նվիրված հուշարձան, 1985, Երևան, Պուշկինի փողոց
• 
  Կոմիտասի անվան պանթեոնի գլխավոր հուշապատ

Աղբյուրներ

• М. Айвазян, Рузан Кюркчян, (Буклет). Ереван, 1971 г.