HS Disambig.svg Անվան այլ կիրառումների համար տե՛ս՝ Քաշունի (այլ կիրառումներ)

Քաշունի, Աղչայ, Զեմի, Զեմին, Զեմու, Զեյվա, Զեյվայի գետ, Կաշունի, Հաշունի, Չայզամի, Չայիսմի, Քիշունի, գետ Հայաստանի Սյունիքի մարզում։ Սկիզբ է առնում Բարգուշատի լեռնաշղթայի հյուսիսային լանջերից՝ 2080 մ բարձրությունից, հոսում է նախկին Գորիսի ու Կապանի շրջաններով՝ հարավ-արևելյան ուղղությամբ և Կապան քաղաքից 20 կմ հյուսիս-արևելք Արցախի տարածքում աջից միախառնվում Որոտան գետին։ Երկարությունը 34 (40[1]) կմ է, ջրհավաք ավազանը՝ 136 կմ² (ՀՀ-ում համապատասխանաբար՝ 27 կմ և 104 կմ²)։ Գետահովիտը V-աձև է։ Սնումը հալոցքային է, վարարումը՝ մայիս-հունիսին։ Գետահովիտն ունի ռեկրեացիոն նշանակություն[1]։ Ղ. Ալիշանը այս գետը անվանում է Զեմու, Զեմի։ Օտարները վերին հոսանքի շրջանները կոչել են Չայգամի։ Կոչվել է նաև Կապանի շրջանի նախկին Զեյվա (այժմ՝ Դավիթ Բեկ) գյուղի անունով[2]։

Քաշունի
Քաշունի գետ.jpg
Բնութագիր
Երկարություն34 կիլոմետր
Ավազանի մակերես136 կմ²
Ջրահոսք
Ակունքի տեղակայումԲարգուշատի լեռներ
Գետաբերանի տեղակայումՈրոտան
Կոորդինատներ
Տեղակայում
Հոսող հոսքերԳեղաղբյուր և Ոլոր
ԵրկիրՀայաստան և Ադրբեջան
ԵրկրամասՍյունիքի մարզ և Կուբաթլուի շրջան (Ադրբեջանական ԽՍՀ)

ԾանոթագրություններԽմբագրել

  1. 1,0 1,1 Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 130 — 150 էջ։
  2. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 299 — 916 էջ։
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։