Փոքր չրխկան
Փոքր չրխկան | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Բզեզներ (Coleoptera) |
Ընտանիք | Չրխկաններ (Elateridae) |
Ցեղ | Craspedostethus |
Տեսակ | Փոքր չրխկան (C. permodicus) |
Միջազգային անվանում | |
Craspedostethus permodicus |
Փոքր չրխկան (լատին․՝ Craspedostethus permodicus), չրխկանների ընտանիքին պատկանող միջատ, որը գրանցված է Հայաստանի Կարմիր գրքում։
Նկարագրություն
խմբագրել4,5-6,4 մմ մարմնի երկարությամբ, փոքր չափի բզեզ է։ Վերնաթևերը երբեմն բաց դեղին են, մարմինը և վերջույթները՝ բաց գորշագույն։ Երկար մազիկներով մազածածկը ունի բաց գունավորում։
Տարածվածություն
խմբագրելՏարածված է Կովկասում, Հյուսիսային Իրանում։ Հայաստանում ներկայումս հանդիպում է Հացավան գյուղի մոտակայքում (Կոտայքի մարզ), Գոռավանի ավազուտներում` Վեդի քաղաքի մոտ (Արարատի մարզ) և Մեղրի քաղաքի շրջակայքում (Սյունիքի մարզ)։
Էկոլոգիա
խմբագրելԱպրում է տարբեր տեսակի անապատներում և կիսանապատներում։ Հունիսին-հուլիսի առաջին կեսին այս բզեզները թռչում են դեպի լույսի աղբյուր։
Պահպանություն
խմբագրելՍահմանափակ արեալով հազվագյուտ տեսակ է, որը Բնության պահպանության միջազգային միության Կարմիր ցուցակի չափորոշիչներով գնահատվում է որպես խոցելի տեսակ։
Հանդիպում են հատուկենտ։
Վտանգման հիմնական գործոններից է համարվում անասունների գերարածեցմամբ պայմանավորված Էկոհամակարգերի դեգրադացումը։
Պահպանվում է «Արևիկ» ազգային պարկում և «Գոռավանի ավազուտներ» պետական արգելավայրում[1]։
Ծանոթագրություններ
խմբագրել- ↑ Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.