Փեգի Քաս
Փեգի Քաս (անգլ.՝ Peggy Cass. մայիսի 21, 1924 — մարտի 8 , 1999 ), ամերիկյան դերասանուհի և հեռուստահաղորդավարուհի։
Փեգի Քաս | |
---|---|
Ծննդյան թիվ՝ | մայիսի 21, 1924[1] |
Ծննդավայր՝ | Բոստոն, ԱՄՆ |
Վախճանի թիվ՝ | մարտի 8, 1999[1] (74 տարեկան) |
Վախճանի վայր՝ | Նյու Յորք, ԱՄՆ |
Քաղաքացիություն՝ | ԱՄՆ |
Մասնագիտություն՝ | թատրոնի դերասանուհի, կինոդերասանուհի և հեռուստատեսային դերասանուհի |
Պարգևներ՝ | |
IMDb։ | ID 0143918 |
Կենսագրություն խմբագրել
Փեգի Քասը ծնվել է Բոստոնում։ Դերասանուհի դառնալու ցանկությունն առաջացել է միջնակարգ դպրոցում սովորելու տարիներին, որտեղ նա դրամատիկական ակումբի անդամ էր։ 1940-ականների սկզբին միջնակարգ դպրոցն ավարտելուց հետո Փեգին տևական ու համառ պայքար է մղել դերասանուհու աշխատանք գտնելու համար և ի վերջո հասել է նրան, որ իրեն ներգրավեն «Երեկ ծնվածը» պիեսի բեմադրության մեջ։
1949 թվականին Քասը դեբյուտային դերակատարմամբ հանդես է եկել Բրոդվեյում։ 1957 թվականին նա մարմնավորել է իր ամենահայտնի կերպարներից մեկին՝ Ագնես Գուչին «Մորաքույր Մեյմ» պիեսում, որի համար արժանացել է Թոնի մրցանակի։ Հաջորդ տարի նկարահանվել է այդ պիեսի էկրանավորման մեջ և առաջադրվել Օսկարի և «Ոսկե գլոբուսի»՝ երկրորդ պլանի լավագույն դերասանուհի անվանակարգում։
1960-ականների սկզբից Փեգի Քասը հիմնականում աշխատել է հեռուստատեսությունում։ Նա հանդես է եկել հեռուստատեսային սիրված մի շարք սերիալներում, որոնց թվում են Բժիշկները/The Doctors, Սիրո մակույկը/The Love Boat, Վեգասը/Vegas: 1970-ականներին նա վարել է լայն ժողովրդականություն վայելող Tonight Show-ն։
1979 թվականին Փեգին ամուսնացել է Յուջին Ֆինիի հետ և նրա հետ էլ անց է կացրել իր հետագա կյանքը։ Փեգի Քասը մահացել է սրտի կաթվածից 1999 թվականի մարտի 8-ին, 74 տարեկան հասակում։
Ֆիլմագրություն խմբագրել
Տարի | Հայերեն անվանում | Բնօրինակ անվանում | Դեր | |
---|---|---|---|---|
1950 | ս | — | The Nash Airflyte Theater | |
1951 | ս | Լյուքս վիդեոթատրոն | Lux Video Theatre | Բեթի |
1952 | ֆ | Փրկել ամուսնությունը | The Marrying Kind | Էմիլի |
1954 | ս | — | Campbell Playhouse | |
1958 | ֆ | Մորաքույր Մեյմ | Auntie Mame | Ագնես Գուչ |
1958-1959 | ս | Ֆիլ Սիլվերսի շոուն | The Phil Silvers Show | Փոլլի/ Դաֆնի Սմաթերս |
1959 | ս | Ալֆրեդ Հիչքոքը ներկայացնում է | Alfred Hitchcock Presents | Ռոդա Մազերուել |
1961 | ս | Բարբարա Սթենվիքի շոուն | The Barbara Stanwyck Show | բուժքույր Էնն |
1961 | ֆ | — | Gidget Goes Hawaiian | Միթզի Սթյուարթ |
1961-1962 | ս | — | The Hathaways | Էլինոր Հեթուեյ |
1968 | ս | — | That’s Life | |
1969 | ֆ | Եթե այսօր երեքշաբթի է, ուրեմն Բելգիան է լինելու | If It’s Tuesday, This Must Be Belgium | Էդնա Ֆերգյուսոն |
1969 | ֆ | Չափահասները | Age of Consent | նրա կինը |
1970 | ֆ | — | Paddy | Այրինի |
1972 | ս | Սեր՝ ամերիկյան ձևով | Love, American Style | միսիս Բաքսթեր |
1978-1979 | ս | Բժիշկներ | The Doctors | Սուինի |
1980 | ս | Վեգաս | Vega$ | Դոթի |
1980 | ս | Սիրո մակույկ | The Love Boat | Ֆեյ |
1980 | հֆ | — | Cheaters | Չկա տվյալ |
1981 | մֆ | Սուրբծննդյան ոսկին | The Leprechauns’ Christmas Gold | Ֆեյ |
1983 | ս | — | Breakaway | ведущая |
1983 | ս | Հյուրանոց | Hotel | Շեյլա |
1984 | ս | Հեքիաթներ՝ մութ կողմից | Tales from the Darkside | Նադին |
1985 | ս | Հատուկ առաջարկ հանգստյան օրերի համար | ABC Weekend Specials | Մեծն Միլլի |
1986 | ս | Փնտրելով վաղվա օրը | Search for Tomorrow | Նելլի |
1987 | ս | — | Everything’s Relative | մորաքույր Ռոդա |
1987-1988 | ս | — | Women in Prison | Ив Шипли |
1989 | ս | Հրեշներ | Monsters | Ջուն |
1989 | ս | Մայոր հայրիկը | Major Dad | Էսթեր |
1991 | մֆ | — | The Emperor’s New Clothes | Մենդի |
1995 | հֆ | Զոյա | Zoya | միսիս Մոլլոյ |
1997 | ս | Հիշելով ռադիո WENN-ը | Remember WENN | Էդնա |
Մրցանակներ և անվանակարգեր խմբագրել
Մրցանակը | Տարին | Անվանակարգը | Դերը | Արդյունքը |
---|---|---|---|---|
Օսկար | 1959 թ | Երկրորդ պլանի լավագույն դերասանուհի | Մորաքույր Մեյմ | Առաջադրված |
Ոսկե գլոբուս | 1959 թ | Երկրորդ պլանի լավագույն դերասանուհի ֆիլմում | Առաջադրված | |
Թոնի | 1957 թ | Երկրորդ պլանի լավագույն դերասանուհի պիեսում | Մորաքույր Մեյմ | Հաղթանակ |
Ծանոթագրություններ խմբագրել
Արտաքին հղումներ խմբագրել
- Փեգի Քաս Internet Movie Database կայքում
Վիքիպահեստն ունի նյութեր, որոնք վերաբերում են «Փեգի Քաս» հոդվածին։ |