Փառանձեմ Կնունյանց
Փառանձեմ Միրզաջանի Կնունյանց (Ռիզել) (կուսակցական մականունը՝ Փառո, հուլիսի 29, 1885[1], Շուշի, Ելիզավետպոլի նահանգ, Ռուսական կայսրություն[1] - նոյեմբերի 30, 1980, Մոսկվա, ԽՍՀՄ), բոլշևիկ կուսակցական գործիչ, Ռուսաստանի հեղափոխական շարժումների մասնակից։
Փառանձեմ Կնունյանց | |
---|---|
Ծնվել է | հուլիսի 29, 1885[1] |
Ծննդավայր | Շուշի, Ելիզավետպոլի նահանգ, Ռուսական կայսրություն[1] |
Մահացել է | նոյեմբերի 30, 1980 (95 տարեկան) |
Մահվան վայր | Մոսկվա, ԽՍՀՄ |
Գերեզման | Կունցևսկոե գերեզմանատուն |
Քաղաքացիություն | Ռուսական կայսրություն և ԽՍՀՄ |
Կրթություն | Բեստուժևյան դասընթացներ |
Մասնագիտություն | հեղափոխական և գրող |
Աշխատավայր | Ռադիո-1[1] |
Ամուսին | Alexander Pavlovitch Serebrovsky? |
Կուսակցություն | ԽՄԿԿ[1] |
Պարգևներ և մրցանակներ |
Հեղափոխական շարժումների մեջ ներգրավվել է ավագ եղբայրների՝ Լյուդվիգ Կնունյանցի և Բոգդան Կնունյանցի ազդեցությամբ՝ 1900 թվականից։ 1904 թվականին քարոզչական աշխատանք է տարել Մոսկվայում և Պետերբուրգում 1905 թվականի հունվարի 9-ի դեպքերից հետո ձերբակալվել է։ Այնուհետև մասնակցել է Բաքվի կոմունայի ամրապնդման գործընթացին։ Ադրբեջանում խորհրդային կարգերի հաստատումից հետո կուսակցական աշխատանքներ է վարել Բաքվում։ 1924-1927 թվականներին աշխատել է ՀամԿ Կենտկոմի ապարատում։ 1927-1939 թվականներին եղել է Համամիութենական ռադիոկոմիտեի պրոպագանդայի և ագիտացիայի բաժնի պետ և «Ռաբոտնիկ ռադիո» ամսագրի խմբագիր։ 1939-1954 թվականներին եղել է ԽՍՀՄ Ծովային նավատորմի քաղբաժնի և պրոպագանդայի բաժնի պետը։ ԽՄԿԿ անդամ (1903)։
Պարգևատրվել է Լենինի շքանշանով։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 497)։ |