Տհալի (ուտեստ)
Տհալի (հինդի՝ थाली), հնդկական և նեպալական խոհանոցների ավանդական կերակուր։ Նեպալում այն նաև հայտնի է դալ-բատ անունով (նեպալ.՝ दाल भात — դալ՝ ոսպապուր և բատ՝ շոգեխաշած բրինձ[1])։
 | |
|---|---|
 | |
| Տեսակ | platter? |
| Հիմնական | բրինձ, ձավար, ոսպ, բանջարեղեն և համեմունք |
 Thali Վիքիպահեստում | |
Պատրաստում խմբագրել
Կան տհալի պատրաստման բազմաթիվ տարբերակներ։ Ուտեստի բաղադրությունը կախված է տարածաշրջանից, ավանդույթներից և հասանելի ապրանքատեսակներից։ Տհալիի հիմնական բաղադրիչներն են՝ շոգեխաշած բրինձ և դալ (ոսպից խիտ ապուր-խյուս)։ Տարածաշրջաններում, որտեղ բրինձ չի աճում, փոխարենը կարող են օգտագործել այլ ձավարեղեն, օրինակ՝ հնդկաձավարը։
Մատուցում խմբագրել
Տհալին մատուցվում է կլոր սկուտեղի վրա (տհալի բառը թարգմանաբար նշանակում է սկուտեղ), կենտրոնում բրինձն է, իսկ շրջապատում մետաղյա տարաներ են, որոնցում լցված են դալ, բանջարեղեն, կարի, տարբեր խավարտներ և համեմունքներ։ Տհալին կարող է ներառել նաև չատնի, հնդկական պիկուլ և կարմիր պղպեղ։ Տհալին մատուցվում է նաև լոշիկներով (օրինակ՝ պապադամ կամ չապատի) և մածունով (սուր համի մեղմացման համար)։
Որպես կանոն տհալին բաղկացած է բուսական բաղադրիչներից, սակայն կան նաև տարբերակներ՝ կենդանական բաղադրիչներով՝ օրինակ հավով։
Տհալիի համար կան հատուկ ափսեներ՝ խոշոր և կլոր մետաղական ամաններ։ Այդպիսի ամաններ օգտագործելու ժամանակ անհրաժեշտ չեն տարաներ և սկուտեղներ․ այդ ժամանակ տհալիի բաղադրիչները հրամցնում են ափսեի ամբողջ հատվածներում։ Հարավային Հնդկաստանում այն երբեմն դասավորում են բանանի տերևների վրա։
Նեպալում ընդունված է տհալին ուտել ձեռքերով, բայց զբոսաշրջիկների համար սովորաբար տրամադրում են խոհանոցային համապատասխան իրեր։
Ծանոթագրություններ խմբագրել
- ↑ «Дал-бат». nepalyeti.com. Արխիվացված է օրիգինալից 2018 թ․ հոկտեմբերի 17-ին. Վերցված է 2018 թ․ սեպտեմբերի 8-ին.
Արտաքին հղումներ խմբագրել
- Nord- und südindisches Thali mit Foto Արխիվացված 2015-06-25 Wayback Machine
- Kerala Thali (Südindien) auf dem Bananenblatt Արխիվացված 2017-01-17 Wayback Machine
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Տհալի (ուտեստ) կատեգորիայում։ |