Տիկնիկների պատկերասրահ

Տիկնիկների պատկերասրահ
Տեսակ	պատկերասրահ
Երկիր	Հայաստան
Տեղագրություն	Երևան
Հիմնադրվել է	մարտի 21, 2017
Տնօրեն	Տնօրեն՝ Ստելլա Սարգսյան Գեղարվեստական ղեկավար՝ Մարինա Խաչմանուկյան
Կայք	kukliarm.com

Տիկնիկների պատկերասրահ, տիկնիկներին նվիրված պատկերասրահ Երևանում։ Բացվել է 2017 թվականի մարտի 21-ին՝ տիկնիկագործի միջազգային օրը^[1]։

Պատմություն խմբագրել

Պատկերասրահը բացվել է պետության և մասնավորի համագործակցությամբ։ Պատկերասրահն ունի երկու սրահ։ Սրահներից մեկում միայն հայկական ծիսական, ավանդական տիկնիկներն են, երկրորդ սրահում ներկայացված տիկնիկները բազմաոճ են։

Հավաքածու խմբագրել

Պատկերասրահի ցուցադրությունում ներկայացված է շուրջ 250-300 տիկնիկ՝ հայ տիկնիկագործի եզակի ու չկրկնվող ձեռքի աշխատանքը։ Այստեղ կարելի է տեսնել Մհեր Մկրտչյանի, Գալյա Նովենցի, Երվանդ Ղազանչյանի, Վլադիմիր Պուտինի, Շառլ Ազնավուրի, Հովհաննես Պողոս Երկրորդ Պապի և այլ հայտնի անձանց կերպարներով ստեղծված տիկնիկների։ Հավաքածուի մաս է կազմում ամերիկաբնակ Ալիս Նավասարգյանի՝ շուրջ 200 տիկնիկներից կազմված արժեքավոր հավաքածուն։ Պատկերասրահում ներկայացված տիկնիկները կերպարներ են, որոնք ունեն իրենց պատմությունը^[2]^[3]։

Շենք խմբագրել

Պատկերասրահը բացվել է Երևանի Աբովյան փողոցում՝ 1914 թվականին կառուցված պատմական շենքում (1.6/178.4.1)։ 1921 թվականին այդ շենքում է ապրել Հովհաննես Թումանյանը^[4]։ Հետագայում տեղափոխվել է Երևան Մոլ (Արշակունյաց պողոտա, 34/3 շենք)^[5]։