Տանձենի Գրոսհեյմի
| Տանձենի Գրոսհեյմի | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Վարդածաղկավորներ (Rosales) |
| Ընտանիք | Վարդազգիներ (Rosaceae) |
| Ենթաընտանիք | Սալորայիններ (Amygdaloideae) |
| Տրիբա | Maleae |
| Ցեղ | Տանձ (Pyrus) |
| Տեսակ | Տանձենի Գրոսհեյմի (P. grossheimii) |
| Միջազգային անվանում | |
| Pyrus grossheimii | |
Տանձենի Գրոսհեյմի (լատին․՝ Pyrus grossheimii), վարդազգիների ընտանիքին պատկանող ծածկասերմ բույս, որը գրանցված է Հայաստանի Հանրապետության Կարմիր գրքում։
Նկարագրություն խմբագրել
Առանց փշերի կամ թույլ փշոտ ծառ է, որն ունի մինչև 20 մ բարձրություն։ 6-10 սմ երկարությամբ, 3-5 սմ լայնությամբ տերևները երկար ձգված են, ծալված սրացած գագաթով, ձվաձև կամ էլիպսաձև, հիմքում՝ բութ-կլորավուն, սուր մանրատամնավոր, կոթերը՝ բարակ և երկար։ 2-2,5 սմ տրամագծով պտուղները ձվաձև գնդաձև են և փնջերով, կոթերը համարյա 3 անգամ գերազանցում են պտուղի երկարությանը[1]։
Տարածվածություն խմբագրել
Հանդիպում է Զանգեզուրի (Արավուս գյուղի շրջակայք) և Մեղրու (Տաշտուն) ֆլորիստիկական շրջաններում։ Լոկալիտետները երկուսն են, որոնց միջև հեռավորությունը 42 կմ է։ Տեսակն աճում է նաև Թալիշում և Հյուսիսային Իրանում (Էլբուրս)[1]։
Էկոլոգիա խմբագրել
Աճում է միջին և վերին լեռնային գոտիներում՝ ծովի մակարդակից 1800-2300 մ բարձրությունների վրա, ինչպես նաև անտառներում և անտառների եզրերին։ Ծաղկում է ապրիլ-մայիս ամիսներին, պտղաբերում՝ հունիս-սեպտեմբերին[1]։
Պահպանություն խմբագրել
Վտանգված տեսակ է։ Հայտնի է 2 պոպուլյացիա։ Տարածման և բնակության շրջանների մակերեսը 500 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։
Պահպանության գործողություններ չեն իրականացվում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Տանձենի Գրոսհեյմի» հոդվածին։ |