Տամպերե, Տամերֆորս (ֆիններեն՝ Tampere, շվեդ.՝ Tammerfors), քաղաք Ֆինլանդիայի հարավ-արևմուտքում։ 166 հազար բնակչություն 1977։ Տրանսպորտային հանգույց է, լճային նավահանգիստ։ Զարգացած է մեքենաշինությունը, տեքստիլ, քիմ․, թաղանթանյութի-թղթի արդյունաբերությունը։ Ունի 2 համալսարան։ Առաջին անգամ հիշատակվում է 1405 թվականին, քաղաք է 1779 թվականից։ 19-րդ դարի կեսին տեքստիլ արդյունաբերության խոշոր կենտրոն էր։
Հայտնի է 1405 թվականից։ Ենթադրում են, որ անվանման հիմքում ընկած է ֆիններեն tammi ― «կաղնի» բառը։ Շվեդական տիրապետության շրջանում կոչվել է Տամմերֆորս (շվեդ.՝ Tammerfors ― Fors «ջրվեժ»), որը քաղաքի պաշտոնական անվանումն է մինչև 1917 թվականը[4]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 557)։