Վիվերներ
Մշկաբեշկներ | |
Դասակարգում | |
Ենթատիպ | Ողնաշարավորներ (Vertebrata) |
Դաս | Կաթնասուն (Mammalia) |
Ենթադաս | Գազաններ (Theria) |
Ինֆրադաս | Ընկերքավորներ (Placentalia) |
Վերնակարգ | Laurasiatheria |
Կարգ | Գիշատիչներ (Carnivora) |
Ենթակարգ | Feliformia |
Ընտանիք | Մշկաբեշկներ (Viverridae) Gray, 1821 |
Վիվերներ կամ մշկաբեշկներ[1][2][3][4] (լատ․՝ Viverridae), գիշատիչների կարգի կաթնասուն կենդանիների ընտանիք։ Մարմինը և պոչը երկար են, համապատասխանաբար 17—98 սմ և 12—90 սմ, զանգվածը՝ 0,5—13 կգ, ոտքերը կարճ, հաճախ նման են կզաքիսազգիներին։ Որոշ վիվերներ ունեն հոտավետ արտազատուկ (ցիբետին) արտադրող հատուկ գեղձեր։ Գիշատիչների կարգի ամենամեծ ընտանիքն է (36—37 սեռ, 75, այլ տվյալներով՝ ավելի տեսակ)։ Տարածված են Հարավային Ասիայում, Աֆրիկայում, Հարավ-Արևմտյան Եվրոպայում։ Ցամաքաբնակ են, մի քանիսը՝ նաև ծառաբնակ։ Սնվում են մանր կենդանիներով, երբեմն պտուղներով և ընկույզներով։ Վիվերներ՝ 1.գենետա, 2․ իխնեմոն, 3․ ցիվետա Հիմնական սեռերն են՝ գենետներ (6 տեսակ), վիվերներ (6)․ իխնեմոններ կամ մանգուստներ են։ Բազմաթիվ վիվերներ որսորդության օբյեկտ են, որոշ տեսակներ բուծվում են (ցիբետինն օգտագործվում է օծանելիքի արտադրության ու բժշկության մեջ)։ Բնակավայրերին մոտ ապրող վիվերները օգտակար են․ ոչնչացնում են վնասակար կրծողներին և թունավոր օձերին։ Կլիմայավարժեցվել են Վեստ-Ինդիայում, Հավայան կղզիներում և Ճապոնիայում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 464)։ |
Ծանոթագրություններ խմբագրել
- ↑ (PDF) http://www.translation-centre.am/pdf/Trans_ru/EAEU_Vor/Kollegia/2012_134_am.pdf.
{{cite web}}
: Missing or empty|title=
(օգնություն) - ↑ ««ԱՇԽԱՐՀԱՑՈՅՑ» Է ԴԱՐԻ ԱՆԱՆՈՒՆԻ. ԳԻՏԱ-ՔՆՆԱԿԱՆ ԲՆԱԳԻՐ» (PDF). էջ 175.
- ↑ «Շտեմարա պիտանի գիտելեաց.pdf». Яндекс.Диск (ռուսերեն). Վերցված է 2022 թ․ մայիսի 8-ին.
- ↑ «բեշկ-մշկո բացատրություն, beshk-mshko bacatrutyun, բեշկ-մշկո հոմանիշ, բեշկ-մշկո ռուսերեն թարգմանություն, բեշկ-մշկո հականիշ, բեշկ-մշկո անգլերեն թարգմանություն, բեշկ-մշկո դարձվածքներ». bararanonline.com. Վերցված է 2022 թ․ մայիսի 8-ին.
Վիքիցեղերն ունի նյութեր, որոնք վերաբերում են «Վիվերներ» հոդվածին։ |
Վիքիպահեստն ունի նյութեր, որոնք վերաբերում են «Վիվերներ» հոդվածին։ |