Վեդի քաղաքի գրադարան

Վեդի քաղաքի գրադարան
Երկիր	Հայաստան
Տեսակ	գրադարան
Հիմնվել է	1935, նոյեմբերի 29
Տեղադրություն	Վեդի, Պուշկինի 14-1
Հավաքածուներ
Չափ	57999
Այլ տվյալներ
Տնօրեն	Նինա Հարությունյան

Վեդի քաղաքի գրադարան, գտնվում է Արարատի մարզի Վեդի քաղաքում։ Հիմնադրվել է 1935 թվականի նոյեմբերի 29-ին^[1]։ Գրադարանը կրում է հայ ականավոր բանաստեղծ, գրող, գրականագետ Պարույր Սևակի անունը^[2]։

Պատմություն խմբագրել

Հիմնադրման պահին գրադարանը եղել է խրճիթ ընթերացարան և ունեցել է 300 կտոր ոչ հայերեն գրականություն։ Ետպատերազմյան տարիներին գրադարանը տեղավորված է եղել մեկ սենյակում, ունեցել է երեք պահարան, երեք սեղան և մեկ նստարան։ Գրականությունը կազմել է 821 կտոր, որից 314-ը եղել է ադրբեջաներեն, 293-ը՝ հայերեն, 144-ը՝ ռուսերեն։
1950 թվականին գրադարանն ունեցել է 104 ընթերցող, 972 գրքատածք։
1974 թվականին Արարատի տարածաշրջանի բոլոր գրադարանները միավորվել են, և ստեղծվել է Արարատի գրադարանների կենտրոնացված համակարգ, որի կենտրոնն է դարձել Վեդու կենտրոնական գրադարանը։
1997 թվականի ապրիլից՝ գրադարանների կենտրոնացված համակարգի դադարումից հետո, գրադարանն անցել է Վեդու քաղաքապետարանի ենթակայության ներքո։
Գրքային ֆոնդը 57999 միավոր է, ընթերցողների քանակը՝ 3457, գրքատածքը՝ 56785, հաճախումները՝ 24330։ Գրադարանն ունի ընթերցասրահ, աբոնեմենտի, մանկական բաժիններ։ Գրադարանը հյուրընկալել է Պարույր Սևակին, Հովհաննես Շիրազին, Նաիրի Զարյանին, Սիլվա Կապուտիկյանին, Սերո Խանզադյանին, Սարմենին, Ռազմիկ Դավոյանին, Պերճ Զեյթունցյանին և այլոց։