Բացել գլխավոր ցանկը

Վարդան Հացունի, կամ Հ. Վարդան Վ. Հացունի, ի ծնե՝ Վարդան Սոմունճյան (հուլիսի 10, 1870 Պարտիզակ - հուլիսի 8, 1944), հայ բանասեր, ազգագրագետ։

Վարդան Հացունի
Ծնվել էհուլիսի 10, 1870(1870-07-10)
Պարտիզակ (Կոջաելի), Թուրքիա
Մահացել էհուլիսի 8, 1944(1944-07-08) (73 տարեկանում)
Ազգությունհայ
Մասնագիտությունբանասեր

ԿենսագրությունԽմբագրել

Ծնվել է 1870 թվականին Սեբաստիայի նահանգի Պարտիզակ (այժմ Բահչեջիկ) հայաբնակ ավանում։ Կրթությունն ստացել է Վենետիկի Մխիթարյան միաբանությունում, ապա դարձել նույն միաբանության անդամ։ Մոտ 40 տարի աշխատել է Մխիթարյանների Միլանի, Կոստանդնուպոլսի, Վենետիկի և այլ քաղաքների վարժարաններում՝ որպես ուսուցիչ և տեսուչ։

ՈւսումնասիրություններԽմբագրել

Աշխատությունները հիմնականում վերաբերվում են հայ ժողովրդի հին կենցաղին ու սովորույթներին։

  • Լուսաբանել է Հին Հայաստանում երդման առիթները, վայրերը, եղանակները և այլն, հետազոտել ուտեստեղենը, վերլուծել Հայաստանի տարբեր դասերի օգտագործած ճաշատեսակները (այդ թվում նաև հոգևոր ճաշատեսակները)։
  • Քննության է առել տարբեր եղած հայկական դրոշները (քաղաքացիական և եկեղեցական), ճշտել Արշակունյաց, Բագրատունյաց, Ռուբինյանների, տարբեր իշխանական տների, զինվորական դրոշների ձևերը, գույները, նշանները և այլն։
  • Ուսումնասիրել է Հին Հայաստանում կրթության, դաստիարակության զարգացումը։
  • Հանգամանորեն ուսումնասիրել և վերլուծել է աշխարհիկ և եկեղեցական հանդերձների զարգացումը, որը բաժանվում է 11 շրջանի՝ Ուրարտուից մինչև 17-րդ դար։
  • Անդրադարձել է պատմության մեջ հայ կնոջ խաղացած դերին, լուսաբանել նրա գործունեությունը տարբեր ոլորտներում։

ԵրկերԽմբագրել

  • Ճաշեր եւ խնջոյք հին Հայաստանի մէջ, Վենետիկ 1912։
  • Դաստիարակութիւնը հին հայոց քով, Վենետիկ 1923։
  • Պատմութիւն հին հայ տարազին, Վենետիկ 1923։
  • Կարեւոր խնդիրներ հայ եկեղեցւոյ պատմութենէն, Վենետիկ 1927։
  • Հայ դրօշները պատմութեան մէջ, Վենետիկ 1919, 1930։
  • Երդմունք հին հայոց մէջ, Վենետիկ 1932։
  • Ուղղագրութիւն եւ առոգանութիւն, Վենետիկ 1933։
  • Հայուհին պատմութեան առջեւ, Վենետիկ 1936։
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։