Վարազդատ Համբարձումյան
- Վիքիպեդիայում կան հոդվածներ Համբարձումյան ազգանունով այլ մարդկանց մասին։
Վարազդատ Համբարձումյան (1960, Երևան, Հայկական ԽՍՀ, ԽՍՀՄ), խաչքարագործ վարպետ, ՀՀ ժողովրդական վարպետ։
| Վարազդատ Համբարձումյան | |
|---|---|
 | |
| Ծնվել է | 1960 |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ |
| Ստեղծագործություն(ներ) | «Արարատ-73»-ի 40-ամյակի հուշարձան և Հայոց ցեղասպանության հուշարձան |
| Մասնագիտություն | քանդակագործ |
| Պարգևներ և մրցանակներ | |
Կենսագրություն
խմբագրելՍտեղծագործական գործունեությունը սկսել է 1988 թվականից։
2010 թվականին Առնո Բաբաջանյանի անվան ֆիլհարմոնիկ փոքր դահլիճում տեղի է ունեցել Վարազդատ Համբարձումյանի ստեղծագործությունների անհատական ցուցահանդեսը, որտեղ ներկայացվել են շուրջ 400 ստեղծագործությունների լուսանկարներ, խաչքարերի, քանդակագործության վերաբերյալ տեսաշար և քանդակագործի մասին պատմող ֆիլմ[1]։
2010 թվականի մայիսի 28-ին, Սարդարապատի հերոսամարտի հուշահամալիրում կանգնեցվել է Վարազդատ Համբարձումյանի կերտած խաչքար հուշակոթողը՝ նվիրված Սարդարապատի հերոսամարտի հերոս, գումարտակի հրամանատար Վաղարշակ Շահինյանի հիշատակին։
Վարազդատ Համբարձումյանի խաչքարերը ստեղծվում են խաչքարագործության բազմադարյա, ամուր արմատների հիմքով, զարգանում են ստեղծող վարպետի աշխարհի և տիեզերքի ինքնատիպ ընկալմամբ։
Վարազդատ Համբարձումյանի ստեղծած խաչքարերը գտնվում են ՀՀ և Արցախի տարբեր վայրերում, ԱՄՆ-ում, Իտալիայում, Հոլանդիայում, Կանադայում, Ֆրանսիայում, Ռուսաստանում, Հունաստանում, Շվեյցարիաում, Դանիաում, ԱՄԷ-ում, Թուրքիայի հայկական եկեղեցու պատի մեջ, Ուկրաինայում և այլուր։
Արցախում նահատակվածների հիշատակին նվիրված խաչքարեր ունի Երևանի պոլիտեխնիկական ինստիտուտի բակում, Հայկական պետական մանկավարժական ինստիտուտի դիմաց, Մոնթե Մելքոնյանի անվան ռազմական վարժարանում։ Շուշիի ազատագրմանը նվիրված խաչքարը տեղադրված է Շուշի տանող ճանապարհին։
Պարգևներ
խմբագրել- Մայամիի Սուրբ Դավիթ եկեղեցու բակում տեղադրված Եղեռնի զոհերի հիշատակին նվիրված խաչքարի համար ստացել է «Յուրահատուկ և բարձր վարպետություն» պարգև, 2006
- «Խաղաղարար, համաշխարհային այլանս»-ի կազմակերպած միջազգային ցուցահանդեսին արժանացել է «Տաղանդ և կոչում» շքանշանի, Մոսկվա, 2009
- ՀՀ մշակույթի նախարարության ոսկե մեդալ, 2010
- Պատվոգրեր՝ զոհված ազատամարտիկների հիշատակին կանգնեցված խաչքարերի համար
Պատկերասրահ
խմբագրել-
-
Թուր-խաչքար Խաչիկ գյուղում
_1.jpg)
