Վասիլի Շտերնբերգ
Վասիլի Իվանովիչ Շտերնբերգ (ռուս.՝ Васи́лий Ива́нович Ште́рнберг, փետրվարի 12, 1818, Սանկտ Պետերբուրգ, Ռուսական կայսրություն - սեպտեմբերի 8, 1845, Հռոմ, Պապական մարզ), գեղանկարիչ, ժանրիստ և բնանկարիչ[1]։
Վասիլի Շտերնբերգ | |
|---|---|
 | |
| Ծնվել է | փետրվարի 12, 1818 |
| Ծննդավայր | Սանկտ Պետերբուրգ, Ռուսական կայսրություն |
| Վախճանվել է | սեպտեմբերի 8, 1845 (27 տարեկան) |
| Մահվան վայր | Հռոմ, Պապական մարզ |
| Քաղաքացիություն |  Ռուսական կայսրություն |
| Կրթություն | Սանկտ Պետերբուրգի գեղարվեստի ակադեմիա |
| Մասնագիտություն | նկարիչ, բնանկարիչ և genre painter |
| Ժանր | բնանկար |
| Թեմաներ | գեղանկարչություն |
| Ուսուցիչ | Բոգդան Վիլևալդե |
 Vasiliy Sternberg Վիքիպահեստում | |
Կենսագրություն խմբագրել
Ծնվել է 1818 թվականի փետրվարի 12-ին, Սանկտ Պետերբուրգում, պաշտոնյայի ընտանիքում։ Նախ ազատ ունկնդիր է եղել Սանկտ Պետերբուրգի գեղարվեստի ակադեմիայում, իսկ արդեն 1835 թվականին պաշտոնապես դարձել է ակադեմիայի անդամ։ Նրա գեղանկարչության ուսուցիչը եղել է Մաքսիմ Վորոբյովը։ Բացի բնանկարներից, Շտերնբերգը զբաղվել է նաև կենցաղային գեղանկարչությամբ, հենց ակադեմիայում հաստատվելու օրերից նա նկարել է ծաղրանկարներ, որոնց շնորհիվ մեծ ուշադրության է արժանացել իր ուսուցիչների և ընկերների կողմից ակադեմիայում։ Ամառային արձակուրդները նա անց է կացրել Կաչանովկայում, իր մեկենաս Գ. Ս. Տարնովսկու կալվածքում։ Այդ ճանապարհորդությունների արդյունքում նա նկարել է կտավներ` նկարված ջրաներկով և մատիտով։ Այդպիսի նկարների թվում է 1837 թվականին ջրանկարած «Տոնավաճառ Իչնե քաղաքում» կտավը, որի համար ակադեմիայում Շտերնբերգին շնորհվել է փոքրիկ ոսկե մեդալ, նկարը ձեռք է բերել Նիկոլայ I թագավորը իր կնոջ ալբոմի համար։ 1837 թվականին «Զատկի նվիրաբերություն Փոքրիկ Ռուսաստանում» նկարի համար նա արժանացավ մեծ ոսկե մեդալի և XIV դասարանի ուսուցչի կոչմանը։ 1840 թվականին նա Կոմս Պեռովսկու փորձագիտական խմբի հետ ճանապարհորդել է Օրենբուրգից մինչև Խիվա, այնուհետև ուղարկվել է Իտալիա, որպես ակադեմիայի թոշակառու։ Բնակություն հաստատելով Հռոմում, նա ջանասիրաբար շարունակում է աշխատել։ Շտերնբերգը մահացել է 1845 թվականի սեպտեմբերի 8-ին` ապրելով ընդամենը 27 տարի։
Աշխատանքներ խմբագրել
- «Տոնավաճառ Իչնե քաղաքում»
- «Զատկի նվիրաբերություն Փոքրիկ Ռուսաստանում» (1838)
- «Կողպեքներով խաղ Գ. Ս. Տանովսկու հողատարածքում»
- «Գ. Ս. Տանովսկու հողատարածքը Կաչանովկայում» (1837)
- «Հողմաղացը տափաստանում»
- «Հովիվը» (1836-38)
- «Պանդոկ Փոքրիկ Ռուսաստանում» (1837)
- «Կիևի մոտ գտնվող Վլադովսկու վանքը»
- «Անցնելով Դնեպրով` Կիևի մոտով» (1837),
- «Տեսարանը Կիևում»
- «Տեսարան Պոդոլից Կիևում» (1837)
- «Իտալուհիները լճակի մոտ»
- «Սովորական իտալացին» (այս երկու կտավներն էլ գտնվում են գեղարվեստական ակադեմիայի թանգարանում)
- «Թղթախաղ խաղացող իտալացի գյուղացիներ»
- «Երիտասարդ իտալացու գլխի էտյուդ»
- «Ծեր իտալացու գլխի էտյուդ»
- «Նեմի լիճը»
- «Ալբանոի հարևանությամբ»
- «Տերևների էտյուդ»
Ծանոթագրություններ խմբագրել
- ↑ «Штернберг, Василий Иванович». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.
{{cite book}}: CS1 սպաս․ location missing publisher (link)
 | Վիքիպահեստն ունի նյութեր, որոնք վերաբերում են «Վասիլի Շտերնբերգ» հոդվածին։ |