«Ոսկե Դպրոց», հայկական կատակերգական բազմասերիանոց սիթքոմ, որի պրեմիերան տեղի է ունեցել 2017 թվականի հոկտեմբերի 17-ին,և ավարտվել է 2018 թվականի դեկտեմբերի 31-ին։

Picto infobox cinema.png
Ոսկե դպրոց
Ոսկե դպրոց.jpg
Ժանրկատակերգություն
ԵրկիրFlag of Armenia.svg Հայաստան
Լեզուհայերեն, ռուսերեն
ՊրոդյուսերՎաչե Թովմասյան
Եթերաշրջանների քանակ3
Սերիաների քանակ72
ՀեռուստաալիքԱրմենիա TV

սիթքոմը հեարձակվել է «Արմենիա» և «Արմենիա Պրեմիում» հեռուստաալիքներով[1]։

ՍյուժեԽմբագրել

Սիթքոմը պատմում է Ռոբի մասին, ով գողանում է մեծ քանակությամբ ոսկի, երբ ոստիկանները ընկնում են նրա հետևից և նա այդ ոսկով լի պայուսակը թաքցնում է կիսակառույց շինությունում։ Քանի որ ոստիկանները այդպես էլ չեն գտնում այդ պայուսակը, Ռոբին ազատազրկում են 5 տարով։

Երբ Ռոբը դուրս է գալիս բանտից, նրան դիմավորում է իր մանկության ընկերը՝ Անդոն։ Եվ նրանք գնում են այն վայրը, որտեղ Ռոբը թաքցրել էր պայուսակը, սակայն երբ հասնում են այդտեղ, տեսնում են, որ կիսակառույց շենքի փոխարեն դպրոց է։ Եվ դպրոցի պահակից իմանում են, որ դպրոցը կառուցվել է 4 տարի առաջ։ Մնում է մի ելք. ոսկիները գտնելու համար պետք էր մտնել դպրոց, սակայն դա անհնար էր, քանի որ դպրոցի պահակը շատ խիստ էր։

Եվ Ռոբը որոշում է մտնել դպրոց, որպես հայոց պատմության ուսուցիչ։

Ռոբը հայտնվում է 11-րդ բ դասարանում, որը դպրոցի ամենաչար դասարանն էր և նա դասարանում հայտնվում է շատ ծիծաղելի իրավիճակում։

Դպրոցի փոխտնօրենը Կարախանյանն էր, որը շատ խիստ էր և հնարավորին չափ հետևում էր Ռոբի քայլերին։ Հայոց լեզվի ուսուցչուհին՝ Էլյան, սիրահարվում է Ռոբին և սկսում է սիրահետել նրան, սակայն Ռոբն էլ իր հերթին սիրահարվում է Լուսինեին, որն անգլերենի ուսուցչուհի էր։

Լուսինեի քույրը Անին էր, ով 11-րդ բ-ի աշակերտուհի էր և սիրում էր իր դասընկեր՝ Դավիթին։ Դավիթն իր հերթին սիրում և ընկերություն էր անում Մաշայի հետ, Վիկան և Բգոն նույնպես ընկերություն էին անում։ Մաքսը սիրում էր՝ Անին, և ամեն ինչ անում էր, որպեսզի լավ տպավորություն թողներ Անիի վրա։

Այս ամբողջ ընթացքում Ռոբը փորձում է ամեն ինչ անել, որպեսզի նկուղից գտնի և դուրս բերի ոսկով լի պայուսակը։

ԴերերումԽմբագրել

Դերակատար Կերպար Եթերաշրջան Նկարագրություն
Վաչե Թովմասյան Ռոբերտ Թովմասյան 1-3 Սերիալի գլխավոր հերոսը։ Գողանում է մեծ քանակությամբ ոսկիներ, այդ պատճառով ազատազրկվում 5 տարով։ Այնուհետև ընդունվում է աշխատանքի որպես հայոց պատմության ուսուցիչ, որպեսզի գտնի ոսկիները։ Առաջին հայացքից սիրահարվում է անգլերենի ուսուցիչ Լուսինե Եսայանին։
Սերգեյ Սարգսյան Սիրակ Մնացականյան 1-3 Հանրահաշվի, երկրաչափության և ֆիզիկայի ուսուցիչը։ Բավականին ռոմանտիկ է։ Սիրում է տոնակատարություններ, օրինակ ՝ Հելլոուին։ Վախենում է Կարախանյանից։ Երկրորդ եթերաշրջանի վերջում ամուսնանում է Էլյայի հետ։ Սիթքոմի վերջում պարզվում է, որ ոսկիները պատկանում են իրեն։ Նա վերցնում է դրանք, բաժանվում Էլյայից և լքում դպրոցը։
Աննա Գրիգորյան Լուսինե Եսայան 1-3 Անգլերենի ուսուցչուհին, Անիի մեծ քույրը և Արմենի, այնուհետև Ռոբի ընկերուհին։ Շատ հաճախ է կռվում Անիի հետ։ Ըստ իր խոսքերի, նրանց մայրը լքել էր իրենց, երբ նա 14 տարեկան էր, իսկ Անին ՝ 2: Շատ բարի է ու վստահելի։
Ալլա Վարդանյան Սիլվա Անդրանիկովնա Հակոբյան 1-3 Դպրոցի տնօրենը։ Նրա ամուսինը հարուստ պատգամավոր է։ Սիրում է դպրոցի դասերից դուրս միջոցառումներ, օրինակ ՝ նկարչության ցուցահանդես։ Նա միակ մարդն է, ում Կարախանյանը չի համարձակվում հակաճառել։ Խոսում է հայերեն և ռուսերեն միաժամանակ։ Կարող է ահռելի ժամանակ վատնել անմիտ բաների համար, օրինակ ՝ դպրոցի հիմնը գրելու։
Լալա Մնացականյան Կարինե Կարախանյան 1-3 Դպրոցի փոխտնօրենը։ Շատ խիստ է, ժլատ և փառասեր։ Նրան ոչ միշտ է դուր գալիս Սիլվա Անդրանիկովնայի որոշումները։
Վահե Պետրոսյան Անդրանիկ (Անդո) 1-3 Ռոբի մանկության ընկերը։ Աշխատում և ապրում է ավտոտեխսպասարկման խանութում։
Գևորգ Դոդոզյան Ժոռա 1-3 Դպրոցի պահակը։ Նա շատ է օգտագործում “Давай, до свидания!" արտահայտությունը։ Անընդհատ դիտում է սերիալներ։
Աշոտ Մելոյան Մենուա Տրդատյան 1-3 Աշխարհագրության ուսուցիչը։ Իրականում նա աշխատում է գաղտնի գործակալ և տեղյակ էր Ռոբի պլանների մասին։
Լիանա Հակոբյան Էլյա Անանյան 1-3 Հայոց լեզվի և գրականության ուսուցիչ։ Տիրապետում է ֆրանսերենին։ Առաջին հայացքից սիրահարվում է Ռոբին։ Առաջին եթերաշրջանի վերջում նա իմանում է Ռոբի իսկության մասին և սպառնում է, որ ամեն ինչ կպատմի Կարախանյանին, եթե չդառնա իր ընկերուհին։ Երկրորդ եթերաշրջանի վերջում ամուսնանում է Սիրակի հետ, չնայած վերջին եթերաշրջանի վերջում, նրանք բաժանվում են, քանի որ Սիրակը հեռանում է ոսկիների հետ միասին։
Գևորգ Բարսամյան Արմեն Բարսամյան 1-3 Լուսինեի ընկերը։ Նրան ոչ մի ժամանակ չի հատկացնում և շփվում է ուրիշ աղջիկների հետ։ Ընդունվում է աշխատանքի որպես երաժշտության ուսուցիչ, որպեսզի հաշտվի Լուսինեի հետ, սակայն Ռոբի շնորհիվ, դա նրան չի հաջողվում։
Սոնա Դանիելյան Արշալույս 1-3 Ֆիզկուլտուրայի ուսուցչուհին։ Դպրոցում ամենաշատը մոտիկ է Սիրակի հետ։
Գոշ Հակոբյան Դավիթ Միքայելյան 1-3 11բ դասարանի ամենահամակրելի տղան, Բգոյի ընկերը։ Անին սիրահարված է նրան։ Սակայն առաջին եթերաշրջանում նա հանդիպում է Մաշայի հետ, բայց հոգնելով նրա քմահաճություններից, բաժանվում է նրանից նույն եթերաշրջանի վերջում և սեր է խոստովանում Անիին ու սկսում նրա հետ հանդիպել։ Երկրորդ եթերաշրջանի վերջում, նրանք բաժանվում են, քանի որ Մաշան սուտ լուրեր է տարածում Անիին, իբր Դավիթն իրեն սիրահետում է։ Բայց նույն եթերաշրջանի վերջում, նրանք հաշտվում են և սկսում նորից հանդիպել։ Դավիթը շատ է սիրում երգել և երազում է դառնալ հայտնի երգիչ։
Հայկ Մուրադյան Բագրատ (Բգո) Աբգարյան 1-3 11բ դասարանի գլխավորն ու առաջնորդը, Դավիթի ընկերը։ Հարուստ օլիգարխի տղա։ Նա դեմ էր Դավիթի և Անիի հարաբերություններին, սակայն երրորդ եթերաշրջանում, նա հասկանում է, որ Դավիթը իր միակ և հավատարիմ ընկերն է։ Սիթքոմի ամբողջ ընթացքում, նա և Վիկան միշտ հաշտ են և իրար հասկանում են։
Վահե Բեգլարյան Մաքս Արիստակեսյան 1-3 11բ դասարանի ամենաանինքնավստահ աշակերտը, Արամի ընկերը։ Սիրահարված է Անիին։ Ցանկանում է դառնալ հայտնի դերասան։ Երբեմն օգտագործում է «Հմմ, պետք էր որ» արտահայտությունը։
Մհեր Մխիթարյան Պարույր (Պրո) Քոչարյան 1-3 11բ դասարանի ամենածիծաղելի աշակերտը։ Սիրում է բոլորին սեփականաշնորհել, օրինակ ՝ Մաշս, Բգս, Վիկս և այլն։ Չնայած իր միամտությանը, նա բավականին ճարպիկ է, բայց երբեմն անփույթ։
Արմեն Բալաբանյան Արամ (Արամիկ) Ժամկոչյան 1-3 11բ դասարանի ամենախելացի աշակերտը։ Նա միշտ սովորում է ավելի շատ քան հանձնարարված է, երբեք ոչ մի մաթեմատիկական վարժություն սխալ չի ասում և, ի տարբերություն Մաքսի, նա բավականին ինքնավստահ է։
Եվա Զոհրաբյան Անի Եսայան 1-3 11բ դասարանի ամենահամեստ աղջիկը։ Սիրահարված է Դավիթին։ Երկրորդ եթերաշրջանի վերջում, նրանք բաժանվում են, քանի որ Մաշան սուտ լուրեր է տարածում Անիին, իբր Դավիթն իրեն սիրահետում է։ Բայց երրորդ եթերաշրջանի վերջում, նրանք հաշտվում են և սկսում նորից հանդիպել։
Իլոնա Նուրբեկյան Վիկտորյա (Վիկա) Միրզոյան 1-3 11բ դասարանի ամենահիմար աղջիկը, Բգոյի ընկերուհին և Մաշայի ամենամոտիկ ընկերուհին։ Ինստագրամում ակտիվ կյանք է վարում։
Էրմինա Զախարովա Մաշա Սահակյան 1-3 11բ դասարանի ամենաչար աղջիկը, Դավիթի ընկերուհին և Վիկայի ամենամոտիկ ընկերուհին։ Անընդհատ նեղացնում, վիրավորում և ստորացնում է Անիին, քանի որ գիտի իր զգացմունքների մասին Դավիթի նկատմամբ։ Քմահաճ է, թերագնահատող և նախանձ։ Սակայն ամենավերջին սերիայում, նա հասկանում է իր բոլոր սխալները և ներողություն է խնդրում։

ԾանոթագրություններԽմբագրել

  1. «Watch the "Golden School" at "Armenia Premium" on Tuesday and Thursday, at 21:00.»։ Armenia TV։ Արխիվացված է օրիգինալից 2017-12-01-ին։ Վերցված է 2017-11-22