Վահան Խորենյան

Վահան Սուրենի Խորենյան (հուլիսի 22, 1928(1928-07-22), Թիֆլիս, ԱԽՖՍՀ, ԽՍՀՄ - հունիսի 23, 2004(2004-06-23), Աշտարակ, Հայաստան), հայ նկարիչ։

Վահան Խորենյան
Ի ծնե	Վահան Սուրենի Խորենյան
Ծնվել է	1928, հուլիսի 22
Ծննդավայր	Թիֆլիս
Վախճանվել է	2004, հունիսի 23
Մահվան վայր	Աշտարակ
Ազգություն	հայ
Կրթություն	Երևանի պետական գեղարվեստաթատերական ինստիտուտ
Մասնագիտություն	նկարիչ
Զավակներ	Սուրեն Խորենյան

Նկարիչ Սուրեն Խորենյանի հայրն է։

Կենսագրություն

• 1944-1948 թվականներին սովորել է Թիֆլիսի նկարչական ուսումնարանում
• 1948-1949 թվականներին՝ Լենինգրադի գեղարվեստի ակադեմիայում
• 1954 թվականին ավարտել է Երևանի գեղարվեստա-թատերական ինստիտուտը

Ստեղծագործություններ

Ստեղծել է դասական գեղանկարչության ավանդույթներն ու ժամանակի թարմ արտահայտչաձևերը միավորող մեծածավալ և բազմաֆիգուր կոմպոզիցիաներ («Կարմիր առավոտ», 1954, Հայաստանի ազգային պատկերասրահ, հայ պատմիչների, կրոնական և մշակութային գործիչների շարք, 1996, Նյու Յորքի Սուրբ Վարդան եկեղեցում, «Վարդանանք», 2002 և այլն)։

Դիմանկարներ՝

• «Անահիտ», 1973 թ.

Բնանկարներ՝

• «Աշտարակ։ Շաղվերտի ուռենիները», 1982 թ.
• «Գարուն», 1963 թ., ՀԱՊ

Մրցանակներ

Մոսկվայի միջազգային երիտասարդական (1957), Ավստրիայի 7-րդ երիտասարդական (1959, արծաթե մեդալ) փառատոների դափնեկիր է։