Սևակ Ամրոյան (հուլիսի 10, 1990(1990-07-10), Երևան, Հայկական ԽՍՀ, ԽՍՀՄ), հայ երգիչ, որն իր գործունեությունը ծավալում է ժողովրդական երգի ասպարեզում։ «Ժողովրդական երգիչ» նախագծի առաջին եթերաշրջանի հաղթողն է[1]։

Սևակ Ամրոյան
Ամրոյանը 2020 թվականին
Հիմնական տվյալներ
Ծնվել էհուլիսի 10, 1990(1990-07-10) (33 տարեկան)
Երևան, Հայկական ԽՍՀ, ԽՍՀՄ
Երկիր Հայաստան
Մասնագիտություներգիչ
Գործիքներվոկալ
ԿրթությունԵրևանի Կոմիտասի անվան պետական կոնսերվատորիա (2015)

Կենսագրություն խմբագրել

Սևակ Ամրոյանը ծնվել է Երևանում։ 2007 թվականին ավարտել է Կոտայքի մարզի Պռոշյան ավանի միջնակարգ դպրոցը։ Դպրոցի հետ համատեղել է ուսումը Երևանի Ջիվանու անվան աշուղական դպրոցում։ 2008-2012 թվականներին սովորել է Երևանի Կոմիտասի անվան պետական կոնսերվատորիայի ժողովրդական երգեցողության բաժնում, իսկ 2013-2015 թվականներին՝ նույն բաժնի մագիստրատուրայում։

2007 թվականին մասնակցել է «Շանթ» հեռուստաընկերության «Ժողովրդական երգիչ 1» նախագծին և հաղթել[1]։

2014 թվականին Մհերի հետ թողարկել է Արա Գևորգյանի «Ադանա» երգը և տեսահոլովակը՝ նվիրված Հայոց ցեղասպանության զոհերի հիշատակին[2]։ Համերգային շրջագայություններով եղել է բազմաթիվ երկրներում, այդ թվում՝ Ռուսաստանում, ԱՄՆ-ում, Անգլիայում, Կիպրոսում, Արաբական Միացյալ Էմիրություններում, Իրանում, Արգենտինայում, Ուրուգվայում, Բրազիլիայում և այլն։

Զուգերգերով ներկայացել է հայ երգարվեստի շատ ներկայացուցիչների հետ։

Նկարահանել է մի շարք տեսահոլովակներ, իսկ 2016 թվականին թողարկել է «Էլ ետդարձ չկա» առաջին ձայնասկավառակը[3][4]։

Սկավառակագրություն խմբագրել

  • Էլ ետդարձ չկա (2016)
  • Եարխուշտա (2020)
  • Սարվոր ախպեր (2022)

Ծանոթագրություններ խմբագրել

  1. 1,0 1,1 «Ժողովրդական երգիչ 1» նախագծի հաղթող է ճանաչվել ՍԵՎԱԿ ԱՄՐՈՅԱՆԸ
  2. «Պրեմիերա. Մհեր և Սևակ Ամրոյան «Ադանա»». hraparak.am. Վերցված է 2016 թ․ հունիսի 3-ին.
  3. Սևակ Ամրոյանը՝ AV production կայքում(չաշխատող հղում)
  4. «Սևակ Ամրոյանի ձայնասկավառակի շնորհանդեսը և տեսահոլովակի պրեմիերան». asekose.am. Վերցված է 2016 թ․ հունիսի 3-ին.
  Արտաքին տեսաֆայլեր
  Սևակ Ամրոյանի Յություբյան պաշտոնական ալիքը