Լադիսլավ Կունա
Լադիսլավ Կունա (սլովակ.՝ Ladislav Kuna, ապրիլի 3, 1947[1][2] կամ մարտի 4, 1947, Hlohovec, Տրնավայի երկրամաս, Սլովակիա - փետրվարի 1, 2012[3], Բրատիսլավա, Սլովակիա), չեխոսլովակ ֆուտբոլիստ, որը խաղացել է կիսապաշտպանի դիրքում։ Ֆուտբոլային կարիերան ավարտելուց հետո աշխատել է որպես ֆուտբոլային մարզիչ։
Քաղաքացիությունը | Չեխոսլովակիա | ||
---|---|---|---|
Ծննդյան ամսաթիվ | ապրիլի 3, 1947[1][2] կամ մարտի 4, 1947 | ||
Ծննդավայր | Hlohovec, Տրնավայի երկրամաս, Սլովակիա | ||
Մահվան ամսաթիվ | փետրվարի 1, 2012[3] (64 տարեկան) | ||
Մահվան վայր | Բրատիսլավա, Սլովակիա | ||
Դիրք | կիսապաշտպան | ||
| |||
| |||
| |||
| |||
|
Խաղացել է «Սպարտակ» (Տրնավա) ակումբում, որի հետ դարձել է Չեխոսլովակիայի հնգակի չեմպիոն, և Չեխոսլովակիայի ազգային հավաքականում, որի կազմում եղել է 1970 թվականի աշխարհի առաջնության մասնակից։
Չեխոսլովակիայի տարվա ֆուտբոլիստ (1969)[4]։
Ակումբային կարիերա
Մեծահասակների ֆուտբոլում իր նորամուտը նշել է 1964 թվականին՝ հանդես գալով «Սպարտակ» (Տրնավա) ակումբի կազմում, որտեղ անցկացրել է տասնվեց մրցաշրջան՝ մասնակցելով առաջնության 424 խաղի։ Տրնավայի «Սպարտակի» կազմում անցկացրած ժամանակի մեծ մասը եղել է թիմի հիմնական խաղացող․ ակումբը Լադիսլավի հետ նվաճել է հինգ չեմպիոնական տիտղոս (1968, 1969, 1971, 1972, 1973) և երեք անգամ նվաճել է Չեխոսլովակիայի գավաթը (1967, 1971, 1975):
Բացի այդ, Կունան ակումբի կազմում մասնակցել է ՈՒԵՖԱ Չեմպիոնների Լիգայի 20 հանդիպման և դարձել 5 գոլի հեղինակ՝ թիմի հետ հասնելով մինչև մրցաշարի կիսաեզրափակիչ (1969) և երկու անգամ մինչև մրցաշարի քառորդ եզրափակիչ փուլ (1973, 1974): Ակումբի կազմում անցկացրել է 6 խաղ (1 գոլ) Գավաթակիրների գավաթում և 5 խաղ (1 գոլ) ՈՒԵՖԱ Եվրոպայի Լիգայում և 1967 թվականին դարձել է Միտրոպի գավաթի գավաթակիր։
Չեխոսլովակիայի առաջին (բարձրագույն) լիգայում Կունան անցկացրել է 424 հանդիպում և խփել 86 գոլ՝ դառնալով ազգային առաջնության ռեկորդակիր իր ողջ պատմության ընթացքում անցկացրած հանդիպումների քանակով[5], սակայն ավելի ուշ նրա ցուցանիշը գերազանցել է Պրշեմիսլ Բիչևսկին (434 խաղ)։
1980 թվականին Լադիսլավը տեղափոխվել է ավստրիական «Ադմիրա-Վակկեր» ակումբ, որի կազմում խաղացել է 3 մրցաշրջան։ «Ադմիրա-Վակերի» կազմում ևս մեծամասամբ խաղադաշտ է դուրս եկել թիմի հիմնական կազմում։
Իր մասնագիտական կարիերան ավարտել է 1983 թվականին։ Դրանից հետո խաղացել է Ավստրիայի ցածր լիգաների սիրողական թիմերում։
Ելույթներ ազգային հավաքականում
1966 թվականի մայիսի 18-ին Չեխոսլովակիայի ազգային հավաքականի կազմում նորամուտը նշել է ԽՍՀՄ ֆուտբոլի ազգային հավաքականի դեմ պաշտոնական ընկերական խաղում (1:2)՝ դուրս գալով փոխարինման[6]։
Հավաքականի կազմում եղել է 1970 թվականին Մեքսիկայում կայացած աշխարհի առաջնության մասնակից[7], որտեղ մասնակցել է մրցաշարի բոլոր երեք հանդիպումներին, սակայն նրա թիմը չի հաղթահարել խմբային փուլը։ Մասնակցել է նաև Բրազիլիայի անկախության գավաթին, որտեղ երկու խաղ է անցկացրել։
Ընդհանուր առմամբ, 9 տարի տևած կարիերայի ընթացքում ազգային թիմում անցկացրել է 47 հանդիպում՝ խփելով 9 գոլ[8]։
Մարզչի կարիերա
1984/85 մրցաշրջանում Կունան եղել է ավստրիական «Սանկտ Պելտեն» ակումբի գլխավոր մարզիչ Անտոն Մալատինսկու օգնականը։ 1985 թվականին Չեխոսլովակիա վերադառնալուց հետո աշխատել է նաև որպես մարզչի օգնական «Սպարտակում» (Տրնավա), իսկ 1988-1990 թվականներին եղել է այնտեղ գլխավոր մարզիչ։
1990-ականների սկզբին Կունան վերադարձել է Ավստրիա և մարզել է «Մեդլինգ» ակումբը1991/92 մրցաշրջանում և «Վիներ-Նոյշտադտ» ակումբը՝ հաջորդ 1992/93 մրցաշրջանում:
1995-1996 թվականներին Լադիսլավը եղել է Սլովակիայի «Տրենչին» ակումբի գլխավոր մարզիչը, այնուհետև աշխատել է «Պիեշտիանի» ակումբի հետ, իսկ 1999-2001 թվականներին մարզել է «ԴԱԿ 1904» ակումբը։
Հետագայում գլխավորել է «Ժելեզիարնե» և «Ֆոմատ Մարտին» ակումբները[9]։
Մահացել է 2012 թվականի փետրվարի 1-ին Բրատիսլավայում կյանքի 65-րդ տարում[10]։
Կոչումներ և նվաճումներ
- «Սպարտակ» (Տրնավա)
- Չեխոսլովակիայի չեմպիոն(5)՝ 1967/68, 1968/69, 1970/71, 1971/72, 1972/73
- Չեխոսլովակիայի գավաթի գավաթակիր (2)՝ «Սպարտակ» (Տրնովո)՝ 1966/67, 1970/71, 1974/75
- Միտրոպի գավաթի գավաթակիր՝ 1966/67
Ծանոթագրություններ
- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ 3,0 3,1 3,2 Zomrela futbalová legenda Ladislav Kuna
- ↑ «FOTBAL.CZ - historie ankety Fotbalista roku». nv.fotbal.cz. Արխիվացված է օրիգինալից 2018-10-03-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Kniha Futbalový atlas sveta - Trh knih - můj antikvariát online». www.trhknih.cz (չեխերեն). Արխիվացված է օրիգինալից 2022-01-05-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Czechoslovakia vs Soviet Union, 18 May 1966». eu-football.info (անգլերեն). Արխիվացված է օրիգինալից 2022-01-05-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Planet World Cup - 1970 - Squads - Czechoslovakia». www.planetworldcup.com. Արխիվացված է օրիգինալից 2020-08-12-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Ladislav Kuna - International Appearances». www.rsssf.com. Արխիվացված է օրիգինալից 2020-12-02-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ SPORT SK, s r o & Ringier Axel Springer Media s.r.o. «Zomrel kráľ futbalovej Trnavy Ladislav Kuna». Šport.sk (սլովակերեն). Արխիվացված է օրիգինալից 2022-01-05-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ UEFA.com (2012-02-01). «Czechosklovakia's Kuna passes away at 64 | Inside UEFA». UEFA.com (անգլերեն). Արխիվացված է օրիգինալից 2022-01-05-ին. Վերցված է 2022-01-05-ին.
{{cite web}}
: Unknown parameter|deadlink=
ignored (|url-status=
suggested) (օգնություն)
Վիքիպահեստն ունի նյութեր, որոնք վերաբերում են «Լադիսլավ Կունա» հոդվածին։ |