Քևինի հետ ինչ-որ բան այն չէ (ֆիլմ)
«Քևինի հետ ինչ-որ բան այն չէ» (անգլ.՝ We Need to Talk About Kevin, բառացի՝ «Մենք պետք է խոսենք Քևինի մասին»), ռեժիսոր Լին Ռեմսիի դրաման, որն էկրանին է բարձրացել 2011 թվականին։ Լայոնել Շրայվերի՝ 2003 թվականին լույս տեսած համանուն վեպի էկրանավորումն է։
 անգլ.՝ We Need to Talk About Kevin | |
|---|---|
.jpg) | |
| Երկիր | .svg){kind=small} Միացյալ Թագավորություն ԱՄՆ |
| Ժանր | թրիլեր[1][2][3], դրամա[3][1][2], ռոմանտիկ ֆիլմ և վեպի էկրանավորում |
| Թեմա | amok? և ծնող-երեխա հարաբերություններ |
| Հիմք | Քևինի հետ ինչ-որ բան այն չէ |
| Թվական | 2011, մայիսի 12, 2011 և օգոստոսի 16, 2012[4] |
| Լեզու | անգլերեն |
| Ռեժիսոր | Lynne Ramsay?[1][5] |
| Պրոդյուսեր | Jennifer Fox? |
| Սցենարի հեղինակ | Lynne Ramsay? |
| Դերակատարներ | Թիլդա Սուինթոն[6], Ջոն Ք. Ռայլի[6], Էզրա Միլեր[6], Jasper Newell?[6], Շիվոն Ֆելլոն[6], Ալեքս Մանեթ[6], Leslie Lyles?[6] և Maryann Urbano?[6] |
| Օպերատոր | Շեյմաս ՄակԳարվի |
| Երաժշտություն | Ջոննի Գրինվուդ |
| Մոնտաժ | Ջո Բինի |
| Պատմվածքի վայր | Կոնեկտիկուտ |
| Նկարահանման վայր | Կոնեկտիկուտ և Նյու Յորք |
| Կինոընկերություն | BBC Films |
| Տևողություն | 112 րոպե |
| Բյուջե | 7 000 000 $ |
| Շահույթ | 10 000 000 $ |
| Պաշտոնական կայքէջ | |
Համաշխարհային կինոքննադատների մեծ մասը ֆիլմը դրական է ընդունել, իսկ Կաննի կինոփառատոնում 10 րոպե հոտնկայս ծափահարությունների է արժանացել։ Գլխավոր դերակատար Թիլդա Սուինթոնն այս դերի համար պարգևատրվել է «Ոսկե գլոբուս» և «BAFTA» մրցանակներով, բայց, հակառակ վերլուծաբանների կանխատեսումների, չի ընդգրկվել «Օսկարի» հավակնորդների վերջնական ցուցակում։
Սյուժե խմբագրել
Ռեմսիի հաղթանակն ապահովված է դերասանների ցնցող խաղով։ Սակայն այս ֆիլմը դիտելը շատ դժվար է։ Մենք երաշխավորում ենք, որ այն երկար ժամանակ կզրկի Ձեզ հանգստությունից և, ամենայն հավանականությամբ, կստիպի վերանայել ձեր հայացքներն այն մասին, թե ինչպիսին պետք է լինեն ծնողները։
Եվա Խաչատրյանը (Թիլդա Սուինթոն), որը ժամանակին ճամփորդական ակնարկի ժանրում հաջող գրող էր, փորձում է ուշքի գալ և ապրել նախկին կյանքով այն սարսափելի հանցագործությունից հետո, որը կատարել է նրա 15-ամյա որդին՝ Քևինը (Էզրա Միլեր)։ Եվան աշխատում է բանտից (որտեղ նստած էր որդին) ոչ հեռու գտնվող տուրիստական փոքր գործակալությունում։ Տանը նա փորձում է հիշել, թե ինչ է բաց թողել անկարգ որդու մեծանալու ժամանակ և պատասխանել այն հարցին, թե ինչն է ստիպել նրան նման բան անել։ Նրա հիշողությունները ցուցադրվում են ֆլեշբեքների օգնությամբ։
Քևինը մանուկ հասակից չի մեծացել այնպես, ինչպես մյուս երեխաները։ Լինելով մանկիկ՝ նա անդադար լալիս էր, 3 տարեկանում գրեթե չէր խոսում և հրաժարվում էր կատարել մոր խնդրանքները։ Երբ Եվան փորձում է խոսել իր ամուսնու՝ Ֆրանկլինի (Ջոն Ռայլի) հետ տղայի վարքագծի մասին, նա հրաժարվում է և արդարացում գտնում նրա արարքների համար։ Մի քանի տարի անց ամուսիններն ունենում են դուստր, որին կոչեցին Սելիա (Էշլի Հերասիմովիչ)։ Կրտսեր քույրը մեծանում է և զարգանում որպես իր տարիքի նորմալ երեխա, որը կտրուկ հակադրվում է Քևինի վարքագծին և զարգացմանը։
Անցումային տարիքում Քևինը, ի վերջո, գտնում է կյանքի՝ գրեթե միակ կախարդանքը՝ աղեղնաձգությունը։ Ռոբին Հուդի մասին վեպերը դառնում են նրա սեղանի գրքերը։ Ֆրենկլինը որդուն սովորեցնում է հրաձգության արվեստը և հերթական Սուրբ Ծննդին նվիրում իսկական սպորտային աղեղ՝ մետաղական սլաքներով։ 16-ամյակից երեք օր առաջ Քևինը աղեղով սպանում է իր հորը և քրոջը և գնում իր դպրոց, որտեղ սպորտային դահլիճում աշակերտների և ուսուցիչների նկատմամբ արյունալի հաշվեհարդար է կատարում, որի հասանելիությունը նա նախապես փակում է նախօրոք գնված կողպեքներով։ Տագնապած մայրը տեղեկանում է դպրոցում տեղի ունեցած միջադեպի մասին։ Եվան ճանաչում է դպրոցի դռան կողպեքը, և հետևողները հասկանում է, որ Քևինը նախապես ծրագրել է իր հանցագործությունը։ Կողպեքը կտրում են, և դռան մոտ հայտնվում է Քևինը, որին անմիջապես ձերբակալում են և տանում ոստիկանական մեքենա։ Մեքենայից Քևինը նայում է մորը։
Ֆիլմի վերջում Եվան այցելում է բանտ՝ որդու մոտ, որտեղ նրան ընդամենը մեկ հարց է տալիս. «Ինչո՞ւ», ինչին նա պատասխանում է, որ ժամանակին գիտեր, թե ինչու, բայց հիմա արդեն վստահ չէ։ Եվան գրկախառնվում է նրան և հեռանում։
Դերերում խմբագրել
- Թիլդա Սուինթոն՝ Եվա Խաչատրյան
- Ջոն Ռայլի՝ Ֆրենկլին
- Էզրա Միլեր՝ Քևինը դեռահաս տարիքում
- Ջասփեր Նյուել՝ Քևինը 6-8 տարեկանում
- Ռոք Դյուր՝ Քևինը 3 տարեկանում
- Էշլի Գերասիմովիչ՝ Սելիա
- Շիվոն Ֆելոն՝ Վանդա
- Ալեքս Մանետ՝ Քոլին
Մրցանակներ և անվանակարգեր խմբագրել
- 2011՝ մասնակցություն Կաննի կինոփառատոնի հիմնական մրցույթին։
- 2011՝ «Հանդիսատեսի համակրանք» մրցանակ Գենտի կինոփառատոնում (Լին Ռեմսի)։
- 2011՝ մրցանակ լավագույն ֆիլմի համար Լոնդոնի կինոփառատոնում (Լին Ռեմսի)։
- 2011՝ Բրիտանական անկախ ֆիլմի մրցանակ լավագույն ռեժիսուրայի համար (Լին Ռեմսի), ինչպես նաև 5 առաջադրում՝ բրիտանական լավագույն անկախ ֆիլմ, լավագույն սցենար (Լին Ռեմսի, Ռորի Քիներ), լավագույն դերասանուհի (Թիլդա Սուինթոն), երկրորդական պլանի լավագույն դերասան (Էզրա Միլեր), լավագույն տեխնիկական նվաճում (Շեյմաս ՄաքԳարվի՝ օպերատորի աշխատանքի համար).
- 2011՝ «European Film Awards» մրցանակ՝ կնոջ լավագույն դերի համար (Թիլդա Սուինթոն)։
- 2011՝ Միացյալ Նահանգների կինոքննադատների ազգային խորհրդի երկու մրցանակ՝ լավագույն դերասանուհի (Թիլդա Սուինթոն), լավագույն անկախ ֆիլմ։
- 2012՝ «BAFTA» մրցանակի երեք առաջադրում՝ բրիտանական լավագույն ֆիլմ, լավագույն ռեժիսոր (Լին Ռեմսի), լավագույն դերասանուհի (Թիլդա Սուինթոն)։
- 2012՝ «Ոսկե գլոբուս» մրցանակի առաջադրում՝ դրամայում կնոջ լավագույն դերի համար (Թիլդա Սուինթոն)։
- 2012՝ ամերիկացի կինոդերասանների Գիլդիայի մրցանակ՝ կնոջ լավագույն դերի համար (Թիլդա Սուինթոն)։
- 2012՝ Ավստրալիական կինոինստիտուտի մրցանակի 4 առաջադրում՝ լավագույն ֆիլմ, լավագույն ռեժիսոր (Լին Ռեմսի), լավագույն սցենար (Լին Ռեմսի, Ռորի Քիներ), լավագույն դերասանուհի (Թիլդա Սուինթոն)։
Ծանոթագրություններ խմբագրել
- ↑ 1,0 1,1 1,2 http://www.imdb.com/title/tt1242460/
- ↑ 2,0 2,1 http://www.metacritic.com/movie/we-need-to-talk-about-kevin
- ↑ 3,0 3,1 http://www.nytimes.com/2011/12/09/movies/we-need-to-talk-about-kevin-with-tilda-swinton-review.html?_r=1&
- ↑ Internet Movie Database — 1990.
- ↑ http://www.moma.org/collection/works/190938
- ↑ 6,0 6,1 6,2 6,3 6,4 6,5 6,6 6,7 http://www.imdb.com/title/tt1242460/fullcredits
- ↑ Лиз Бердсуорт. «Мать и дитя» (ռուսերեն). Empire. Արխիվացված է օրիգինալից 2012 թ․ հունվարի 24-ին. Վերցված է 2012 թ․ նոյեմբերի 1-ին.