Քևինի հետ ինչ-որ բան այն չէ (վեպ)
«Քևինի հետ ինչ-որ բան այն չէ» («Մենք պետք է խոսենք Քևինի մասին» (անգլ.՝ We Need to Talk About Kevin), «Չսիրվելու գինը»), Լայոնել Շրայվերի վեպը, որը հրատարակել է «Serpent's Tail»-ը 2003 թվականին։ Այն հորինված դպրոցական կոտորածի մասին է։ Գրված է դեռահաս մարդասպանի մոր՝ Եվա Խաչատրյանի անունից, և փաստացիորեն հաստատում է նրա որդու՝ Քևինի և նրա կատարած սպանությունների հետ հաշտվելու փորձը, ինչպես ասվում է Եվայից իր ամուսնուն ուղարկված նամակների շարքի մեջ։ Վեպը 2005 թվականին շահել է «Orange Prize» մրցանակը, որը բրիտանական մրցանակ է՝ նախատեսված անգլերեն ստեղծագործող ցանկացած երկրի կին հեղինակների համար։ 2011 թվականին վեպի մոտիվներով ֆիլմ է նկարահանվել։
Քևինի հետ ինչ-որ բան այն չէ անգլ.՝ We Need to Talk About Kevin | |
|---|---|
| Հեղինակ | Lionel Shriver? |
| Տեսակ | գրավոր աշխատություն |
| Ժանր | թրիլեր, նամակավեպ և քրեական վեպ |
| Բնօրինակ լեզու | անգլերեն |
| Նկարագրում է | Նյու Յորք և ԱՄՆ |
| Երկիր |  ԱՄՆ |
| Հրատարակիչ | Counterpoint Press? |
| Հրատարակման տարեթիվ | ապրիլի 14, 2003 |
| ԳՄՍՀ | 1-58243-267-8 |
| OCLC | 50948454 |
Սյուժե խմբագրել
Դպրոցում Քևին Խաչատրյանի կազմակերպած կոտորածից հետո նրա մայրը՝ Եվան, նամակներ է գրում իր ամուսնուն՝ Ֆրանկլինին։ Այդ նամակներում նա պատմում է ամուսնու հետ իր հարաբերությունների մասին, նկարագրում է Քևինի կյանքի իրադարձությունները ընդհուպ մինչև սպանությունները, ինչպես նաև իր մտքերը որդու հետ հարաբերությունների մասին։ Եվան նաև ցույց է տալիս այն իրադարձությունները, որոնք փորձում էին գաղտնի պահել, օրինակ, երբ նա հանկարծակի զայրույթի նոպայի ժամանակ կոտրել է Քևինի ձեռքը։ Նաև ցույց է տրվել Եվայի այցելությունը Քևինի մոտ՝ բանտ, որտեղ նրանք, ինչպես ներկայացվում է, ունենում են հակամարտող հարաբերություններ։
Քևինը գրեթե ոչ մի կապ չունի իր ընտանիքի կամ նրա հանդեպ բարոյական պատասխանատվության հետ, և թվում է, որ բոլորին վերաբերվում է արհամարհանքով և ատելությամբ, հատկապես իր մորը, որին նա դիմակայում է։ Նա ներգրավված է մանր վնասարարության բազմաթիվ գործողությունների մեջ։ Ամեն ինչ սկսվել է վաղ տարիքից, անմեղ գործողություններից, ինչպիսիք են ջանասիրությամբ սոսնձված հազվագյուտ քարտեզների վրայից ներկը փոշիացնելը, ինչը, անկասկած, զայրացրել է Եվային։ Միակ հոբբին, որով Քևինը հաճույքով է զբաղվում, նետաձգությունն է։ Նա ոգեշնչվում էր մանկության սիրելի հերոս Ռոբին Հուդից։
Չնայած Քևինի վարքի վատթարացմանը՝ Ֆրանկլինը պաշտպանում է նրան՝ համոզված լինելով, որ իր որդին առողջ է, նորմալ տղա է և խելամիտ բացատրություն ունի այն ամենի համար, ինչ նա անում է։ Քևինը խաղում է սիրող, հարգալից որդու դեր, երբ Ֆրանկլինն մոտիկ է։ Սա ստեղծում է գժտություն Եվայի և Ֆրանկլինի միջև։ Դպրոցում կատարված կոտորածից կարճ ժամանակ առաջ Ֆրանկլինը որոշում է ամուսնալուծվել։
Երբ Քևինի քույրը՝ Սելիան, դառնում է վեց տարեկան, նա կորցնում է աչքը։ Մայրը խորապես հավատում է, որ Քևինը, որն այդ ժամանակ պետք է հետևեր իր քրոջը, մաքրող նյութը թափել է Սելիայի դեմքին՝ քաչքայելով աչքերը և դեմքին սպիներ թողնելով։ Դեպքը կապված է նաև ավելի վաղ տեղի ունեցած միջադեպի՝ Սելիայի տնային կրծողի անհետացման հետ։
Ինչ վերաբերում է բուն կոտորածի պատմությանը, ապա վերջապես պարզվում է, որ Ֆրանկլինն ու Սելիան իրականում մահացած են։ Քևինը նախքան դպրոց գնալը սպանում է նրանց արբալետով։ Դպրոցում նա հարձակվում է ինը դասընկերների, բուֆետի աշխատողի և ուսուցչի վրա։ Եվան կարծում է՝ դա արել է, քանի որ լսել է, թե ինչպես են ինքը և Ֆրանկլինը քննարկել ամուսնալուծության մանրամասները, և որոշել է, որ հայրը կստանա իր խնամակալությունը՝ դրանով իսկ զրկելով մոր նկատմամբ որդու վերջնական հաղթանակից։
Վեպն ավարտվում է կոտորածի երկրորդ տարելիցով՝ Քևինի տասնութ տարեկան դառնալուց երեք օր առաջ, և նրան հինգ տարով տեղափոխում են մեկ այլ բանտ։ Վախեցած լինելով՝ նա իր տեսակի մեջ խաղաղ նվիրատվություն է անում Եվային՝ նրան տալով Սելիայի աչքի պրոթեզը և ասելով, որ զղջում է։ Եվան առաջին անգամ հարցնում է Քևինին, թե ինչու է նա սպանել, և նա պատասխանում է, որ այլևս վստահ չէ։ Նրանք գրկախառնվում են, և Եվան եզրակացնում է, որ, չնայած ամենին, ինչ նա արել է, ինքը սիրում է իր որդուն, թեև ինչպես ինքն է խոստովանում ընթերցողին Ֆրանկլինին ուղղված նամակում, միայն հուսահատությունից և ծուլությունից դրդված։
Թեմաներ խմբագրել
Շրայվերը բնավորության և վարքի սահմանման մեջ կենտրոնանում է բնածին հատկանիշների և անձնական փորձի հարաբերական կարևորության վրա, գրքում հստակ երևում է այն մտահոգությունը, որ Եվայի ամբիվալենտությունը մայրության նկատմամբ կարող է ազդել Քևինի զարգացման վրա։ Շրայվերը վեպի հիմնական թեմաներից է համարում նաև ամերիկյան լավատեսությունը և «ճզմված մեծ հույսերը»՝ ի դեմս պատմողի ամուսնու՝ Ֆրանկլինի, որը հանդես է գալիս որպես «ինքնագոհ լավատես, որը մտածում է երջանիկ ընտանիք ունենալու հնարավորության մասին»[1]։
Էկրանավորում խմբագրել
2005 թվականին «BBC Films» կինոընկերությունը ձեռք է բերել գրքի էկրանավորման իրավունքը[2]։ Ֆիլմի ռեժիսորն ընտրվել է Լին Ռեմսին[3]։ 2009 թվականի մարտին հայտնի է դարձել, որ Թիլդա Սուինթոնը համաձայնել է մարմնավորել Եվային[4]։ Ֆրանկլինի դերը խաղացել է Ջոն Ռայլին, իսկ Քևինի դերը՝ Էզրա Միլերը։
Նկարահանումներն սկսվել են 2010 թվականի ապրիլի 19-ին Սթեմֆորդում (Կոնեկտիկուտ նահանգ)[5]։
«Քևինի հետ ինչ-որ բան այն չէ» ֆիլմի պրեմիերան կայացել է 2011 թվականի Կաննի կինոփառատոնում[6], որտեղ ֆիլմն արժանացել է կինոքննադատների հավանությանը[7]։ Նույն 2011 թվականին ֆիլմը ցուցադրվել է նաև Տորոնտոյի միջազգային կինոփառատոնում։
Ծանոթագրություններ խմբագրել
- ↑ Shute, Jenefer. "Lionel Shriver" Արխիվացված 2011-10-09 Wayback Machine. BOMB Magazine. Fall 2005. Retrieved July 26, 2011.
- ↑ Miller, Phil (2007 թ․ սեպտեմբերի 14). «Why does this author need to talk about filming Kevin?». The Herald. Արխիվացված է օրիգինալից 2009 թ․ ապրիլի 26-ին.
- ↑ Arendt, Paul (2006 թ․ հունիսի 6). «Ramsay needs to shoot a film about Kevin». The Guardian. Guardian News & Media. էջ 21 (G2 supplement).
- ↑ Editors (2009 թ․ մարտի 18). «Producer Says Tilda Swinton to Star in "Kevin," Adaptation of Lionel Shriver Novel». New York Times Blogs. Վերցված է 2009 թ․ մարտի 21-ին.
{{cite web}}:|author=has generic name (օգնություն) - ↑ Dawtrey, Adam (2010 թ․ ապրիլի 22). «The welcome return of Lynne Ramsay». guardian.co.uk (Guardian News & Media). Վերցված է 2010 թ․ ապրիլի 22-ին.
- ↑ «Festival de Cannes – From 16 to 27 may 2012». Festival-cannes.com. Արխիվացված է օրիգինալից 2011 թ․ մայիսի 15-ին. Վերցված է 2011 թ․ դեկտեմբերի 23-ին.
- ↑ «BBC News – Cannes gets talking about British Kevin drama». BBC. 2011 թ․ մայիսի 12. Վերցված է 2011 թ․ դեկտեմբերի 23-ին.
Արտաքին հղումներ խմբագրել
- «Քևինի հետ ինչ-որ բան այն չէ (վեպ)»(անգլ.) ֆիլմը Internet Movie Database կայքում
- Լայոնել Շրայվերը «BBC's World Book Club»-ում քննարկում է գիրքը Արխիվացված 2015-02-20 Wayback Machine(անգլ.)
- Հարցազրույց հեղինակի հետ(անգլ.)
- Հարցազրույց գրքի մասին հեղինակի հետ «BBC Radio 4»-ում(անգլ.)
