Սիլվիո Պիրիլո

Սիլվիո Պիրիլո
Քաղաքացիությունը	Բրազիլիա
Ծննդյան ամսաթիվ	հուլիսի 27, 1916 կամ հուլիսի 26, 1916
Ծննդավայր	Պորտու Ալեգրի, Բրազիլիա
Մահվան ամսաթիվ	ապրիլի 22, 1991 (74 տարեկան)
Մահվան վայր	Պորտու Ալեգրի, Բրազիլիա
Հասակ	174 սանտիմետր
Քաշ	69 կիլոգրամ
Դիրք	հարձակվող

Սիլվիո Պիրիլո Սեսարինո (պորտ.՝ Sylvio Pirillo Cesarino, հուլիսի 27, 1916(1916-07-27) կամ հուլիսի 26, 1916(1916-07-26), Պորտու Ալեգրի, Բրազիլիա - ապրիլի 22, 1991(1991-04-22), Պորտու Ալեգրի, Բրազիլիա), բրազիլացի ֆուտբոլիստ և մարզիչ։ Հանդես է եկել «Ամերիկանո»^[1]^[2], «Ինտերնասիոնալ»^[1]^[3], «Պենյառոլ»^[2], «Ֆլամենգո»^[4], «Բոտաֆոգո»^[5]^[6] ակումբներում, ինչպես նաև Բրազիլիայի ազգային հավաքականում։

Կարիերա խմբագրել

Սիլվիո Պիրիլոն կարիերան սկսել է Պորտու Ալեգրիի «Ամերիկանո» ակումբում, նրա հաջող խաղը գրավեց «Ինտերնասիոնալ» ակումբի մարզիչների ուշադրությունը, որտեղ էլ Պիրիլոն հանդես է եկել 2 տարի։ Որից հետո նա խաղացել է Ուրուգվայի «Պենյարոլ» ակումբում։

1941 թվականին Պիրիլոն տեղափոխվել է «Ֆլամենգո» ակումբ, որը փնտրում էր փոխարինող իր լեգենդար հարձակվող Լեոնիդասին։ Առաջին իսկ տարում Պիրիլոն «Ֆլամենգո»-ում 39 գնդակ է խփել Ռիոյի առաջնության ժամանակ, ինչը մինչ օրս անգերազանցելի ռեկորդ է։ Պիրիլոն Ֆլամենգոյի կազմում հաղթել է 3՝ 1942, 1943 և 1944 թվականների Ռիոյի առաջնությունը։ 1947 թվականին Պիրիլոն դուրս է եկել ակումբի կազմից, խփելով 201 գոլ, որն էլ հանդիսանում էր ակումբի պատմության 5-րդ արդյունքը։

Պիրիլոն իր կարիերան ավարտել է «Բոտաֆոգո»-ի կազմում, որը, ինչպես «Ֆլամենգո»-ն, փնտրում էր փոխարինող իր լավագույն ռմբարկու Էլենո Ֆրեյթասին։ «Բոտաֆոգո»-ի կազմում Պիրիլոն անցկացրել է 5 տարի, 1948 թվականին հաղթելով իր 4-րդ Ռիոյի առաջնությունը և ավարտել է կարիերան 35 տարեկան հասակում։

Բրազիլիայի հավաքականում Պիրիլոն նորամուտը նշել է 1942 թվականի հունվարի 14-ին Ամերիկայի գավաթի խաղարկությունում՝ Չիլիի դեմ խաղի ժամանակ, հենց առաջին խաղում Պիրիլոն խփել է 3 գնդակ, իսկ Բրազիլիան հաղթել է 6։1 հաշվով։ Պիրիլոյի վերջին խաղն անցկացրել է նույն մրցաշարում, որտեղ Բրազիլիային դիմակայում էր Էկվադորը, Պիրիլոն իր վերջին խաղում բրազիլական թիմի ավագիմարզաշապիկով խփել է 3 գնդակ։ Այս երկու հեթ-տրիկները դարձել են Պիրիլոյի եզակի գոլերը Բրազիլիայի կազմում, որի մարզաշապիկով նա անցկացրել է 5 հանդիպում։

Կարիերայի ավարտից հետո Պիրիլոն դարձել է մարզիչ։ Մարզչական կարիերայի ընթացքում նրա գլխավոր հաջողությունները դարձան Ռիո Սան Պաուլուի մրցաշարում «Ֆլումինենսե»-ի հետ մրցավեճում տարած հաղթանակներն ու նույն տարում Ռոկայի Գավաթում Բրազիլիայի հավաքականի հաղթանակը, որը նա ղեկավարել է ուղիղ 2 օր։

Նվաճումներ խմբագրել

Որպես խաղացող խմբագրել

Ակումբային խմբագրել

Ռիո դե Ժանեյրոյի չեմպիոն (1942, 1943, 1944, 1948)

Անձնական խմբագրել

Կարիոկա լիգայի լավագույն ռմբարկու (1941)
Կարիոկա լիգայի մեկ մրցաշրջանում գոլերի քանակով ռմբարկու (39 գոլ)

Որպես մարզիչ խմբագրել

Ռիո-Սան Պաուլո մրցաշարի չեմպիոն (1957)
Ռոկա գավաթի դափնեկիր (1957)

Ծանոթագրություններ խմբագրել

↑ ^1,0 ^1,1 «A Federação». Biblioteca Nacional Digital (պորտուգալերեն).
↑ ^2,0 ^2,1 [1] Futebol80 (pt)
↑ [2] Memória do Inter (pt)
↑ [3] Fla-Estatística (pt)
↑ «Acervo histórico». Acervo O Globo (պորտուգալերեն). O Globo.
↑ [4] BrFut (pt)

Արտաքին հղումներ խմբագրել

Ֆուտբոլիստի էջը Բրազիլիայի ֆուտբոլի կոնֆեդերացիայի կայքում (պորտ.)

[BND-1] 1,0 ^1,1 «A Federação». Biblioteca Nacional Digital (պորտուգալերեն).

[Fut80-2] 2,0 ^2,1 [1] Futebol80 (pt)

[3] [2] Memória do Inter (pt)

[4] [3] Fla-Estatística (pt)

[AcGl-5] «Acervo histórico». Acervo O Globo (պորտուգալերեն). O Globo.

[6] [4] BrFut (pt)

[1]

[2]

[3]

[4]

[5]

[6]