Սիլվա Բունաթյան
Սիլվա Արտաշեսի Բունաթյան (փետրվարի 12, 1917, Վլադիկավկազ, Ռուսական կայսրություն - 2010, Երևան, Հայաստան), դաշնակահարուհի։ Հայկական ԽՍՀ արվեստի վաստակավոր գործիչ (1974)։
| Սիլվա Բունաթյան | |
|---|---|
| Ծնվել է | փետրվարի 12, 1917 Վլադիկավկազ, Ռուսական կայսրություն |
| Մահացել է | 2010 Երևան, Հայաստան |
| Մասնագիտություն | Դաշնակահարուհի |
| Աշխատավայր | Երևանի Կոմիտասի անվան պետական կոնսերվատորիա և Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
| Կրթություն | Սանկտ Պետերբուրգի կոնսերվատորիա |
| Պարգևներ |  |
Կենսագրություն խմբագրել
Սկզբնական երաժշտական կրթությունն ստացել է ծննդավայրում։ 1931 թվականին ընտանիքի հետ տեղափոխվել է Ֆրունզե (այժմ՝ Բիշքեկ՝ Ղրղզստան), ուսումը շարունակել արվեստի դպրոցի դաշնամուրի բաժնում։ Ավարտել է Դոնի Ռոստովի երաժշտական տեխնիկումը (1935), Լենինգրադի կոնսերվատորիան (1940, Նադեժդա Գոլուբովսկայայի դասարան)։
1938–1940 թվականներին դասավանդել է Լենինգրադի մասնագիտական երաժշտական դպրոցում (մեծահասակների համար), 1946 թվականից՝ Երևանի պետական կոնսերվատորայի դաշնամուրի բաժնում (ամբիոնի վարիչ՝ 1975–1993 թվականներին, պրոֆեսոր՝ 1978 թվականից)։
1940–1946 թվականներին՝ Օպերայի և բալետի ազգային ակադեմիական թատրոնի նվագախմբի դաշնակահար, մասնակցել է բազմաթիվ ներկայացումների և սիմֆոնիկ համերգների, այդ թվում՝ Դմիտրի Շոստակովիչի 7-րդ սիմֆոնիայի կատարմանը (1942 թվական, դիրիժոր՝ Միքայել Թավրիզյան), 1944 թվականին՝ Կովկասյան հանրապետությունների երաժշտական փառատոնին (Թբիլիսի)։
1940–1970-ական թվականներին հանդես է եկել մենահամարգներով։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|