Սիգնե Հեբբե
Սիգնե Հեբբե (շվեդ.՝ Signe Hebbe, հուլիսի 30, 1837[1][2], Fryele, Värnamo Municipality, Յոնչյոպինգ, Շվեդիա[1] - փետրվարի 14, 1925[1][2], Էնգելբրեքտ, Ստոկհոլմ քաղաք, Փոխմարզպետի պաշտոն, Շվեդիա[1]), շվեդ օպերային երգչուհի (սոպրանո) և ուսուցիչ։
| Սիգնե Հեբբե | |
|---|---|
 | |
| Ծնվել է | հուլիսի 30, 1837[1][2] |
| Ծննդավայր | Fryele, Värnamo Municipality, Յոնչյոպինգ, Շվեդիա[1] |
| Մահացել է | փետրվարի 14, 1925[1][2] (87 տարեկան) |
| Մահվան վայր | Էնգելբրեքտ, Ստոկհոլմ քաղաք, Փոխմարզպետի պաշտոն, Շվեդիա[1] |
| Գերեզման | Հյուսիսային գերեզմանատուն[3][4] |
| Քաղաքացիություն |  Շվեդիա |
| Կրթություն | Ստոկհոլմի թագավորական օպերա |
| Մասնագիտություն | դերասանուհի, օպերային երգչուհի, երաժշտության ուսուցիչ և թատերական ուսուցիչ |
| Ծնողներ | հայր՝ Կլեմենս Հեբե[1][5], մայր՝ Վենդելա Հեբե[1][5] |
 Signe Hebbe Վիքիպահեստում | |
Կենսագրություն խմբագրել
Սիգնե Հեբբեն ծնվել է Վենդելա և Կլեմենս Հեբբեների ընտանիքում 1937 թվականին։ Երիտասարդ տարիքում նա մնացել է առանց հոր, որը սնանկանալով լքել է ընտանիքը և մեկնել արտասահման։
11 տարեկանում Սիգնեն ընդունվել է Թագավորական օպերային կից դպրոց։ Նա դերասանություն է սովորել Կարոլինա Բոկի մոտ, իսկ երաժշտություն սովորել է Լինդբլադի դաշնամուրի դպրոցում։ 1852-1854 թվականներին սովորել է Բեռլինի կոնսերվատորիայում։
Սիգնեն առաջին անգամ որպես դերասանուհի հանդես է եկել 1855 թվականին Թագավորական դրամատիկական թատրոնում։ Բայց նրա ձայնը համարվել է ոչ հարմար թատերական դերերի համար, ուստի նա շարունակել է սովորել երգեցողություն։ 1856 թվականին նա ընդունվել է Փարիզի կոնսերվատորիա, որտեղ նա դարձել է առաջին սկանդինավցի ուսանողը, որը ոսկե մեդալ է ստացել կոնսերվատորիայից։ Փարիզի կոնսերվատորիայում նա որոշ ժամանակ դասավանդել է պլաստիկա, և նրա ուսանողներից մեկը, երբ ժամանակավորապես փոխարինել է մեկ այլ ուսուցչի, Սառա Բեռնարն էր։ Հետագայում Սիգնեն Միլանում երգեցողության վարպետություն է սովորել Ֆրանչեսկո Լամպերտիի մոտ, իսկ թատերական արվեստ` Ադելաիդա Ռիստորիի և Էռնեստո Ռոսսիի մոտ։
Նրա դեբյուտը որպես օպերային երգչուհի տեղի է ունեցել Ֆրանկֆուրտում, 1861-1862 թվականներին նա հանդես է եկել Մանհեյմի ազգային թատրոնում։ 1864 թվականից մինչև 1879 թվականը Սինգեն ճամփորդել է Եվրոպայում, ելույթներ ունեցել Ստոկհոլմում, Կոպենհագենում, Փարիզում, Վարշավայում, Ժնևում, Միլանում, Հելսինկիում և Օսլոյում։ Նրա ներկայացումները քննադատվել են, քանի որ նա իր հերոսուհիներին տվել է ավելի մեծ անկախություն, քան թույլատրվում էր օպերային ավանդույթներով։
Սիգնե Հեբբեն նաև մանկավարժական գործունեություն է ծավալել։ 1871-1925 թվականներին նա ուսուցանել է երգեցողություն, 1877 թվականին նա բացել է իր սեփական դպրոցը, որտեղ դասավանդել է խոսքի, երգի, պլաստիկայի տեխնիկան։ 1883 թվականից աշխատել է Dramatens elevskola-ում (Թագավորական դրամատիկական թատրոնի դպրոց), 1886-1888 թվականներին դասավանդել է Շվեդիայի թագավորական երաժշտական ակադեմիայում, իսկ մոտ 1900 թվականին՝ Թագավորական դրամատիկական թատրոնում։ Նրա ուսանողների թվում եղել են Ջոն Ֆորսելը, Մատիլդա Յունգսեթդը և Կարոլինա Էստբերգը։
Սինգե Հեբբեն մահացել է Ստոկհոլմում, 1925 թվականին, 87 տարեկանում։ Նա թաղված է Նոռա գերեզմանատանը։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 Signe A G Hebbe (շվեդերեն) — 1917.
- ↑ 2,0 2,1 2,2 2,3 2,4 Répertoire International des Sources Musicales — 1952.
- ↑ http://norrabegravningsplatsen.se/kandisarna/ — Norra begravningsplatsen.se.
- ↑ Hebbe, SIGNE AMANDA GEORGINA — Svenskagravar.se.
- ↑ 5,0 5,1 5,2 5,3 5,4 Signe Amanda Georgina Hebbe
Գրականություն խմբագրել
- Österberg, Carin et al., Svenska kvinnor: föregångare, nyskapare (Swedish women: Predecessors, pioneers). Lund: Signum 1990. (91-87896-03-6) (Շվեդերեն)
- Nordensvan, Georg, Svensk teater och svenska skådespelare från Gustav III till våra dagar. Andra delen, 1842—1918, Bonnier, Stockholm, 1918 ['Swedish theatre and Swedish actors from Gustav III to our days. Second Book 1822—1918'] (Շվեդերեն)
 | Վիքիպահեստն ունի նյութեր, որոնք վերաբերում են «Սիգնե Հեբբե» հոդվածին։ |