Սարգիս Աբրահամյան (մշակութային գործիչ)

Վիքիպեդիայում կան հոդվածներ Աբրահամյան ազգանունով այլ մարդկանց մասին։

Սարգիս Ավետիսի Աբրահամյան (դեկտեմբերի 29, 1915(1915-12-29), Շոշ, Շուշիի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - հունիսի 13, 1969(1969-06-13), Ստեփանակերտ, Ադրբեջանական ԽՍՀ, ԽՍՀՄ), հայ արձակագիր, մանկավարժ, մշակութային գործիչ։ ԽՍՀՄ գրողների միության անդամ 1960 թվականից։

Սարգիս Աբրահամյան
Ծնվել է	դեկտեմբերի 29, 1915(1915-12-29)
Ծննդավայր	Շոշ, Շուշիի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Վախճանվել է	հունիսի 13, 1969(1969-06-13) (53 տարեկան)
Վախճանի վայր	Ստեփանակերտ, Ադրբեջանական ԽՍՀ, ԽՍՀՄ
Մասնագիտություն	արձակագիր և հասարակական գործիչ
Ազգություն	հայ
Քաղաքացիություն	Ռուսական կայսրություն և  ԽՍՀՄ
Կրթություն	Ադրբեջանի պետական մանկավարժական համալսարան (1944)
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ
Սարգիս Աբրահամյան Վիքիդարանում
Sargis Abrahamyan Վիքիպահեստում

Կենսագրություն

Ծնվել է Շոշ գյուղում (Արցախ)։ Ավարտել է Բաքվի մանկավարժական տեխնիկումը, Ադրբեջանի մանկավարժական ինստիտուտի հեռակա բաժնի պատմության ֆակուլտետը (1944)։ 1935-1937 թվականներին որպես պատմության ուսուցիչ աշխատել է ԼՂԻՄ-ի Մարտունու շրջանի Ննգի գյուղի դպրոցում, 1937-1939 թվականներին՝ նույն շրջանի Ղզղալա գյուղի միջնակարգ դպրոցում, 1940 թվականին՝ Մարտունու շրջանային ժողկրթության բաժնի վարիչ։ 1940-1941 թվականներին եղել է Ադրբեջանի ԼԿԵՄ Լեռնային Ղարաբաղի մարզային ժողկրթության բաժնի վարիչ, 1949-1950 թվականներին՝ Ստեփանակերտ քաղաքի թիվ 3 միջնակարգ դպրոցի ուսմասվար, 1950-1952 թվականներին՝ քաղաքական ու գիտական գիտելիքների տարածման մարզային ընկերության պատասխանատու քարտուղար, 1952-1953 թվականներին՝ Ստեփանակերտի մանկավարժական ինստիտուտի մարքսիզմ-լենինիզմի ամբիոնի վարիչ, 1954-1955 թվականներին՝ աշխատավորների դեպուտատների մարզային սովետի կուլտուրայի բաժնի վարիչ, 1954-1955 թվականներին՝ ԼՂԻՄ աշխատավորների դեպուտատների մարզային սովետի գործկոմի նախագահի տեղակալ, 1955-1957 թվականներին՝ Ադրբեջանի ԿԿ Լեռնային Ղարաբաղի մարզկոմի քարտուղար, 1957-1961 թվականներին՝ մարզկոմի երկրորդ քարտուղար, 1961-1963 թվականներին՝ մարզային սովետի կուլտուրայի բաժնի վարիչ, 1963-1969 թվականներին՝ կինոֆիկացիայի մարզային վարչության պետ։ Եղել է Ադրբեջանի ԽՍՀ 5-րդ գումարման դեպուտատ։ Պարգևատրվել է «Պատվո նշան» շքանշանով։ Մահացել է Ստեփանակերտում։

Ս. Աբրահամյանի երկերի մատենագիտություն

• Սերունդների հետ (վեպ), գիրք 1, Երևան, Հայպետհրատ, 1957, 396 էջ։
• Լեռնային վտակ (ժողովածուի մեջ տեղ են գտել Ս. Աբրահամյանի «Աստղ», «Արևաշեն», «Կարմիր մեխակներ», «Աղ ու հացի պատիվը» պատմվածքները), Ազերնեշր, 1957, 32 էջ։
• Սերունդների հետ (վեպ), գիրք 2, Երևան, Հայպետհրատ, 1958, 340 էջ։
• Լեռնային վտակ (ժողովածուի մեջ տեղ են գտել Ս. Աբրահամյանի «Հասմիկը» պատմվածքը), Բաքու, Ազերնեշր, 1963, 132 էջ։
• Մեր քաղաքը (վիպակ), Երևան, Հայպետհրատ, 1963, 300 էջ։
• Ոլորաններում (վիպակ), Երևան, «Հայաստան», 1967, 219 էջ։
• Հավատարմություն (վեպ), Ադրբեջանի պետական հրատարակչություն, 1967, 256 էջ։
• Լեռնային վտակ (ժողովածուի մեջ տեղ են գտել Ս. Աբրահամյանի գործերը), Բաքու, Ազերնեշր, 1967, 196 էջ։
• Կարմիր մեխակներ (պատմվածքներ), Բաքու, Ադրբեջանի պետական հրատարակչություն, 1973, 128 էջ։

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Խազարի երգը։ Ադրբեջանական քնարերգություն.- Երևան։ Սովետական գրող, 1982.- 296 էջ․- Որոշ ստեղծագործություններ։

Պատկերասրահ

• 
  Նկարում՝ աջից, առաջին շարքում՝ Ա. Հովհաննիսյան, Հ. Բեգլարյան: Երկրորդ շարքում՝ Բ. Ջանյան, Ս. Աբրահամյան, Բ. Ուլուբաբյան: Երրորդ շարքում՝ Վ. Օվյան, Գ. Գաբրիելյան, Ի. Ալավերդյան, Գ. Աղաջանյան

Ծանոթագրություններ

Վիքիդարանն ունի նյութեր, որոնք վերաբերում են «Սարգիս Աբրահամյան (մշակութային գործիչ)» հոդվածին։

Վիքիպահեստն ունի նյութեր, որոնք վերաբերում են «Սարգիս Աբրահամյան (մշակութային գործիչ)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 43)։