Սառցե քանդակագործություն
Սառցե քանդակագործություն, արվեստի տեսակ, որտեղ աշխատանքները կատարվում են սառույցի վրա։
Սառցե քանդակներ պատրաստելու համար օգտագործվում են ինչպես բնական, այնպես էլ արհեստական սառույցներ։ Բնական սառույցի մասեր կտրվում են ձեռքով կամ շղթայական սղոցով (ինչը շատ ավելի հարմար է) տարբեր ջրամբարների սառցապատումից։ Այս դեպքում պետք է զգույշ լինել, քանի որ սառույցը կարող է չդիմակայել կտրված մասին և կոտրվել։
Պահանջվող խորության բնական ջրամբարներում սառույցը ձևավորվում է, երբ մի քանի շաբաթվա ընթացքում շրջապատող ջերմաստիճանը գտնվում է -10 -15 աստիճանի սահմաններում։
Կա նաև արհեստական սառույց (չշփոթել չորի հետ)։ Թափանցիկ արհեստական սառույց ստեղծելու համար օգտագործվում են հատուկ սարքեր (սովորաբար հավաքվում են ձեռքով)։ Նման սարքերը հնարավորություն են տալիս ձեռք բերել ամբողջովին թափանցիկ սառույցի կտորներ, որոնց չափերը 100x100x50 սմ են։ Այս սառույցը բնական սառույցից տարբերվում է նրանով, որ ստեղծման ժամանակ ջրի անընդհատ շրջանառություն է լինում (ջուր մղող պոմպերի շնորհիվ)։ Այսպիսով, ի տարբերություն բնական սառույցի, նման սառույցներում ավելի քիչ օդային փուչիկներ են առաջանում։ Ըստ այդմ, արհեստական սառույցը ավելի ուշ է հալվում և ավելի ամուր է, քան բնական սառույցը։
Եթե դուք պարզապես ջուր եք սառեցնում դույլի կամ տարայի մեջ, ապա այդպիսի սառույցը կլինի խամրած, ճաքճքած և ամբողջովին անհամապատասխան սառցե քանդակներ ստեղծելու համար։ Երբեմն թորած ջուր է օգտագործվում ավելի թափանցիկ սառույց ստանալու համար[1]
Սառցե քանդակներ ստեղծելու համար օգտագործվում են տարբեր գործիքներ՝ սղոցներ, սայրեր, որոնք նախատեսված են փայտի վրա աշխատելու համար։ Կոմպոզիցիայի կամ քանդակի ստեղծումը, կախված չափից, սովորաբար տևում է 3-4 ժամից մինչև մի քանի օր։
Հյուսիսային կիսագնդի մի շարք քաղաքներում, ինչպիսիք են Ֆերբանկսը, Հարբինը[2], Լյուբեկը, սառցե քանդակների փառատոններն անցկացվում են ձմռանը։ Սառույցից ստեղծվում են տասնյակ ու նույնիսկ հարյուրավոր արձաններ ու կոմպոզիցիաներ։
Սառցե քանդակները երբեմն օգտագործվում են հարսանիքների, ծննդյան կամ կորպորատիվ երեկույթների համար նախատեսված տարածքները զարդարելու համար։
Սառցե կոմպոզիցիաները ցածր զրոյական ջերմաստիճանում կարող են պահպանվել գրեթե ընդմիշտ, և բավականին մեծ սառցե քանդակները (մոտ 100 սմ բարձրություն), որպես կանոն, հեշտությամբ կարող են ձմռանը դիմակայել 1 ամիս դրսում, և պատշաճ խնամքի դեպքում նրանք կարող են դրսում մնալ 2-3 ամիս։
100 կգ և ավելի քաշ ունեցող քանդակը սենյակային ջերմաստիճանում չի կորցնում իր գեղեցկությունն ու ձևը 7-ից 12 ժամ։
Ձնե և սառցե քանդակների փառատոններ խմբագրել
- Վինթերլյուդիա (Կանադա)
- Հարբինի սառույցի և ձյան միջազգային փառատոն (Չինաստան)
- Սապորոյի ձյան փառատոն (Ճապոնիա)
- Ռուսական սառցե քանդակների պատկերասրահ (Մոսկվա)
- Հիպերբորյա փառատոն (Պետրոզավոդսկ, Ռուսաստան)
- Սառցե քանդակների ամենամյա միջազգային փառատոն Վյուգովեյ (Մոսկվա)
- Եվ ձյուն, և սառույց, և կրակ (Պերմ, Ռուսաստան) — միջազգային, սկսած 1994 թվականից
- Ձյունե քանդակների սիբիրյան փառատոն (Նովոսիբիրսկ, Ռուսաստան)
- Սառցե քանդակների փառատոն՝ «Առաջին գիշեր» տոնի ժամանակ (Բոստոն, ԱՄՆ)
- Ռուսաստանի ձնե և սառցե քանդակների «Ձմեռային վերնիսաժ» (Պերմ, Ռուսաստան), միջազգային, սկսված 2007 թվականից։
Տես նաև խմբագրել
- Ձնե քանդակագործություն
Ծանոթագրություններ խմբագրել
- ↑ «Hamilton Ice Sculptors | Case Study with ReAgent». Արխիվացված է օրիգինալից 2016 թ․ մարտի 13-ին. Վերցված է 2021 թ․ հունվարի 29-ին.
- ↑ «The 30th Harbin Ice and Snow Festival 2014». Harbin Ice. Արխիվացված է օրիգինալից 2022 թ․ հունվարի 21-ին. Վերցված է 2014 թ․ մայիսի 27-ին.
 | Վիքիպահեստն ունի նյութեր, որոնք վերաբերում են «Սառցե քանդակագործություն» հոդվածին։ |