Սառա Տոպելսոն դե Գրինբերգ
Սառա Տոպելսոն դե Գրինբերգ (իսպ.՝ Sara Topelson de Grinberg, 1945, Լեհաստան), Լեհաստանում ծնված մեքսիկացի ճարտարապետ։
| Սառա Տոպելսոն դե Գրինբերգ | |
|---|---|
| Ծնվել է | 1945 |
| Ծննդավայր | Լեհաստան |
| Կրթություն | Մեքսիկայի ազգային ինքնավար համալսարան և Ազգային պոլիտեխնիկական ինստիտուտ |
| Աշխատավայր | Ճարտարապետների միջազգային միություն, Արվեստի և գրականության ազգային ինստիտուտ, Մեքսիկայի սոցիալական զարգացման քարտուղարություն և Regnum Christi International Universities? |
Կենսագրություն խմբագրել
Սառա Տոպելսոնը ծնվել է Լեհաստանում։ Հայրը ռուս է, մայրը՝ լեհ։ Երբ Սառան երեք ամսական էր, նրա ընտանիքը նացիստական վարչակարգի ռեժիմից փախել է Մեքսիկա[1]։ Ճարտարապետություն է ուսանել Մեքսիկայի ազգային ինքնավար համալսարանի ճարտարապետության դպրոցում, ճարտարապետության տեսություն՝ Ազգային պոլիտեխնիկական ինստիտուտում, արվեստի պատմություն՝ Արվեստի և գրականության ազգային ինստիտուտում։ Ամուսնու՝ Խոսե Գրինբերգի հետ հիմնադրել է «Grinberg & Topelson Arquitectos» ճարտարապետական բյուրոն, միասին ստեղծել են մի քանի բնակելի, կրթական, արդյունաբերական, առևտրային և մշակութային շինություններ, ինչպես նաև հանգստի կենտրոններ։ Տոպելսոնը Անաուակի համալսարանի արվեստի պատմության և դրա ստուդիայի քաղաքաշինության ճարտարապետության պրոֆեսոր է։ Որպես պրոֆեսոր դասավանդում է նաև Ճարտարապետության միջազգային ակադեմիայում (IAA)[2]:
1982 թվականից Մեքսիկայի Ճարտարապետության ազգային դպրոցների ֆեդերացիայի (FNCARM) միջազգային հարցերի պատասխանատուն է, 1990 թվականից՝ Ճարտարապետների միջազգային միության (UIA) անդամ, որտեղ 1993 թվականին եղել է փոխնախագահ, 1996-1999 թվականներին՝ նախագահ։ Տոպելսոնը եղել է Ճարտարապետների միջազգային միության առաջին կին նախագահը[3]։ 1998 թվականի մայիսին արժանացել է Արվեստի և գրականության շքանշանի[4]։
Տոպելսոնը եղել է Արվեստի ազգային ինստիտուտի արվեստի գանձերի ճարտարապետության և պահպանման բաժնի տնօրեն, Միգել Իդալգո շրջանի քաղաքաշինության պլանավորման տնօրեն, հետազոտության և փաստաթղթերի ձևակերպման կենտրոնի գլխավոր համակարգող[5]։ 2007 թվականի հունվարի 5-ին նախագահ Ֆելիպե Կալդերոնը Տոպելսոնին նշանակել է Մեքսիկայի սոցիալական զարգացման քարտուղարության (SEDESOL) քաղաքաշինության և նախագծման քարտուղարի տեղակալ[6]։
Անդամակցություն խմբագրել
Պատվավոր անդամ
- Ճարտարապետության ազգային ակադեմիա
- Մեքսիկայի ճարտարապետության ակադեմիա
- Ճարտարապետների ամերիկյան ինստիտուտ
- Կանադայի թագավորական ճարտարապետական ինստիտուտ
- Նիկարագուայի ինժեներների և ճարտարապետների ասոցիացիա
- Վենեսուելայի Ճարտարապետների քոլեջ
- Ավստրալիայի ճարտարապետների ինստիտուտ
- Ճապոնիայի ճարտարապետների ինստիտուտ
- Բրիտանացի ճարտարապետների թագավորական ինստիտուտ
- Իսպանիայի ճարտարապետության քոլեջների գլխավոր խորհուրդ, 2002
Մրցանակներ խմբագրել
- «Excelencia Académica» (գերազանց ակադեմիկ), Անաուակի համալսարան, 1972
- «Տարվա կին», Էռնեստո Սեդիլոյի հրամանով պարգևը հանձնել է Օսկար Էսպինոսան, 1996
- Արվեստի և գրականության շքանշանի ասպետ, 1998
- Լեհաստանի ճարտարապետների ընկերակցության «Bene Merentibus» մեդալ, 1988
- Կատալոնիայի ճարտարապետների քոլեջի արծաթե ձևավորում
- 25-ամյա «Excelencia Académica» (գերազանց ակադեմիկ), Անաուակի համալսարան
- Մեքսիկայի ճարտարապետների ընկերության Մեխիկոյի ճարտարապետների քոլեջի «Mario Pani» մեդալ, 2003
Ծանոթագրություններ խմբագրել
- ↑ Eugenia Alvarez: Sara Topelson de Grinberg; la mexicana que preside a los arquitectos del mundo. (Spanish), September 1, 1996.
- ↑ International Academy of Architecture: Sara Topelson de Grinberg
- ↑ Sara Topelson de Grinberg (Mexico): UIA President (1996-1999) Արխիվացված 2012-04-28 Wayback Machine, UIA.
- ↑ Arquitectura y Humanidades.
- ↑ Arquitecto Sara Topelson de Grinberg (Spanish), SEDESOL.
- ↑ Holcim Awards - Regional Jury 2008 Latin America; Sara Topelson de Grinberg Արխիվացված 2013-04-14 archive.today, September 4, 2007.