Վիքիպեդիա

Սանտինո Ֆոնտանա

ամերիկացի դերասան

Սանտինո Ֆոնտանա (անգլ.՝ Santino Fontana, մարտի 21, 1982(1982-03-21)[1], Սթոքթոն, Կալիֆոռնիա, ԱՄՆ), ամերիկացի դերասան, երգիչ, «Թոնի» մրցանակի դափնեկիր։ Առավել հայտնի է «Խելագար նախկին ընկերուհի» հեռուստասերիալում (2015-2016) կատարած Գրեգ Սերանոյի դերով, ինչպես նաև «Սառցե սիրտը» մուլտֆիլմի արքայազն Հանսի հնչյունավորմամբ (2013)։

Սանտինո Ֆոնտանա
Ծնվել էմարտի 21, 1982(1982-03-21)[1] (42 տարեկան)
ԾննդավայրՍթոքթոն, Կալիֆոռնիա, ԱՄՆ
ԿրթությունՄինեսոտայի համալսարան և Richland High School?
Քաղաքացիություն ԱՄՆ
Մասնագիտությունկինոռեժիսոր, կոմպոզիտոր, թատրոնի դերասան, հնչյունավորող, հեռուստատեսային դերասան, թատերական ռեժիսոր, կինոդերասան, մոնտաժող, մյուզիքլի դերասան և դերասան
Ամուսին(ներ)Jessica Fontana?[2]
Պարգևներ և մրցանակներ

Կենսագրություն խմբագրել

Վաղ կյանք և կենսագրություն խմբագրել

Ֆոնտանան ծնվել է Կալիֆոռնիա նահանգի Սթոքտոն քաղաքում[3]։ Նա կիսով չափ իտալացի է, կիսով չափ էլ՝ պորտուգալացի և իսպանացի[4]։ 2000 թվականին Ֆոնտանան ավարտել է Վաշինգտոն նահանգի Ռիչլենդ քաղաքում գտնվող Ռիչլենդի միջնակարգ դպրոցը[5]։ 2004 թվականին Մինեսոտայի համալսարանի/Գաթրիի թատրոնի դերասանական ֆակուլտետում ստացել է գեղարվեստի բակալավրի դիպլոմ[6]։

Կարիերա խմբագրել

2005 թվականին Ֆոնտանան դարձել է «Կատարյալ հարմոնիա» երաժշտական կատակերգության համահեղինակը[7] և առաջին անգամ խաղացել է Ֆիլիպ Ֆելոուս V-ի դերը[8][9]։ 2006 թվականին «Ֆանտաստիկները» օֆֆ-բրոդվեյական վերածնված մյուզիքլում խաղացել է Մեթի դերը[10][11]։ Բրոդվեյում Ֆոնտանան առաջնաելույթ է ունեցել «Բիլի Էլիոթ» բեմադրությունում, որը տեղի է ունեցել 2008 թվականի հոկտեմբերի 1-ից մինչև 2009 թվականի հուլիսի 4-ը։ 2010 թվականին որպես պիեսում երկորդա պլանի լավագույն դերասան «Բրայթոն Բիչի հիշողությունները»-ում աշխատանքի համար ստացել է «Դրամա Դեսկ» մրցանակը։ 2013 թվականին Ռոջերսի և Համերսթայնի «Մոխրոտիկ» բրոդվեյական բեմադրությունում խաղացել է արքայազն Թեֆորի դերը։ Այս դերի համար նա ստացել է «Թոնի» մրցանակի անվանակարգ (մյուզիքլում լավագույն տղամարդկային դեր)։

2013 թվականին հնչյունավորել է «Սառցե սիրտը» Դիսնեյի մուլտֆիլմի արքայազն Հանսին։

2015 թվականին Ֆոնտանան դարձել է առաջին հրավիրված դերասանը, որը մեկ տարում երեք անգամ ելույթ է ունեցել Մորմոնի աղոթատան երգչախմբի հետ[12]։ 2015 թվականին «Խելագար նախկին ընկերուհի» երաժշտական կատակերգությունում ստացել է կանոնավոր դերերից մեկը (գլխավոր դերում՝ Ռեյչել Բլում)[13]։

Անձնական կյանք խմբագրել

2011 թվականին Ֆոնտանան սկսել է հանդիպել դերասանուհի Ջեսիկա Հերշբերգի հետ[14]։ Նրանք նշանադրվել են 2014 թվականի սեպտեմբերին[15] և ամուսնացել 2015 թվականի սեպտեմբերի 5-ին[14]։ 2019 թվականի սեպտեմբերին զույգն ունեցել է դուստր[16]։

Ֆիլմագրություն խմբագրել

Թվական Անվանում Բնօրինակ անվանում Դեր
2010 ս Լավ կին The Good Wife Դենի Ուիլոբի
2011 ս Քւյր Ջեքի Nurse Jackie Դևիդ
2011 հֆ Որքան կարևոր է լինել լուրջ The Importance of Being Earnest Ալջերնոն Մոնկրիֆ
2012 ս Տաղանդավոր A Gifted Man Ջինի Թիփթոն
2012 ս Սիրելի բժիշկ Royal Pains Ջեյսոն
2012 ս Պատրաստված է Ջերսիում Made in Jersey Վան Պելտ
2013 մֆ Սառցե սիրտը Frozen արքայազն Հանս
2014 ֆ Ջեք Ռայան։ Քաոսի տեսություն Jack Ryan: Shadow Recruit վազող բանկիր
2014 ս Մոցարտը Ջունգլիներում Mozart in the Jungle Մոցարտ
2015 մֆ Սառը տոնակատարություն Frozen Fever արքայազն Հանս
2015 ֆ Քույրեր Sisters պարոն Գրինթ
2015-2017 ս Խելագար նախկին ընկերուհի Crazy Ex-Girlfriend Գրեգ Սերանո
2016 ս Անխելքները BrainDead Քևին
2016 ս Կապույտի երանգները Shades of Blue Դևիդ Սապերշթեյն

Ծանոթագրություններ խմբագրել

  1. ↑ 1,0 1,1 Santino Fontana — 2000.
  2. ↑ Cowan A. L. Jessica Hershberg and Santino Fontana: A Real-Life Fairy Tale — The New York Times, 2015.
  3. ↑ «NYC New Member Events | Actors' Equity Association Membership». Actorsequity.org. Արխիվացված է օրիգինալից 2013 թ․ հոկտեմբերի 21-ին. Վերցված է 2014 թ․ փետրվարի 15-ին.
  4. ↑ «Mormon Tabernacle Choir and Santino Fontana Headline Pioneer Day Concerts». www.mormonnewsroom.org. Վերցված է 2016 թ․ փետրվարի 14-ին.
  5. ↑ «Richland School District About». rsd.edu. Արխիվացված է օրիգինալից 2015 թ․ սեպտեմբերի 24-ին. Վերցված է 2016 թ․ հոկտեմբերի 6-ին.
  6. ↑ Fontana Lands Lead Role
  7. ↑ «The Essentials for Perfect Harmony». SamuelFrench.com. Արխիվացված է օրիգինալից 2014 թ․ մայիսի 2-ին. Վերցված է 2016 թ․ հոկտեմբերի 6-ին.
  8. ↑ «Santino Fontana biography at Lincoln Center Theater». LCT.org.
  9. ↑ «Perfect Harmony». SamuelFrench.com.
  10. ↑ «The Fantasticks (New Off-Broadway Recording)». SH-K-BOOM RECORDS. Արխիվացված է օրիգինալից 2012 թ․ օգոստոսի 23-ին. Վերցված է 2021 թ․ մայիսի 12-ին.
  11. ↑ «The Fantasticks Revival Opens Off-Broadway». Playbill.com.
  12. ↑ «Santino Fontana to Perform with the Choir for the Third Time in a Year». mormontabernaclechoir.org. Արխիվացված է օրիգինալից 2015 թ․ մայիսի 24-ին. Վերցված է 2021 թ․ մայիսի 12-ին.
  13. ↑ «Showtime(R) Comedy Pilot "Crazy Ex-Girlfriend" Sets Cast». The Futon Critic. 2014 թ․ սեպտեմբերի 30. Վերցված է 2015 թ․ սեպտեմբերի 24-ին.
  14. ↑ 14,0 14,1 Cowan, Alison Leigh (2015 թ․ հոկտեմբերի 1). «Jessica Hershberg and Santino Fontana: A Real-Life Fairy Tale». The New York Times (անգլերեն).
  15. ↑ McPhee, Ryan (2014 թ․ սեպտեմբերի 24). «He Has Found Her! Tony Nominee Santino Fontana & Broadway's Jessica Hershberg Are Engaged». Broadway.com (անգլերեն).
  16. ↑ «Tony Winner Santino Fontana And Wife Jessica Fontana Welcome First Child». BroadwayWorld (անգլերեն). 2019 թ․ սեպտեմբերի 24.
 Վիքիպահեստն ունի նյութեր, որոնք վերաբերում են «Սանտինո Ֆոնտանա» հոդվածին։
Ստացված է «https://hy.wikipedia.org/w/index.php?title=Սանտինո_Ֆոնտանա&oldid=9825399» էջից