Սանտա Մարիա դելա Վիտտորիա

Սանտա Մարիա դելա Վիտտորիա; Chiesa di Santa Maria della Vittoria
	Սանտա Մարիա դելա Վիտտորիա եկեղեցու ճակատամասը
Հիմնական տվյալներ
Տեսակ	եկեղեցի
Երկիր	Իտալիա
Տեղագրություն	Իտալիա, Հռոմ
Հասցե	Via XX Settembre, 17, 00187, Roma և via XX Settembre, 17 - Roma
Դավանանք	կաթոլիկություն
Թեմ	Հռոմի թեմ
Հիմնական ամսաթվերը	1620
Կազմված է	Cornaro chapel?
Ժառանգության կարգավիճակ	Իտալիայի մշակութային ժառանգություն
Նվիրված	Մարիամ Աստվածածին
Անվանված	Մարիամ Աստվածածին
Ճարտարապետ	Կառլո Մադերնա
Ճարտարապետական տիպ	եկեղեցի
Ճարտարապետական ոճ	բարոկկո
Կառուցման սկիզբ	1605
Կառուցման ավարտ	1620
Հիմնադրված	1620
19 մետր
Երկարություն	35 մետր
Լայնություն	19 մետր
Շինանյութ	աղյուս, բետոն
	Santa Maria della Vittoria in Rome Վիքիպահեստում
	carmelitanicentroitalia.it/dove-siamo/conventi-della-provincia/s-maria-della-vittoria-roma/(իտալ.)

Սանտա Մարիա դելա Վիտտորիա (լատին․՝ S. Mariae de Victoria, իտալ.՝ Chiesa di Santa Maria della Vittoria), կաթոլիկ տիտղոսակիր եկեղեցի Իտալիայի մայրաքաղաք Հռոմում։ Եկեղեցին նվիրված է Մարիամ Աստվածածնին։ Տեղակայված է Սալուստիանո շրջանում, Սանտա Սուսաննա եկեղեցու հարևանությամբ։ Այս եկեղեցին ևս ամբողջովին նախագծել է Կառլո Մադերնան։ Եկեղեցին հայտնի է Լորենցո Բերնինիի «Transverberazione di santa Teresa d'Avila» (Սուրբ Թերեզայի զմայլանքը) աշխատանքով, որը համարվում է բարոկկո արվեստի հաղթանակը։

Պատմություն

Սանտա Մարիա դելա Վիտտորիա եկեղեցու ինտերիերը

Եկեղեցու կառուցումը սկսվել է 1605 թվականին որպես մատուռ, որը նվիրված էր Պողոս առաքյալին (Կարմելիտների միաբանության համար)։ 1620 թվականին Սպիտակ լեռան ճակատամարտում կաթոլիկների հաղթանակից հետո, եկեղեցին նվիրվում է Մարիամ Աստվածածնին։ Վիեննայի ճակատամարտում (1683թ․) գրավված Օսմանյան կայսրության դրոշը որպես հաղթանակի մի մաս, կախված է եկեղեցում։

1624 թվականին եկեղեցու կառուցումը ստանձնում է Պողոս V Պապի զարմիկ Շիպիոնե Բորգեզեն։ Նա յուրացնում է պեղումների ժամանակ հայտնաբերված Հերմափրոդիտի (Աֆրոդիտեի և Հեփեստոսի որդին) արձանը՝ փոխարենը ֆինանսավորելով կառուցողական աշխատանքները։ Նա պարգևատրում է իր ճարտարապետ Ջիովաննի Բատտիստա Սորիային, և եկեղեցին ավարտուն տեսք է ստանում երկու տարի հետո՝ 1624 թվականին։ Ինտերիերը ձևավորումը շարունակվում է մինչև 17-րդ դարի վերջ։

Էքստերիեր

Եկեղեցին միակ կառույցն է, որ նախագծվել և ավարտին է հասցվել Կառլո Մադերնայի կողմից։ Այնուամենայնիվ ճակատամասը կանգնեցվել է Ջիովաննի Բատտիստա Սորիայի կողմից (1624-1626թթ) Մադերնայի կյանքի ընթացքում։ Ըստ այդմ երևում է Մադերնայի կողմից կառուցված մոտակա Սանտա Սուսաննա (Հռոմ)յի ազդեցությունը Սանտա Մարիա դելա Վիտտորիա եկեղեցու վրա։ 1833 թվականի հրդեհից հետո եկեղեցին վերանորոգելու անհրաժեշտություն է առաջանում։

Կորնարո կապելլա

Կորնարո կապելլայի գլուխգործոցը բեմի ձախ կողմում գտնվող «Transverberazione di santa Teresa d'Avila»՝ «Սուրբ Թերեզայի զմայլանքը», արձանն է, որի հեղինակն է Լորենցո Բերնինին։ Արձանում պատկերված է այն պահը, երբ Սուրբ Թերեզան տեսնում է, թե ինչպես է հրեշտակը ոսկեզօծ տեգով խոցում իր սիրտը։ Դա նրան պատճառում է և՛ ուրախություն, և՛ ցավ։

Տիտղոսակիր եկեղեցի

1801 թվականի դեկտեմբերի 23-ից Սանտա Մարիա դելա Վիտտորիա եկեղեցին դարձել է տիտղոսակիր եկեղեցի՝ Պիոս VII Պապի կողմից։ Եկեղեցում հուղարկավորված է իտալացի կարդինալ Պիետրո Վիդոնին (1610—1681թթ․)։ 2006 թվականի մարտի 24-ից եկեղեցու քահանան ամերիկացի կարդինալ Շոն Պատրիկ Օ՛Մելլին է։

Մշակույթում

Եկեղեցին զբոսաշրջիկների շրջանում մեծ համբավ է ձեռք բերել Դեն Բրաունի "Հրեշտակներ և հրեշներ" վեպի շնորհիվ։ Աբրահամ Վերգեզեի "Քարը հատելով" վեպում նույնպես նշված է եկեղեցին։ Գրքի գլխավոր հերոսներն ապրում են իրենց եթովպիական տանը, որտեղ կախված է եկեղեցու պատկերը։ Այն իրենց կյանքի մասն է մնում մինչև վեպի ավարտը, նրանք ստեղծում են դրա մարմարե կերտվածքը։

Պատկերասրահ

Ծանոթագրություններ

↑ ^1,0 ^1,1 dati.beniculturali.it — 2014.

Աղբյուրներ

Rendina, Claudio (1999). Enciclopedia di Roma. Rome: Newton Compton.
Matthiae, Guglielmo (1999). The Church of Santa Maria della Vittoria. Rome: Order of the Discalced Carmelite Fathers. ISBN 978-88-86542-86-9.
Sturm, Saverio (2015). L’architettura dei Carmelitani Scalzi in età barocca: La ‘Provincia Romana’. Lazio, Umbria e Marche (1597-1705). Roma: Gangemi Editore.
Hibbert, Howard (1965). Bernini. New York: Pelican-Penguin.
Susanne Juliane Warma (1981). A Study of the Iconography of Bernini's Cornaro Chapel in Santa Maria Della Vittoria Athens: University of Georgia.
G. Matthiae (1965). S. Maria della Vittoria. Rome.

Արտաքին հղումներ

Վիքիպահեստն ունի նյութեր, որոնք վերաբերում են «Սանտա Մարիա դելա Վիտտորիա» հոդվածին։

[_3bcde9ce190a1c0e-1] 1,0 ^1,1 dati.beniculturali.it — 2014.

[1]