Ռոֆֆեի լողարաններ (ռուս.՝ Купальни Роффе), Ղրիմի Յալթա քաղաքի կենտրոնում գտնվող ճարտարապետության պատմական հուշարձան, որը կառուցման պահին «Ֆրանսիա» համալիրի մաս էր։

Ռոֆֆեի լողարաններ
Տեսակշենք
ԵրկիրՂրիմ
ՏեղագրությունՌուսաստան / Ուկրաինա[1]
Ժառանգության կարգավիճակՌուսաստանի մարզային նշանակության մշակութային ժառանգության օբյեկտ և Local cultural heritage monument of architecture of Ukraine?
Քարտեզ
Քարտեզ

Ընդհանուր տեղեկություններ խմբագրել

Շենքը կառուցվել է Յալթայի Լենինի անվան առափնյա փողոցում գտնվող «Ֆրանսիա» հյուրանոցի բակում[2] 1897 թվականին՝ «Ռոֆֆե և որդիներ» գիլդիայի սեփականատեր վաճառական Ա. Ի. Ռոֆֆեի պատվերով։ Շինության ճարտարապետը եղել է Մեծ Լիվադիական պալատի հեղինակ Նիկոլայ Կրասնովը։ Ռոֆֆեի խնդրանքով լողարանների շենքին կցակառուցվել է մավրիտանյան ոճով գլխավոր պորտալ։

Պորտալի ճակատը պատրաստված է սպիտակ մարմարից, որի վրա փորագրված է մեջբերում Ղուրանից. «Օրհնյալ եղիր ջրի պես»[3]։ Բացի պորտալից արժեք է ներկայացնում մարոկկոյական ոճով կառուցված գիպսե ծեփվածքով սրահը։

Լողարանում տեղադրվել էին տաքացվող ծովային ջրով լոգարաններ՝ մաքրող և համակազդուրիչ բուժիչ ազդեցության համար։ Այստեղ հանգստացել են Իվան Բունինը, Ֆեոդոր Շալյապինը, Անտոն Չեխովը և «Գրականագետների ու գիտնականների ընկերության» մյուս անդամները, որոնք օգտվում էին վաճառական Ռոֆֆեի «քառապատիկ զեղչից»[3]։

Հայրենական մեծ պատերազմի տարիներին հյուրանոցի շենքն ավերվեց, իսկ լողարանները հրաշքով փրկվեցին։

1975 թվականից այստեղ տեղակայված էր «Չերվոնա Ռուտա» համույթի փորձերի բազան։

1984 թվականին «Յուբիլեյնի» համերգային համալիրի կառուցման կապակցությամբ առաջարկվեց լողարանները քանդել, սակայն երաժշտական հասարակության արձագանքը (առաջին հերթին՝ Սոֆյա Ռոտարուի) թույլ տվեց պահպանել շենքը։

1991 թվականից սկսվեցին վերակառուցման աշխատանքները, պորտալը և սրահը վերականգնվեցին, շենքի մնացած հատվածը ապամոնտաժվեց որպես ճարտարապետական արժեք չունեցող։ 1996 թվականին Ռոֆֆեի լողարանները ստացել են տեղական նշանակության հուշարձանի կարգավիճակ[4]։

Ծանոթագրություններ խմբագրել

  1. Տվյալ աշխարհագրական օբյեկտը տեղայակված է Ղրիմի թերակղզում, որի մեծ մասը տարածքային վեճի առարկա է Ռուսաստանի և Ուկրաինայի միջև։ Համաձայն Ռուսաստանի վարչատարածքային բաժանման՝ թերակղզում տեղակայված են ՌԴ Ղրիմի Հանրապետության սուբյեկտները և դաշնային նշանակություն ունեցող Սևաստոպոլ քաղաքը։ Համաձայն Ուկրաինայի վարչատարածքային բաժանման՝ Ղրիմում գտնվում են Ուկրաինայի կազմի մեջ մտնող Ղրիմի Ինքնավար Հանրապետությունը և հատուկ կարգավիճակ ունեցող Սևաստոպոլ քաղաքը։
  2. "Ретро + Евро =". Retrieved 2019 Հունվար 21.
  3. 3,0 3,1 "Достопримечательности Крыма". Արխիվացված է the original 2016 թ․ մարտի 6-ին. Retrieved 2019 Հունվար 21. {{cite web}}: Unknown parameter |dead-url= ignored (|url-status= suggested) (help)
  4. "Ялтинские "Купальни Рофе" превращены в фирменный отель Софии Ротару: медиа-обзор". Արխիվացված է the original 2012 թ․ մարտի 21-ին. Retrieved 2019 Հունվար 21. {{cite web}}: Unknown parameter |dead-url= ignored (|url-status= suggested) (help)