Բացել գլխավոր ցանկը

Ռուհոլլահ Մուսավի Խոմեյնի (պարս․՝ روح الله موسوی خمینی ː 1902 թվականի մայիսի 17, ըստ այլ տվյալների 1898 կամ 1902 — 1989 թվականի հունիսի 3), այաթոլլա, ռահբար (առաջնորդ), 1979 թվականի Իրանի իսլամական հեղափոխության առաջնորդ։ 1979 թվականից մինչև իր մահը՝ Իրանի գերագույն ղեկավար:

Ռուհոլլահ Խոմեյնի
պարս․՝ سید روح الله موسوی خمینی
Portrait of Ruhollah Khomeini By Mohammad Sayyad.jpg
Ծնվել էսեպտեմբերի 24, 1902(1902-09-24)[1][2][3]
ԾննդավայրԽոմեին
Մահացել էհունիսի 3, 1989(1989-06-03)[4] (86 տարեկանում) կամ հունիսի 4, 1989(1989-06-04)[5] (86 տարեկանում)
Մահվան վայրԹեհրան, Իրան
ՔաղաքացիությունFlag of Iran.svg Իրան
Կրոնշիա իսլամ և տասներկուականներ
Մասնագիտությունքաղաքական գործիչ, բանաստեղծ, կրոնական առաջնորդ, ախուն, աստվածաբան և Միստիկա
ԱմուսինԽադիջա Սաղաֆի
Զբաղեցրած պաշտոններԳլխավոր այաթոլլա և Իրանի բարձրագույն ղեկավար[6]
Քաղաքական կուսակցությունԻսլամական հանրապետական կուսակցություն
ԵրեխաներՄուստաֆա Խոմեինի, Ահմադ Խոմեինի, Zahra Mostafavi Khomeini? և Farideh Mostafavi?
Ստորագրություն
Ruhollah Khomeini signature.png
Ruhollah Khomeini Վիքիպահեստում

Դասավանդել է Ղոմ քաղաքում, 1950-ական թվականներին ստացել է այատոլա տիտղոսը։ 1963 թվականին ընդդիմադիր գործունեություն է ծավալել շահի ռեժիմի դեմ։ 1963 թվականին նրա ձերբակալությունը խոշոր հուզումներ է առաջացրել, որոնց զոհ է գնացել ավելի քան 1000 մարդ։ 1964 թվականին արտաքսվել է Թուրքիա, այնուհետև տեղափոխվել է Իրաք, 1978 թվականին` Փարիզ (Ֆրանսիա):

1979 թվականի հունվարին ղեկավարել է Իրանում իսլամական հեղափոխությունը։ 1979 թվականի փետրվարի 1-ին` Մոհամմադ Ռեզա Փահլավիի փախուստից 2 ամիս անց, վերադարձել է Իրան։ Փետրվարի 11-ին ժամանակավոր կառավարություն է նշանակել՝ Մեհդի Բազարգանի ղեկավարությամբ։

Նոր Սահմանադրության համաձայն 1979 թվականի դեկտեմբերին զբաղեցրել է Իրան իսլամական հանրապետության գերագույն ղեկավարի պաշտոնը։ Բնակվել է Ղոմ քաղաքում, սակայն գործուն մասնակցություն է ունեցել երկրի քաղաքական կյանքին։

Իր կառավարման ընթացքում աջակցել է իսլամական հեղափոխության արտահանմանը տարածաշրջանի երկրներ՝ որպես դրա հնարավորություն դիտելով իրանա-իրաքյան պատերազմը։

ԾանոթագրություններԽմբագրել