Ռոստովի կերպարվեստների մարզային թանգարան

Ռոստովի կերպարվեստների մարզային թանգարան (ռուս.՝ Ростовский областной музей изобразительных искусств / РОМИИ), գեղարվեստական թանգարան Ռուսաստանի Դոնի Ռոստով քաղաքում, որը հիմնադրվել է 1938 թվականին։ Հավաքածուում առկա է ավելի քան 6 հազար միավոր։

Ռոստովի կերպարվեստների մարզային թանգարան
Տեսակթանգարան
Երկիր Ռուսաստան
ՏեղագրությունԴոնի Ռոստով
Հիմնադրվել է1938
Կայքromii.ru
Քարտեզ
Քարտեզ

Թանգարանի մասին խմբագրել

Ռոստովի կերպարվեստների մարզային թանգարանը որպես ինքնուրույն հաստատություն գոյություն ունի 1938 թվականից[1]։ Թանգարանի հավաքածուն ներառում է գեղանկարչական, գրաֆիկական, քանդակագործական և դեկորատիվ-կիրառական արվեստի մոտ 6000 ստեղծագործություն։ Մշտական ցուցադրությունը ներկայացնում է հինռուսական արվեստը, XVIII-XX դարերի Ռուսաստանի արվեստը, Արևելքի երկրների և արևմտաեվրոպական վարպետների արտասահմանյան արվեստը։ XX դարի արվեստի հավաքածուն ներկայացված է Բորիս Լավրենկոյի, Ալեքսանդր Լակտիոնովի, Մարտիրոս Սարյանի, Նիկոլայ Տիմկովի, Ռուսաստանի այլ առաջատար վարպետների աշխատանքներով։ Նաև ցուցադրվում են Դոնի նկարիչների աշխատանքները։

Կազմակերպության մակերեսները. ցուցասրահ-ցուցահանդեսի՝ 3938 մ², ժամանակավոր ցուցահանդեսների՝ 859 մ², ֆոնդերի պահեստարանների՝ 2245 մ²։ Աշխատակիցների քանակը՝ 57, որոնցից 19-ը՝ գիտական։ Կազմակերպության կառուցվածքում կան գիտական գրադարան, վերանորոգման արհեստանոցներ։

Պատմություն խմբագրել

Թանգարանի բացումը տեղի է ունեցել 1938 թվականին, բայց հավաքածուի ձևավորումն ունի ավելի հին պատմություն։ Դեռևս 20-րդ դարի սկզբին Դոնի Ռոստովում ստեղծվել է գեղեցիկ արվեստների ռոստով-նախիջևանյան ընկերություն, որի ցուցահանդեսներում ցուցադրվում էին Ռուսաստանի տարբեր քաղաքների արվեստագետների ստեղծագործությունները, որոնք հետագայում ընդգրկվել են տեղի մեկենասների մասնավոր հավաքածուներում։ 1917 թվականի հեղափոխությունից հետո դրանք հատկացվեցին թանգարանին։

1920 թվականից մայիսի 1-ից գործել է որպես Դոնի արվեստի և հնությունների մարզային թանգարան, 1927 թվականից՝ Հյուսիսային Կովկասի ժողովուրդների երկրամասային թանգարանի կազմում, 1934-1936 թվականներին չի գործել, 1937 թվականից՝ Ռոստովի գավառագիտության մարզային թանգարանի բաժանմունքի իրավունքով։

Թանգարանի ստեղծման ակունքներում կանգնած են եղել արվեստագետներ Մարտիրոս Սարյանը և Անդրեյ Սիլինը[2], գրող Մարիետա Շահինյանը։ Գոյության առաջին տարիներից թանգարանը համալրվել է նաև երկրի կենտրոնական թանգարանների՝ Տրետյակովյան պատկերասրահի, Էրմիտաժի, Ռուսական թանգարանի ցուցանմուշներով։

1942 թվականի հունվարին հավաքածուն տարհանվել է Պյատիգորսկ, որտեղ կողոպտվել է գերմանական զորքերի կողմից։ Հետպատերազմյան տարիներին որոշ գողացված նկարներ աստիճանաբար վերադարձվել են թանգարանին, բայց նախապատերազմյան ամբողջ հավաքածուն այդպես էլ չի հաջողվել վերականգնել։ Երկրորդ անգամ թանգարանը բացվել է 1946 թվականի հունիսին՝ Ռոստովի Մ. Բ. Գրեկովի անվան գեղարվեստի ուսումնարանում նրան հատկացված սենյակներում։

1958 թվականից թանգարանը զբաղեցնում է հայտնի փաստաբան Ա. Պ. Պետրովի առանձնատունը, որը կառուցվել է XIX դարի վերջին ռոստովցի ճարտարապետ Նիկոլայ Դորոշենկոյի նախագծով (առանձնատունն ազգայնացվել է 1920 թվականին[3]

Հիմնական էքսկուրսիաներ խմբագրել

  • Հինռուսական արվեստ
  • XVII դարի - XX դարի սկզբի ռուսական արվեստ
  • XVII - XIX դարերի արևմտաեվրոպական արվեստ
  • Արևելքի արվեստ

Պատկերասրահ խմբագրել

Ծանոթագրություններ խմբագրել

  1. Ростовский музей изобразительных искусств. — Ростов-на-Дону: 1987.
  2. Силин Андрей Дмитриевич
  3. Еваулов Г.В., Черницына В.А. Архитектурная летопись Ростова-на-Дону. — Ростов-на-Дону, 2002.

Արտաքին հղումներ խմբագրել