Ռոստոմ Երզնկյան
- Վիքիպեդիայում կան հոդվածներ Երզնկյան ազգանունով այլ մարդկանց մասին։
Ռոստոմ Հարությունի Երզնկյան (հունվարի 1, 1823[1][2], Հաղպատ, Թիֆլիսի գավառ, Վրացական նահանգ, Ռուսական կայսրություն[1][2] - հունվարի 12, 1893[1][2], Թելավ, Թիֆլիսի նահանգ, Ռուսական կայսրություն[1][2]), հայ պատմաբան, գրականագետ։
Ռոստոմ Երզնկյան | |
|---|---|
| Ծնվել է | հունվարի 1, 1823[1][2] Հաղպատ, Թիֆլիսի գավառ, Վրացական նահանգ, Ռուսական կայսրություն[1][2] |
| Մահացել է | հունվարի 12, 1893[1][2] (70 տարեկան) Թելավ, Թիֆլիսի նահանգ, Ռուսական կայսրություն[1][2] |
| Քաղաքացիություն |  Ռուսական կայսրություն |
| Ազգություն | հայ |
| Մասնագիտություն | պատմաբան և գրականագետ |
| Հաստատություն(ներ) | Ներսիսյան դպրոց[1] |
| Տիրապետում է լեզուներին | հայերեն |
Կենսագրություն
խմբագրելՌոստոմ Երզնկյանը ծնվել է Հաղպատ գյուղում։ Հայտնի է եղել նաև Ռոստոմ Բեկ անունով։ 1843-1846 թվականներին եղել է Թիֆլիսի Ներսիսյան դպրոցի հայկաբանության և պատմության ուսուցիչ։ 1846 թվականից անցել է զինվորական ծառայության, մասնակցել Դաղստանի լեռնականների դեմ ռազմական գործողություններին։ 1861 թվականին պաշտոնաթող է եղել, հաստատվել Թելավում, աշխատանքի անցել տեղի հայկական դպրոցում։ Թղթակցել է «Կովկաս», «Մեղու Հայաստանի», «Արարատ» պարբերականներին։ Ուսումնասիրել է Սանահինի և Հաղպատի պատմությունն ու ճարտարապետական հուշարձանները, վերծանել Հաղպատի 162 վիմական արձանագրությունները («Տնախօսական աեդագրութիւն Հաղբատայ աշխարհահռչակ վանից Սրբոյ Նշանի», 1886)։ Գրել է հայ-չերքեզական կապերին Արմավիր քաղաքի հիմնադրման պատմությանը նվիրված աշխատություն։ Նրա «Ավարիա» պատմաաշխարհագրական ակնարկը, «Պանդուխտ Դաղստանի» ուղեգրական նոթերը (Դաղստանի մի շարք բնակավայրերի նկարագրությունն ու այնտեղ ծավալված պատերազմական գործողությունների պատմությունը), «Մյուրիդիզմը Դաղստանում» ուսումնասիրությունը։
Երկեր
խմբագրել- Երզնկյան Ռ., Ավարիա։
- Երզնկյան Ռ., Պանդուխտ Դաղստանի։
- Երզնկյան Ռ., Մյուրիդիզմը Դաղստանում։
- «Տնախօսական աեդագրութիւն Հաղբատայ աշխարհահռչակ վանից Սրբոյ Նշանի»։
Գրականություն
խմբագրել- Գրիգորյան Վ․, Ռոսաոմ բեգ Երզնկյանը և Դաղստանի մասին նրա գրած աշխատությունները, «ԲԵՏ», 1971։
Ծանոթագրություններ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1. — էջ 377.
 | Վիքիդարանն ունի նյութեր, որոնք վերաբերում են «Ռոստոմ Երզնկյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 587)։ 
|