Ռոլանդ Ղազարյան
- Վիքիպեդիայում կան հոդվածներ Ղազարյան ազգանունով այլ մարդկանց մասին։
Ռոլանդ Արտավազդի Ղազարյան (հուլիսի 12, 1936, Ստեփանավան, Հայկական ԽՍՀ, ԱԽՖՍՀ, ԽՍՀՄ - սեպտեմբերի 22, 2023, Մոսկվա, Ռուսաստան), հայ հնչյունային ռեժիսոր, կոմպոզիտոր, դերասան։ ՌԴ արվեստի վաստակավոր գործիչ (1997)։
 ռուս.՝ Роланд Артаваздович Казарян | |
|---|---|
| Ծնվել է | հուլիսի 12, 1936 |
| Ծննդավայր | Ստեփանավան, Հայկական ԽՍՀ, ԱԽՖՍՀ, ԽՍՀՄ |
| Մահացել է | սեպտեմբերի 22, 2023 (87 տարեկան) |
| Մահվան վայր | Մոսկվա, Ռուսաստան |
| Կրթություն | Սանկտ-Պետերբուրգի պետական կինոյի և հեռուստատեսության համալսարան |
| Քաղաքացիություն |  ԽՍՀՄ և  Ռուսաստան |
| Ազգություն | հայ |
| Մասնագիտացում | դերասան, հնչյունային օպերատոր և կոմպոզիտոր |
| Պարգևներ |  |
| IMDb | ID 0443624 |
Կենսագրություն
խմբագրելՌոլանդ Ղազարյանը ծնվել է 1936 թվականին, Ստեփանավանում։ 1959 թվականին ավարտել է Լենինգրադի Կինոինժեներների ինստիտուտը։ 1959-1963 թվականներին եղել է «Հայֆիլմ» կինոստուդիայի հնչյունային օպերատոր, 1963 թվականից՝ «Մոսֆիլմ» կինոստուդիայի հնչյունային ռեժիսոր։ 1976 թվականից դասավանդում է Ռուսաստանի կինեմատոգրաֆիստների միությանը կից Կինոսցենարիստների և ռեժիսորների բարձրագույն դասընթացում։ 1992 թվականից Մոսկվայի Կինեմատոգրաֆիայի համառուսաստանյան համալսարանի ռեժիսուրայի ֆակուլտետի հնչյունային ռեժիսուրայի առաջին արվեստանոցի ղեկավարն է, 2002 թվականից՝ պրոֆեսոր։ 1999-2004 թվականներին եղել է նույն համալսարանի հնչյունային ռեժիսուրայի ամբիոնի վարիչը։ 1972 թվականից Ռուսաստանի կինեմատոգրաֆիստների միության անդամ է, «Նիկե» ակադեմիայի անդամ։ 2011 թվականին հեղինակել է «Կինոհնչյունագրության գեղագիտություն» հնչյունա-տեսողական կոնտրապունկտի տեսությանը վերաբերող գիրքը[1][2]։
Կինոնկարներ
խմբագրել- «Ճանապարհ դեպի կրկես», 1963 թվական
- «Ես զինվոր եմ, մայրիկ», 1966 թվական, հնչյունագրություն
- «Ծառայում էին երկու ընկերներ», 1968 թվական, հնչյունագրություն
- «Վազք», 1970 թվական, հնչյունագրություն
- «Քաղաքավարության այց», 1972 թվական
- «Մոսկվա, իմ սեր», 1974 թվական, հնչյունագրություն
- «Թեհրան-43», 1980 թվական, հնչյունագրություն
- Լև Կուլիջանովի «Ոճիր և պատիժ», երաժշտության հեղինակ
- «Կենտավրոսներ», 1978 թվական, երաժշտություն
- «Արձակուրդների ծովում», 1986 թվական, դերասան
- Գլեբ Պանֆիլովի «Մայրը» (հնչյունային ռեժիսոր, 1990 թվականին Կաննի կինոփառատոնում Հատուկ մրցանակի է արժանացել գեղարվեստական ձեռքբերումների համար)
- «Արծաթե հովտաշուշան», 2000 թվական, հնչյունային ռեժիսոր, դերասան
- «Աթենքյան երեկոներ», 2000 թվական, հնչյունագրություն
- «Նախագահն ու թոռնուհին», 2000 թվական, հնչյունագրություն
- «Եկեք ինձ նայելու», 2000 թվական, հնչյունագրություն
- «Կովկասյան ռուլետկա», 2002 թվական, հնչյունագրություն
- «Ֆոտո», 2002 թվական, հնչյունագրություն
Մրցանակներ
խմբագրել- «Նիկե» ազգային կինոփառատոնի մրցանակ, 1990 թվական
- ՌԴ արվեստի վաստակավոր գործիչ, 1997 թվական
Ծանոթագրություններ
խմբագրել | Վիքիքաղվածքն ունի նյութեր, որոնք վերաբերում են «Ռոլանդ Ղազարյան» հոդվածին։ |