Ռոբերտո Գուալտիերի
Ռոբերտո Գուալտիերի (իտալ.՝ Roberto Gualtieri, հուլիսի 19, 1966, Հռոմ, Իտալիա), իտալացի պատմաբան և ուսուցիչ, էկոնոմիկայի և ֆինանսների նախարար (2019 թվականից)։ Հռոմի քաղաքապետ (2021 թվականից)։
| Ռոբերտո Գուալտիերի | |
| |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Հռոմի Սապիենզա համալսարան և Նեապոլի համալսարան[1] |
| Մասնագիտություն՝ | քաղաքական գործիչ, պատմաբան, համալսարանի դասախոս և հետազոտող |
| Ծննդյան օր | հուլիսի 19, 1966 (58 տարեկան) |
| Ծննդավայր | Հռոմ, Իտալիա |
| Քաղաքացիություն |  Իտալիա
|
| Կայք՝ | robertogualtieri.it |
Կենսագրություն
խմբագրելԱվարտել է Հռոմի Լա Սապիենցա համալսարանը «նորագույն պատմություն» մասնագիտությամբ, այնտեղ ձեռք է բերել պատմության դոկտորի աստիճան և ստացել նորագույն պատմության պրոֆեսորի պաշտոնը[2]։
1985 թվականին միացել է Իտալիայի երիտասարդական կոմունիստական ֆեդերացիային (FGCI)։ Հետագայում դարձել է Իտալիայի կոմունիստական կուսակցության ակտիվիստ, 1991 թվականին՝ նրա ինքնալուծարումից հետո, անդամագրվել է Ձախ ուժերի դեմոկրատական կուսակցությանը, 2001 թվականին ընտրվել է Ձախ դեմոկրատների հռոմեական կազմակերպության քարտուղարություն։ Գրամշիի հիմնադրամի տնօրենի տեղակալն է։ 2006 թվականին եղել է Դեմոկրատական կուսակցության հիմնադիրների և նրա մանիֆեստի հեղինակների թվում, 2007 թվականին ընտրվել է Կուսակցության ասամբլեայում, 2008 թվականին՝ նրա Ազգային վարչությունում[3]։
2009 թվականին Կենտրոնական Իտալիայի կողմից ընտրվել է Եվրոպական խորհրդարանում, 2014 և 2019 թվականներին վերընտրվել է։ 2019 թվականին գլխավորել է Տնտեսական և արժութային խնդիրների հանձնաժողովը։
2019 թվականի սեպտեմբերի 4-ին ստացել է տնտեսության և ֆինանսների նախարարի պաշտոնը Ջուզեպպե Կոնտեի երկրորդ կառավարության ձևավորման ժամանակ[4], իսկ սեպտեմբերի 5-ին նոր կաբինետի կազմում երդում է տվել և ստանձնել պաշտոնը[5]։
2020 թվականի մարտի 1-ին Հռոմի կենտրոնական ընտրատարածքում լրացուցիչ ընտրություններում հաղթել է SARS-CoV-2 կորոնավիրուսի տարածման շուրջ խուճապի ֆոնին 62,2 % արդյունքով՝ ստանալով խորհրդարանի պատգամավորի մանդատը, որը թափուր էր նրա տիրոջ՝ Պաոլո Ջենտիլոնիի՝ եվրակոմիսարի պաշտոնի անցնելուց հետո[6]։
Ծանոթագրություններ
խմբագրել- ↑ 1,0 1,1 Montenegro A. ORCID Public Data File 2023 — 2023. — doi:10.23640/07243.24204912.V1
- ↑ Flavia Provenzani (2019 թ․ սեպտեմբերի 4). «Nuovo Ministro dell'Economia: chi è Roberto Gualtieri, il nome più chiacchierato» (իտալերեն). Money. Վերցված է 2019 թ․ սեպտեմբերի 4-ին.
- ↑ Enrico Mingori (2019 թ․ սեպտեմբերի 4). «Roberto Gualtieri: chi è il nuovo ministro dell'Economia del governo Pd-M5S» (իտալերեն). TPI News. Վերցված է 2019 թ․ սեպտեմբերի 4-ին.
- ↑ «Governo Conte bis: ecco la lista completa dei ministri» (իտալերեն). la Repubblica. 2019 թ․ սեպտեմբերի 4. Վերցված է 2019 թ․ սեպտեմբերի 4-ին.
- ↑ «Il nuovo governo ha giurato, iniziato il primo Consiglio dei ministri» (իտալերեն). la Stampa. 2019 թ․ սեպտեմբերի 5. Վերցված է 2019 թ․ սեպտեմբերի 5-ին.
- ↑ «Suppletive, a Roma vince il ministro Gualtieri con il 62,2%: "Risultato rafforza il governo"» (իտալերեն). la Repubblica. 2020 թ․ մարտի 1. Վերցված է 2020 թ․ մարտի 2-ին.
Արտաքին հղումներ
խմբագրել- «Ռոբերտո Գուալտիերի» (իտալերեն). Եվրոպական խորհրդարան. Վերցված է 2019 թ․ սեպտեմբերի 4-ին.
 | Վիքիպահեստն ունի նյութեր, որոնք վերաբերում են «Ռոբերտո Գուալտիերի» հոդվածին։ |