Ջոն Սինա

Ջոն Ֆելիքս Էնթոնի Սինա կրտսեր (անգլ.՝ John Felix Anthony Cena, Jr, ապրիլի 23, 1977(1977-04-23), West Newbury, Մասաչուսեթս), ամերիկացի դերասան, հիփ-հոփ երգիչ և պրոֆեսիոնալ ըմբշամարտիկ (ռեստլեր)։ Հանդես է գալիս «WWE» կազմակերպության «SmackDown!» ապրանքանիշում։

Ջոն Սինա John Cena
Իրական անուն	Ջոն Ֆելիքս Էնթընի Սինա Կրտսեր John Felix Anthony Cena, Jr
Ռինգային անուն(ներ)	Նախատիպ Պարոն Փի Ջոն Սինա
Ընդհանուր տեղեկություններ
Իրական քաշ	110 կգ
Իրական հասակ	1,85 մ
Ծննդյան թվական	ապրիլի 23, 1977 (44 տարեկան)
Ծննդավայր	Վեսթ Նյուբերի, Մասաչուսեթս, ԱՄՆ
Ապրելավայր	Տամպա, Ֆլորիդա, ԱՄՆ
Մարզիչ	«Ultimate Pro Wrestling» «Ohio Valley Wrestling»
Դեբյուտ	2001

Մասնագիտական կարիերայի ընթացքում 14 անգամ նվաճել է WWE, 3 անգամ՝ Աշխարհի ծանրքաշային չեմպիոնական գոտիները, ինչպես նաև 5 անգամ հռչակվել WWE Միացյալ նահանգների և 2 անգամ` WWE աշխարհի թիմային չեմպիոն։ Հաղթանակ է տարել նաև 2008 և 2013 թվականների «Թագավորական մարտերում» (անգլ.՝ Royal Rumble)։

Որպես ռեփեր, թողարկել է մեկ հիփ հոփ ալբոմ՝ «You Can't See Me» անվամբ։

Հայտնի է նաև «Ծովային հետևազորայինը» (2006), «12 ռաունդ» (2009), «Լեգենդարը» (2010) և «Առանց բարդույթների աղջիկը» (2015) ֆիլմերում ունեցած դերակատարումներից։

Կարիերան WWE-ում

2002-2004

Սինան ստորագրությունն է տալիս իր ապրանքանիշը կրող երեխային

Ջոն Սինան իր նորամուտը WWE-ում նշեց 2002թ.-ի հունիսի 27-ին Քուրտ Էնգլի հետ մենամարտով։ Սինան մրցամարտի ընթացքում մշտական առավելություն ուներ, սակայն նա պարտվեց չկարողանալով ազատվել Էնգլի «Էնգլ Սփլեշ» հնարքից։

2003 թ.-ին Ջոն Սինան արդեն պայքարում էր WWE չեմպիոնի կոչման համար ընդդեմ Բրոք Լեզնարի։ Թեժ և համառ պայքարից հետո Լեզնարը կատարեց իր ավանդական F5 հնարքը և հաղթանակ տարավ։ Նույն գիշերվա ընթացքում նա նաև պարտվեց Անդերթեյքեր։

2004 թ.-ին Սինան մուտք գործեց «Արքայական կռիվ»՝ 14 համարի տակ։ Նրան ռինգից դուրս կարողացավ հանել միայն Բիգ Շոուն, իսկ մրցամարտում հաղթեց Քրիս Բենուան։

Տիղոսներ և այլ նվաճումներ

• Ohio Valley Wrestling
  • OVW ծանրքաշային չեմպիոնատ (1 անգամ)
  • OVW հարավային թիմային չեմպիոնատ (1 անգամ) – Ռիկո Կոնստանտինոյի հետ
• Pro Wrestling Illustrated
  • Տարվա հակամարտություն (2006) ընդդեմ Էդջի
  • Տարվա հակամարտություն (2011) ընդդեմ Սի Էմ Փանքի
  • Տարվա մենամարտ (2007) ընդդեմ Շոն Մայքլզի՝ «Raw»-ի ապրիլի 23-ի թողարկում
  • Տարվա մենամարտ (2011) ընդդեմ Սի Էմ Փանքի՝ «Money in the Bank»-ի շրջանակներում
  • Տարվա ամենասիրված ըմբշամարտիկ (2004, 2005, 2007)
  • Տարվա ըմբշամարտիկ (2006, 2007)
  • #1 ըմբիշը ըստ «PWI Թոփ 500» դասակարգման (2006, 2007)
• Pro Wrestling Report
  • Տարվա մենամարտ (2006) ընդդեմ Ռոբ Վան Դամի՝ «ECW One Night Stand 2006»-ի շրջանակներում
  • Տարվա ըմբշամարտիկ (2007)
• Ultimate Pro Wrestling
  • UPW ծանրքաշային չեմպիոնատ (1 time)
• World Wrestling Entertainment
  • WWE չեմպիոնատ (13 անգամ)
  • Աշխարհի ծանրքաշային չեմպիոնատ (3 անգամ)
  • WWE Միացյալ Նահանգների չեմպիոնատ (5)
  • WWE թիմային չեմպիոնատ (2 անգամ) – Միզի (1) և Դեյվիդ Օտունգայի (1) հետ
  • WWE աշխարհի թիմային չեմպիոնատ (2 անգամ) – Բատիստայի (1) և Շոն Մայքլզի (1) հետ
  • «Money in the Bank 2012»-ի հաղթող
  • Թագավորական կռվի հաղթող (2008, 2013)
  • Սլեմմի մրցանակ՝ «տարվա սուպերաստղ» անվանակարգում – (2009, 2010 և 2012 ¹)
  • Սլեմմի մրցանակ՝ «տարվա գրավիչ հնարք» անվանակարգում (2010)
  • Սլեմմի մրցանակ՝ «տարվա իրադարձությունների ընթացքը փոխող» անվանակարգում (2011) - Ռոքի հետ
  • Սլեմմի մրցանակ՝ «Տարվա վիրավորանք» անվանակարգում (2012)
  • Սլեմմի մրցանակ՝ «Տարվա համբույր» անվանակարգում (2012) – Էյ Ջեյ Լիի հետ

1 ^Սինան չի ընդունում մրցանակը և փոխարենը որոշում է այն նվիրել հանձնողին՝ Ռիկ Ֆլեյրին։

Ֆիլմագրություն

Սինայի և աշխատակիցների այցը Բալադ, Իրաք

Ֆիլմեր

Տարին	Անվանումը	Դերը	Նշումներ
2000	Պատրաստ կռվի	Մարզասրահի մարզիչ	Նշված չէ տիտրերում
2006	Ծովային հետևազորայինը	Ջոն Տրիտոն
2009	12 ռաունդ	Դենի Ֆիշեր
2010	Լեգենդար	Մայք Չետլի
	Ֆրեդ	Ֆրեդի երևակայական հայրը
2011	Վերամիավորում	Սեմ Քլիրի
	Ֆրեդ 2. Ֆրեդի գիշերը	Ֆրեդի երևակայական հայրը
2012	Ֆրեդ 3. Ֆրեդի ճամբարը	Ֆրեդի երևակայական հայրը
2013	Ֆրեդ 4	Ֆրեդի երևակայական հայրը
2014	Սկուբի Դու. Ռեսլմանիայի առեղծվածը	Ջոն Սինա	Հնչյունավորում
2015	Ֆլինթսթոունները և WWE-ն. Քարե դարի սմեքդաուն	Ջոն Սինասթոուն	Հնչյունավորում
2015	Առանց կոմպլեքսների աղջիկը	Սթիվեն
2015	Քույրեր

Հեռուստատեսություն

Տարին	Անվանումը	Դերը	Նշումներ
2009	Շաբաթ երեկոյան ուղիղ եթերում	Ինքը	(34-րդ եթերաշրջան, սերիա 18)
2010	Պայծառատեսը	Էվան Օ՛Հարա	«Այս սերիան ձեր արշինով չէ» (4-րդ եթերաշրջան, սերիա 10)
	Թրու Ջեքսոն, Վի Փի	Ինքը	«Գիշերանոցային խնջույք» (2-րդ եթերաշրջան, սերիա 12)
	Հաննա Մոնտանա	Ինքը	4-րդ եթերաշրջան, սերիա 9
	Գեներատոր Ռեքս	Հանթեր Քեյն	Հնչյունավորում (1-րդ եթերաշրջան, սերիա 13)

Արտաքին հղումներ

• Էջը WWE.com կայքում(անգլ.)
• Մարտերի ցանկը Ռեստլինգի համացանցային բազայում(անգլ.)